خلونا نتناقش يمكن نقدر نغير الواقع!!!

[عصر الحاسب]

المشاركة الأصلية كتبت بواسطة soma al7elwa هو دا الكلام عزيزتي عصر الحاسب ممكن اعرف ليش الحقد دا كلو على الطب وبناتو؟؟ قتلنالك قتيل؟؟ احنا حرين نشتغل فمكان اختلاط ندرس لوحدنا ندرس مع رجال خليكم فنفسكم وفمجالكم وبس ايش حارق رزكم؟ انتي تدرسي حاسب بعدين فين حتشتغلي؟؟ ابلة ولا معيدة؟؟ هوا دول المجالين الوحيدين بدون اختلاط شركة او بنك متضطرة انك تعملي باختلاط منجد ضيعت وقت كتير هنا ومين قالك انو نفيت انو من ناقصات العقل ودين؟ انا نفيت اننا نكون "بلاعقل وبلا دين" وزي ما قلت قاطعونا وقاطعوا كل مستشفيات الاختلاط وقاطعوا كل شرطات الاختلاط اعملوا حملة تقاطعنا الله يخليكم احنا نبغاكم تقاطعونا وتقاطعوا مستشفايتنا وشركاتنا وكل حاجة فيها "اختلاط" والله كل ما اقول لوحدة صحبتي معايا فنفس المجال يقولوا "انتي متوقعة انو محد يتكلم معاكي؟؟ ياشيخة اتعلمي تطنشي اخرتها هما يجوا محتاجيننا خليها تنفعهم تريقتهم كل واحد حر فنفسو" كلهم بيعيدوا نفس الكلام رجاءا رجاءا ابدأوا من اليوم قبل بكرة بحملة المقاطعة في انتظاركم على احر من الجمر :)

والله سلامتك ما أبغى منك ولا نص شيء حتى ...

اختلطي وسوي اللي في نفسك حتى لو عزمتي الرجال في بيتك والله ما ضرني ولا زادني ولا نقص مني شئ

( ولا تحسبن الله غافلا عما يعمل الظالمون *إنما يؤخرهم ليوم تشخص فيه الأبصار)

لاحظي ==>تشخص فيه الأبصار

وسبحان الله العلي العظيم شئ غريب فعلا إنك تعلنيها وبكل صراحة إنك تبغي تخالطي الرجال

والله عيب وعيب ومليون عيب في حقك كمسلمة عربية تقولي هذا الكلام...
احنا فهمناك وجهة نظرنا أنه عادي ادرسي طب لكن في مكان مخصص لك كمرأة

لكن أنتِ وللأسف الشديد أعلنتيها صريحة بحبك لمخالطة الرجال والعمل معهم ...

وللعلم ، أنا فخورة جدا بدراستي لعلوم الحاسبات وفخورة جدا بأني لن أخالط الرجال البتة بإذن الله.

فخورة جدًا بأن دينني علمني أسسه بطريقة سليمة ومحترمة وبعيدة كل البعد عن الشبهات وأماكن الفتن...

وأما مكان عملي في المستقبل لو أصبحت معيدة مثلا فيها بأس أو عيب ..؟!

على فكرة فيه شركات ومؤسسات دعوية وخيرية وتحفيظ قرآن طلبت العمل لديها من خريجات الحاسب.

بالعربي الفصيح اللي يبغى الشغل الحلال ،الله ما راح يضيعه

عشان كم ريال في نهاية الشهر ، أنهي ديني وعرضي ؟!

وأما الحاجة لكم ، الله سبحانه تكفل برزقنا ونحن في بطون أمهاتنا فلا تجزعي ولا يضيق صدرك .