لاصحاب الخبره...افيدوني

[حلم وطموح]

السلام عليكم ورحمة الله وبركاته....
اعزائي اعضاء المنتدى انا من سكان الطائف وأرجو افادتي في الاقسام المرغوبة للماجستير مستقبلا..يعني اش الاقسام الجديدة اللي بتفتح في الجامعة ويحتاجون لها اعضاء هيئة تدريس(محاضر) ...انا بكاليريوس حاسب الى...وحابة اكمل ماستر في تخصص مطلوب..قالوالي ادارة وتخطيط مطلوب كونه قسم راح يفتح مستقبلا (في جامعة الطائف)...او تخصص ادارة اعمال او اكمل في تخصصي علوم الحاسب... والله محتااااره وتعب عقلي من التفكير...
..اذا في احد عنده معلومه عن التخصصات المرغوبه كمحاضر في الجامعة سواء في جامعة الطائف او جامعة الملك عبدالعزيز
ارجو الافادة شكرا

[نعم للإبداع]

اي تخصص ينفع محاضر اعتقد

لكن في انتظار الإقادة من أخواننا السابقين في الماستر

يارب سهلها واجعلني من المقبولين *_*


وانا اريد اكمل ماستر حاسب بإذن الله مع إن تخصصي إنقليزي فنصيحتي الشخصية كملي في الحاسب الآلي ..

[حلم وطموح]

والله يانعم للابداع اسعدني ردك.....>>>احد اعطاني وجه

انا ودي بالمطلوب كمحاضرين في الجامعة
يعني لو انا بكاليريوس حاسب واكمل ماستر مش حاسب مثلا اداره او نظم معلومات ...نظام التوظيف في الجامعة يقبل كذه والا لازم امتداد للتخصص...؟؟؟؟؟؟؟؟؟؟
سؤال عااابر:
فيه ماستر نظم معلومات اداريه في الجامعة ؟؟!!
ننتظر افادة الاخوان
وانا كمان نا خااااايفه من القبول مع انه معدلي جيد جدا مرتفع ومرتبة شرف ودورات وخبره حتى اني قلت اقدم على الماستر الخاص يمكن اضمن لي مكاان!!!!

[نعم للإبداع]

ماعرف والله بالنسبة لمسارات الحاسب لكن ممكن تشوفي في موقع عمادة الدراسات العليا لان كل شي مفصل فيه


لكن بالنسبة للإكمال عادي تقدري تكملي في اي تخصص اخر حتى لو بغيتي من كلية أخرى


وبالنسبة لمعدلك وشهادات ودورات كلها في صالحك وترفع كفة قبولك في ميزان العمادة بإذن الله

[Zero cool]

الله يووووووووووووووووفقك

[نوره علي]

و عليكم السلام و رحمة الله و بركاته

في الحقيقة وجهة نظري أنك تدخلين القسم الي تحبينه و تحسين أنك بتبدعين فيه

أما مسألة الاحتياج لأعضاء هيئة التدريس فهذه أرزاق من رب العالمين ، ممكن اليوم يقولون لك القسم الفلاني ما نحتاج فيه أساتذة ، و لا قدر الله تصير مصيبة و تأخذ كل من في القسم :) و يكون فيه احتياج و بقوة ، باختصار هذه أمور بيد الله ، و أكرر أهم شيء حب التخصص المقبلين عليه

و بالتوفيق

المشاركة الأصلية كتبت بواسطة حلم وطموح السلام عليكم ورحمة الله وبركاته.... اعزائي اعضاء المنتدى انا من سكان الطائف وأرجو افادتي في الاقسام المرغوبة للماجستير مستقبلا..يعني اش الاقسام الجديدة اللي بتفتح في الجامعة ويحتاجون لها اعضاء هيئة تدريس(محاضر) ...انا بكاليريوس حاسب الى...وحابة اكمل ماستر في تخصص مطلوب..قالوالي ادارة وتخطيط مطلوب كونه قسم راح يفتح مستقبلا (في جامعة الطائف)...او تخصص ادارة اعمال او اكمل في تخصصي علوم الحاسب... والله محتااااره وتعب عقلي من التفكير... ..اذا في احد عنده معلومه عن التخصصات المرغوبه كمحاضر في الجامعة سواء في جامعة الطائف او جامعة الملك عبدالعزيز ارجو الافادة شكرا

[حلم وطموح]

مشكوره اخت نوره علي عالنصيحه...فعلا كلامك صحيح...