عذر لكل من اخطأ

[LucKy LAD]

مرره جاني
من كنت اشوفه في عيوني تافه لأنه غلط غلطه
جاني وكلله حزن

أعطاني
اعذار قالي والله مو بيدي

رديت عليه وانا البس قناع الدفء وقلت
لا ماعليك انا مني زعلان
ما ادري هل كان يحس ببرودة كلماتي
ياناس
لبست القناع والله عشاني اعزه

دار الزمن
وانحطيت في الظروف اللي قالها ليا هذاك الشخص
ونويت أغلط نفس غلطه
بس اللي حصل اني ما لقيت
مين يعطيني
ولا حتى قناع كاذب
لقيت نفسي لوحدي احضن همي ومصيبتي
تزيدني ألم وانا اشد عليها بيدي
اليوم
عرفت حقيقه
وعرفت ليش يقولو
عمره
ما كان اللي يده في المويه زي اللي يده في النار
حاولت اسوي نفسي لك ماء
بس اكتشفت اني كنت
مجرد سراب
والزمن فهمني احساسك

أحبتي التمسو العذر لأكبر الاخطاء لكي تجدو من يلتمس لكم الاعذار حين تخطئون

دمتم بخير
LucKY LaD

[روحي وطن]

يعطيك العافيه اخ زياد على الخاطره البسيطه .,’

ولكن عندي ملاحظه بسيطه :.

آارى انك بعد ان كتبت لم تقم بتنقيح النص .. مثلا:.

رديت عليه وانا البس قناع الدفء وقلت
لا ماعليك انا مني زعلان
ما ادري هل كان يحس ببرودة كلماتي


بعد التعديل .,’
رديت وانا البس قناع الدفء
انا ما ني زعلان منك
زعلت من الزمن اللي خان وعدك
حسيت انه عرف اني اجامل لجل عينه .,’

ولكن لم يقلل فيما تركت .,’

دمت بودي .,’

|[روحي وطن]|

[LucKy LAD]

تسلم اخي سامي


كلامك عين الصواب وانا جدا سعيد بردك وتعديلك

اصلا اسلوب الكتابه كلله بعيد عني

والله كتبت بدون اي مراجعه

كتبت وانا مقهور

كتبت وعيني تدمع بدون دموع

ما اهتميت لا في لغه ولا غيرها


بس كتبت يمكن الكتابه


تخفف عني

جزاك الله الف خير
وردك اسعدني

دمت بخير

LucKY LaD

[shankoosha]

والله يازياد من جد خليتني ابكي

لان انا من النوع لو احد غلط في حقي

مااسامح بسهوله

حسيت اني غلطت بحق بعض صحباتي
يسلمو على الكلام المعبر

اختك جونا

تقبل مروري

[روحي وطن]

المشاركة الأصلية كتبت بواسطة lucky lad تسلم اخي سامي كلامك عين الصواب وانا جدا سعيد بردك وتعديلك اصلا اسلوب الكتابه كلله بعيد عني والله كتبت بدون اي مراجعه كتبت وانا مقهور كتبت وعيني تدمع بدون دموع ما اهتميت لا في لغه ولا غيرها بس كتبت يمكن الكتابه تخفف عني جزاك الله الف خير وردك اسعدني دمت بخير lucky lad

بصراحه تفآجأة في البداية من الموضوع .,’

آنا آعرف كتاباتك وقلمك الدائم يبهجني .,’

ولكن

الان عرفت انها لحظه غضب .,’

الظلم ظلمات يوم القيامة وانت شخص نفتخر فيه بأخلاقك .,’

وان شاء الله في يوم بتشوف وش اللي راح يصير في هذاك الشخص.,’

اتمنى لك السعادهـ والبعد عن الالم .,’

محبك ..

|[روحي وطن]|

[pulse heart]

بصراحه نزلت دمعه من عيني على هذا الكلام بصراحه اتاثرت كلماتك روعه مليئه بمشاعر الحزن والقهر والاسى

تقبل ردي :)

[LucKy LAD]

المشاركة الأصلية كتبت بواسطة miss soso بصراحه نزلت دمعه من عيني على هذا الكلام بصراحه اتاثرت كلماتك روعه مليئه بمشاعر الحزن والقهر والاسى تقبل ردي :)

شكرا اختي لردك وسامحيني ان كنت سبب في دمعتك

لأني ما اتمنيت اشوف احد زعلان وفي نفس الوقت ما قدرت امنع نفسي من اني اكتب

شكرا لردك

LucKy LaD

[شمالية شمالية]

والله يازياد اني بكيت يوم قريت اللي كتبت

حسيت بنفس اللي انت فية

يارب كل ايامك سعادة ويبعد عنك الاحزان

الى الاماااااااااااام ياذوق

[لندنية]

خاطرتك جت في الصميم

[fefe]

روعه زياد ..
حسيت وانا اقرا كاني اقرا كلام يدور في راسي دايما لاني انا دايم اذا غلطت بحق شخص احط نفسي مكانه وافكر ايش بيكون ردي لو كنت مكان ذا الشخص ...؟؟
سلمت يمناك على هذا الكلام..