مركز اكسترا..سوءتعامل..وتأثرها بلأزمه الماليه العالميه

[damoo]

ياشيخه بكاشين
انا اشتريت من عندهم شارجر للـ ipod tuch لانو ما جاء معاه غير كيبل للكمبيوتر
وكل ماجيت ابغى اشحن حت الشغل اللاب عشان اشحن
ولما رحت عندهم اداني واحد وقلي دا مضمون وحيشتغل معاكي <<<< طبعا بالإنجليزي
ولما شبكته ما إشتغل لان مايناسب جهازي
اخخخخخ
وما قدرت ارجعه ولا استبدله لانو سواقنا هرب تاني يوم خخخخخخخ
واخواني مايرضو يخرجوني :(
قهرر
عندي اخوان واطلع مع سواق :(
-----
الله يكون في عونك

[عموريAHLI]

امما غريييييييييييبة

اكسترا معروفة

[northstar]

انا لابتوبي اخذته من بيل جيتس

فرساتشي اصلي


افضل مكان جرير<< مكتبة جرير اليها نطير

[mzat kau]

والله انا ماجربتو بس اختي تمدح فيه واللهو اعلم :) اشبو شارع خالد بن الوليد ومدينه الاتصالات مرة جيدين خخخخ

[روووني]

مشكورين كلكم على مروركم

لسه من شويه بابا رجع من عندهم بعد مااضارب معاهم وهزأهم

قبل يومين كلمهم بابا وقلهم خلاص لاتصلحو انا حاخدو واصلحو بره بس جهزو ليا

وراحلهم بابا ماجهزو ولا حاجه وقالولو انت اطلع الدور اللي فوق وخدو منهم

بابا طبعا عصب قال انا اخدمكم ولا انتو تخدموني واخدو الحمدالله منهم

وجاري التصليح طبعا بره اكسترا

[EXtra]

السلام عليكم ورحمه الله وبركاته :


اولا قبل ما أبدأ كلامي أنا مش ممثل إكسترا أو المحامي الخاص لها علشان أكون في حوار عميق معاك لكي لا تفقد الشركة سمعتها أو تعلن افلاسها إكسترا راح تظل كما هي والى تقدم ان شاء الله ,,

ذكرتي في موضوعك عزيزتي التالي :

( انكسرت شاشة الابتوب يوم الجمعة 31\7\2009 فوديته اكسترا )

من المتعارف عليه دوليا ان الضمان لا يشمل الكسر ابدا واكسترا تملك المسؤلية الكاملة على تطبيق خدماتها على اي جهاز يباع لها, سابقى في صلب الموضوع ولن اخرج مثل ما خرجتي عن اطاره فقد اصبحت شكواك متشتته وعلى قوله السوريين (فشّه خلق )
مواعيد تسليم الاجهزة اذا تم ارسالها للوكيل تكون متفاوته والوكيل هو الذي يحددها ..


(انا اخدتو من فرع جده اسوأفرع )

(لكن زي ماقلت شركه ماديه بحته بكل عمالها اللي يشغلو فيها وبكل فروعها في المملكه )

اذا كان شريت الابتوب من فرع جده فهذا معناه انه الفرع فيه مشكله مو كل فروع الشركه الله يسامحك خصصي ولا تعممين اذا كان كل واحد يتضرر من المويه مثلا يروح يشرب من مويه البحر هذا مو منطقي واللبيب بالاشاره يفهم ..

وكذلك ذكرتي انه لا يوجد سنترال هذا كلام غير صحيح ارجوك تأكدي من كلامك قبل ما تنزلينه في اي منتدى شركة تخصص رقم مجاني عاجزه انها تجيب سنترال ياجماعه الخير فيه مدراء وفيه مسؤؤلين في الشركة وراء كل صغيره وكبيره واذا كان على المدير اللي ذكرتيه فهذا واجهه ويعرف ما يقوم به وهو يمثل نفسه فقط ..

((بيع الابتوب من غير قطع غيار متوفرة لدى الوكيل والابتوب 3455 وقطع الغيار ب
1700كيف مركز كبير زي اكسترا مافيه قطع غيار وليش مااتكلمو من البدايه))

خليكي منطقيه في كلامك اذا اردت ان تطاع اطلب المستطاع ذكرتي ان الشاشه انكسرت ومعروف ان الشاشه نصف الجهاز يعني تبينها يبيعونها بـ 85 ريال وبعدين مومسؤؤليه اكسترا انها توفر قطع غيار للاجهزة ..

الحريه في الاراء لاتعني كما يفهمها كثير من الناس التعدي على حريات الاخرين او التعدي على التقاليد ,هي التصرف والتعبير عن الراي بمسؤولية وحدود ,,

وانا ماراح ازيد واعيد في الموضوع لكن اريد من الجميع تحري الدقه والموضوعيه في كتابه المواضيع وأصاله عن نفسي ونيابه عن اخواني السعوديين فنحن بكل فخر نعتز بعملنا كإداريين وفنيين وبائعين ومحاسبيين في الشركة المتحدة للالكترونيات ...

Ziad Abdullah Obaalkhil

Regional Director

extra_call@hotmail.com

[JuStice]

’.

لكُلٍ وجهة نظر ..

ما أقدر أحكم لأني ما سبق أتعاملت مع إكسترا ..

ولكن لي تعليق وكما ذكر الأخ Extra بأن شاشة اللاب توب نصف الجهاز ..

وأبدًا مو مستغرب كون سعرها 1700 أو حتى أكثر .

.’

[روووني]

والله دوبي اشوف ردك اخ اكسترا

لكن هذا موبس كلامي هذا كلام كم وحده معايا في الموضوع وبعدين على حكايه الفروع حتى الفرع اللي في الشرقيه

مدري بالزبط فين بنت عمتي وولد عمتي اشترو منو جهازهم ونفس حكايتنا سارت لهم ونبهوني منهم بس انا عنيده

انا مااعترض على السعر انا اعترض على الموظف اللي قلنا انو توجد قطع غيار في المركزوبعدين على قولك الشاشه نص الكمبيوتر او يمكن تلات ارباعه بس ليش اللف والدوران معانا ليش مايكونو صريحين من البدايه ويقولو ماعندنا قطع غيار وزي مايقولو الصراحه راحه
وبصراحه اللي فيها كسلانين ومو مهتمين لعملاء اللي فيها قلنالهم نبغا الجهاز حنصلحوه بره قالو بكره تعالو استلموه
جينا بكره ومالقينا الجهاز معبى ولا شي ولمن بابا صرخ فيهم وهزاهم قامو زي النمل يتجارو يجيبو الجهاز وصلحنا بره يمكن في 3 ايام
وهو بنفسو اللي بابا كلمو قال انو مافي سنترال الا ازا كانت اكسترا توظف كزابين عاد مدري عنها
وشكلك ماقريت ردوود الاعضاء اقراها وحتلاقي مو بس انا كل اللي اشترو منهم متضايقين منهم وضحكو عليهم
وسلام

[روووني]

مشكور اخ كووول والحمدالله انك ماتعاملت معاهم

وارجو انك تنتبه مستقبلا ولا حتندم زيي
واز مو مصدق اقرا ردود باقي الاعضاء اللي في موضوعي

وثانكس اقين