البنات اللي يبغو قاانون أو أي احد عنده خبرة عن القسم :)

[بنت من الجامعه]

السلام عليكم
بنااااااااات
اولا الفف مبرووك على التسكين
وان شاء الله كل وحده لقت الشي اللي يرضيها


هنا اللي حابين يتخصصو قانون
حابه أسألكم كده كم سؤال
ولا بلاش اسأله
مو تحقيق هوا
بس انا بأفكر ادخل قانون وشاكه برغبتي
عشان كده
كل وحده بتتخصص قانون تقولي ليش تبغاه
يعني ايش عاجبها فيه وإيش تحس انها ح تشتغل لو دخلت دا القسم ؟؟!!!
يعني انا اشوف انو مافيه فرص وظيفيه كتير
بس الله اعلم يمكن ما اعرف
وكمان مافيه تطور وظيفي ولا ايش رايكم ؟؟
المهم انا ما عندي خبرة كتير عن دا القسم
عشان كده كل وحده تدخل تتكلم عنه وتقوول ايش اللي عاجبها فيه
وايش ممكن فيه وظايف في دا القسم

يعني فضفضو على راااحتكم
فضفضتكم بتفيدني
ومشكووورين ما قصرتو
بالتوفيق

[بنت من الجامعه]

وي
مافي احد يبغى قااانون ؟؟؟!!!!!
معقووووووووول !!!!!!!!!!!

[d7mi.y]

وعليكم السلام ورحمته الله وبركانه

اولا اسف على اللقافة دخلت في موضوع يخص البنات

ههههه

واسمحيلي اشاركك في الموضوع

انا بتخصص قانون والمجال هذا حبيته كثير

وانا طبعا ما درسته علشان اعطيك خبرة

طبعا جاتني الفكرة اني اكون محامي

بعد التوفيق من ربي والجميع ان شاء الله

بس انا عن نفسي اشوف المجال هذا كثير حلو


اما عن اسئلتك ما عندي لها اي خلفية

تقبلي مروري

واسف على قطة الوجة

[_-_نـدى_-_]

اناا حاابه قاانون بس نفس حالتك !!

مو مقتنعه مرره بس حابته ,,

بنت خالتي تشتغل بالبنك وتقوول انوو نحتاج التخصص ,, وهي اكثر وحده أيدتني اما الباقي لا :(

[wan]

التخصص له مستقبل

دي اقل كلمه توصف القانون

بالتوفيق

[اسير الحزن]

والله جبتها على الجرح
يارب انقبل قانون واروح الكليه الامنيه يارب <<قولوا له امين ياجماعه

اختى الكريمه التخصص جدا جميل لاسيما انه تخصص يعتبر نادر وزي مابيقولو (النادر مطلوب))

وفيه ميزه مابتحصليها في اي تخصص اذا لا قدر الله مااالقيتى وظيفه

تقدري على العمل الحر يعنى تفتحي مكتب خاص
الله يوفقك اختى الكريم ولاتخلي احد يختار مستقبلك
لازم تحددي مستقبلك بكل اقناع ولازم تحبي التخصص عشان تبدعي فيه

ولا خاب من استشار استشيري من هم ذوي الخبره انا عن نفسي لقيت معارضه يوم قلت ابغي قانون
اش تبغي فيه هذا ماله مستقبل وهذا فيه وفيه <<تحطمت صراحه
بس برضوا ابغاه ويارب اتخصصه يارب <<راسه ناشف

موفقه خير يارب وان شاء الله تصيري زميله في الساحات القضائيه

تقبلي لقافتى
اخوك
اسير الحزن

[روووني]

انا كمان نفسي في القانون
واحس صعوبتو في الحفظ الكتير الي فيه بس برضو عاجبني
واللي مخوفني انهم يطلبو فيه معدلات مره كبيره
انا سمعت انو حندرس سنه عامه وبعدين نتخصص صح ولا لا؟؟؟

[بنت من الجامعه]

المشاركة الأصلية كتبت بواسطة d7mi.y وعليكم السلام ورحمته الله وبركانه اولا اسف على اللقافة دخلت في موضوع يخص البنات ههههه واسمحيلي اشاركك في الموضوع انا بتخصص قانون والمجال هذا حبيته كثير وانا طبعا ما درسته علشان اعطيك خبرة طبعا جاتني الفكرة اني اكون محامي بعد التوفيق من ربي والجميع ان شاء الله بس انا عن نفسي اشوف المجال هذا كثير حلو اما عن اسئلتك ما عندي لها اي خلفية تقبلي مروري واسف على قطة الوجة

هههههههههههههههه
يسلموو اخوي على ردك
هدا الموضوع للجميع
بس معليش نسيت اعمم
وان شاء الله بالتوفيق وتسير اكبر محامي

[بنت من الجامعه]

المشاركة الأصلية كتبت بواسطة _-_نـدى_-_ اناا حاابه قاانون بس نفس حالتك !! مو مقتنعه مرره بس حابته ,, بنت خالتي تشتغل بالبنك وتقوول انوو نحتاج التخصص ,, وهي اكثر وحده أيدتني اما الباقي لا :(

يسلموو ندى على ردك
من جد يحتاجوه في البنك ؟؟
طيب والله كوويس مررة
بس في ايش يحتاجوه ؟؟ مستشارة قانونيه ؟؟
يلا ان شاء الله بالتوفيق

[بنت من الجامعه]

المشاركة الأصلية كتبت بواسطة wan التخصص له مستقبل دي اقل كلمه توصف القانون بالتوفيق

يسلموو عيوني
وان شاء الله يطلع كلالامك تمااااام ويطلع له وظااايف
لانو انا كل اللي مخليني متردده انهم يقولو مالو وظايف