الى كل من تريد معلومات اكثر عن السكن الداخلي للطالبات..

[Fatema Alshareef]

وعليكم السلام اسراء....
اذا سجلتي بياناتك عندهم بس لسى ما كملتي اوراقك وقالولك تراجعيهم خلاص
معناتو انك قبلتي عندهم بس اهم حاجه لمن تجي بداية الدراسه تجيبي كل الاوراق اللي طالبينها كامله...
وإن شاء الله يسير خير ولا تخافي انو يفوتك التسجيل لانو مع بداية السنه يجو البنات الخريجات
ويسوو اخلاء طرف من السكن وبكذا تبقى غرف كثير فاضيه.....

[Fatema Alshareef]

المشاركة الأصلية كتبت بواسطة esra'a5992 طيب حبيت أسأل هل صحيح اللاب توب والجوال ممنوع بالكاميرا أو لا ؟؟ وحبيت أسأل عن الخروج والدخول .. يعني ممكن أطلع وأدخل أو لا .؟؟. وهل يسوون رحلات ترفيهية أو خروج إلى المجمعات أو لا .؟؟. وهل بنآآخد راحتنا ولا تحسوون في ضغط يعني اشرحي لنا عن السكن فيه مضآآيقات أو بالعكس عايشين مثل الخوآآت .؟؟. فيدينا الله يخليش

جوال ولابتوب الكاميرا ايوه ممنوع...
الدخول والخروج عادي تقدري تطلعي وتدخلي باي يوم من الساعه 8 صباح
الى الساعه 9ونص المسا وغير الاوقات هذي يكون خروج اضطراري يعني يكون عندك ظرف طارئ وتبغي تطلعي......
ويسوو رحلات ايوه وكمان اذا تبغي تحضري دورات في قاعة المؤتمرات عادي تقدري...
والحمدلله السكن مافي اي مضايقات بس لازم لازم تروحي توقعي مبيت كل ليله بمكتب الاشراف
ومافي اي مضايقات من البنات بس فيه بعضهم يرفعو صوت المسجل لأعلى وهذولي قليل..
وإن شاء الله تسكني بمبنى هادي وترى اغلب المباني هدوء.....والبنات حبيبات وطيوبات.....

[Fatema Alshareef]

دكتوره مياوي ياهلا......

لا ياقلبي السكن يوفر باصات مو نحنا....

[Fatema Alshareef]

نور النور اهلا.....
بالنسبه للتسجيل روحي قبل الدراسه سجلي بياناتك اضمنلك......
لانو اعرف بنات سجلو بياناتهم بس اوراقهم مو كامله ويكملوها على الدراسه
وهم مسجلين من اول......وإن شاء الله تقدري تسكني بالسكن لانو بعض الغرف
حتفضى بداية الترم..
بالنسبه للشركات ما اعرف عنها شي...

[Esra'a5992]

طيب في أجهزة معينة نجيبها معانا ...؟؟... نحتاجها ميبي ؟؟

[Esra'a5992]

طيب أبغى أعرف أكثر عن موضوع الوكالة ..
سمعت إن نقدر نسوويها بالجامعة بدون محاكم ..
وأبغى أعرف أنا بس كتبت اسمي لأنو ورقة العمدة طولت عندي يومين وانتهى التسجيل ..19/8 فما قدرت أوديها .. وماحصلت حجز أصلاًً ..
وهل تتوقعوا أشوف غرفة أحادية فاضية ولا تمتلي أول ..
ووش أحتاج أودي معي للغرفة ..
أفيدوني الله يجازيكم الخير ..

[بنوتة نعومة]

لو سمحتوو بدي اعرف
السكن عبارة عن شقة وفيها مثلا 3 غرف ومطبخ مشترك وحمام ولا كيف
وبالنسبة للحمام يعني كيف نظامو بانيو وكرسي الله يكرمكم وكدا ولا<<<<<<<<<<<اسالة تفشل هووووووع
والمطبخ من شو مكون وخاص ولا لعشرين وحدة معايا خخخخخخخخخخخخخ
بليز لازم اعرف
والخروج مع الوكيل عادي كل يوم في الوقت المحدد ولا بس ربوع وخميس وجمعة
اي شي في خاطركم قولوه وتعرفوه فيدونا يعني


سي يا

[بنوتة نعومة]

وافتكرت شغلة برادة الموية
والمكنسة الكهربائية
عاتي ولا لا؟

[حابه # اتخصص]

تسلمي بنت جامعتي ماقصرتي صراحة
بس انا عندي سؤالين وهما مهمين بالنسبة ليه
اول شي كل الجو هناك يعني في ازعاااج ولا هدوء
ثانيا كيف نظام الغرفة يعني راح يكونوا البنتين في نفس الغرفة ولا كل وحدة في غرفة بالنسبه للي ساكنين مع بعض
كمان الاشياء الي انتي قلتيها كثير ما شاء الله يعني الغرفة تكفي كل الاشياء دي

[Fatema Alshareef]

المشاركة الأصلية كتبت بواسطة esra'a5992 طيب في أجهزة معينة نجيبها معانا ...؟؟... نحتاجها ميبي ؟؟

في اجهزه ممنزعه واجهزه تقدري تجيبيها
وكل الاجهزه اللي تشتغل على 220 ممنوع تجيبيها...
لانو كهربة السكن 110 ... غير كذا في غسالات وثلاجات وبوتجاز
تقدري تجيبي الكاويه/ الاستشوار/ التلفزيون/ المسجل /الخلاط الكهربائي/
وغيرها كثير.....اسأليني سؤال محدد واجاوبك....
يعني ايش الاشياء اللي ناويه تدخليها ونا اقوللك ممنوعه ولا لا....