خلونا نتناقش يمكن نقدر نغير الواقع!!!

[mيmي العفريتة]

المشاركة الأصلية كتبت بواسطة soma al7elwa منجد منجد على قد ما في مواضيع استفزتني دا اكتر واحد مستفز بينهم كلهم ومنجد اتكلم دحين وانا فحالة غضب شديد الاختلاط انتهى امرو من زمان ما عاد في شي اسمو اختلاط العالم كلو صار قرية صغيرة فكل مكان موجود الجنسين كل مجالات العمل صار فيها "اختلاط" ماعدا المدرسة حتى موظفة البنك الا ما تحتاج تختلط مع رجال ليش الخوف دا كأنو بعبع؟؟؟ الاختلاط شي والخلوة شي تاني ازا خايفين منجد من الاختلاط بليز لا تنزلوا اسواق لا تعتمروا أو تحجوا لا تمشوا فالشارع لا تدخلوا عالنت لأنو في اختلاط بين الرجال والبنات لا تشتركوا فمنتديات لا تجيبوا سواقين لانو اكيد حتركبوا سيارة معاه ودا اختلاط ولا تجيبوا شغالات لأنو صار اختلاط بالبيت الطب وجميع الاقسام الطبية وأي خدمة في مجال المستشفيات من اسمى المهن الموجودة على وجه الكرة الأرضية وتستحق انو الواحد يخوض كل شي عشان يوصلها حتى عامل النظافة فالمستشفى له فضل ما بعد الله فحماية البشر من الجراثيم والفيروسات المنتشرة في المستشفيات وبعد كدا نقولك لا ما يصير تشتغل البنت عشان "اختلاط" حابة اوضحلك نقطة حبيبي انو مو "أغلب الاسر" لأنو العقلية المتحجرة دي عالأقل عندنا في جدة أتلغت من زمان يمكن لأن الأصول مو قبيلية والاندماج مع الثقافات التانية والزواج من غير سعوديين ادانا مجال انو ننفتح اكتر بس كل اللي حواليني مع انو في عوايل "محافطة قبيلية" بتشجع بناتها عالطب والاقسام الطبية كلها فمو فاهمة فين المشكلة؟؟ المسألة عادات وتقاليد بالية متخلفة من عقول متحجرة ونجلس ندورلها مبررات فالدين عشان يصير الموضوع رسمي ويلا هلم جرا قال ايه غيرة ومدري ايش هوا احنا بنشتغل رقاصات ولا بنات ليل؟؟ قبل فترة وحدة صحبتي تحكيني عن بنت من عائلة "قبيلية" كملت لسنة تانية طب ونجحت فيها وابوها موافق وكل شي وجوا حسبي الله ونعم الوكيل فيهم "الجماعة" زي ما بيسموهم وكيف تخلي بنتك تصير دكتورة ومدري ايش اخرتها ابوها خرجها من الطب عارفين لو انا مكانها كان شبيت فيه الغاز وولعتو بدون أي مبالغة ماشاء الله تحرر وانفتاحية حتى أبوها لو رفض حتولع فيه الغاز!!!!!!!! ولا الاب الي ذبح بنتو عشان اتقبلت فكلية الطب وهوا مدمن مخدرات وبعدها جدتها جاتها جلطة من فجعتها وخايف عليها من الاختلاط بالله خايف عليها من الاختلاط وانت مدمن مخدرات؟؟؟ وربي لو انا منها كان مسكت السكينة الي بيدو فتحت بطنو بيها الله يقويك ان شاء الله!!! يعني منجد ما أعرف ايش في اي وصف غير انو عقل متحجر بكل ما تعنيه الكلمة ايش راح يصيرلنا يعني ؟؟؟؟ الدنيا مو سايبة في ادارة في شرطة في قانون بالبلد ولا حتى العراق وفلسطين الدنيا مو سايبة كدا عندهم زي ما قال tag2000sa ماحنا لعبة نعرف كيف نوقف اللي يأذينا عند حدو في اجراءات لدي المواضيع إلى متى خايفين على البنت كأنها طفل صغير ما يقدر يتحكم ولا يتعامل مع الناس؟؟؟ ولا كأنها امرأة بالغالة فاهمة طول بعرض أو بالأحرى نتحجج انو خايفين عليها لأنو ما اعتقد انو خوف على البنت بقدر ما انو خوف من القيل والقال وانو المرأة عندهم عورة لازم تتغطى اختلاط غيرة شك تحرشات كلها اعذار عشان نتبع العادات المتخلفة اللي تحكم مجتمعنا فكل شي متى راح تفهموا تفكروا بعقلكم؟؟؟ دي انقاذ ارواح بشر تعرفوا يعني ايش ارواح؟؟؟؟ وجايين تقولوا اختلاط طيب ليش ما تخافوا عالولد من "الاختلاط" دا؟؟ ولا كالعاده من العادات والتقاليد المتحجرة دا ولد وانتي بنت؟؟ حسبي الله ونعم الوكيل الله يهدي العقليات دي ويفتح عليها وينورها يارب وبعدين ايش الي ماليه امان؟؟؟ بكل بساطة انت مو واثق فزوجتك ولا فبنتك ولا فأختك عشان تقول الكلام دا ايش اللي قصة العابد المؤذن والنصرانية؟؟؟ لا تجلس تبرر لغيرتك وشكك القاتل اعوذ بالله ولا أغلبية فاسدة ولا حاجة كل واحد يمثل نفسو فقط ما دامك تغار على اخواتك وبناتك وعند غيرة ومش عارف ايه من الاعذار المضحكة المبكية عامل الناس كما تحب ان يعاملوك مافي اي داعي تروحي او تروح تودي زوجتك او اختك او ايا يكن عند دكتورة نسا وولادة الدكاترة موجودين ومليانين البلد مافي داعي تروحوا عند طبيبة اسنان الاطباء موجودين مافي يا داعي تخلي النيرس تضربلكم الابر في الممرضين الرجال في كل الاقسام موجودين الرجال ياريت محد يقرب من العنصر النسائي وخلوهم للناس اللي "ميتة الغيرة في قلوبهم" امثالنا احنا راضيين اتفقنا؟؟ _________________ اعزائي طموح ، لندنية ، اوكسجين ، يا دنيا من هو انت له ، tag2000sa الله يرضى عليكم يارب نفخر انو يكون في ناس زيكم عشان نخدمهم الله يسعدكم يارب

أختي unknown اقري الموضوع تمام ولا تتكلمي بدون علم هذا كله وهي ماقالت شي ماشاء الله الله يهنيكم بالانفتاح اللي انتوا فيه وشي ثاني لو كلية الأولاد منفصلة عن البنات مين حيدرسك امرأة أم رجل؟؟؟؟؟؟؟ووظيفتك فين حتكون....

[υикиσωи]

المشاركة الأصلية كتبت بواسطة mيmي العفريتة أختي unknown اقري الموضوع تمام ولا تتكلمي بدون علم هذا كله وهي ماقالت شي ماشاء الله الله يهنيكم بالانفتاح اللي انتوا فيه وشي ثاني لو كلية الأولاد منفصلة عن البنات مين حيدرسك امرأة أم رجل؟؟؟؟؟؟؟ووظيفتك فين حتكون....

يا قلبي انتي رديتي عليها على الكلام اللي كنتي مقتبستو هناكا ..وداكا ما فيلو اي كلمة تخلف ..
ولا كيف ...؟!...؟

بعدينا حبيبتي الرجال اللي بيدرسني على قولك على بعد كم متر .. مو اقل من مترين ..

وأي انفتاح دا اللي بتتكلمي عليه ..!.؟
حبيتي أنا من عيلة محافظة الحمد لله ..
والحمد لله انا بأصلي وأصوم وحافظة القرآن الحمد لله ..

لا تحكي على الناس يا قمري قبل لا تعرفيهم ... لانو مو الاختلاط ولا غيرو هوا اللي حيحكم على الناس بالانفتاحية او لا ..

وحتى لو كنا منفتحين على قولك .. فاحنا شايفين الموضوع من زاوية انتي مو شايفتها .. وعارفين اخلاقنا الحمد لله .. وعارفين كيف ممكن نتعامل مع الرجال ونفرض احترامنا عليهم في مجال عملنا .. << دا ازا كان في اختلاط معاهم ..!..

بالتوفيق ..=)