توقيف 807 من المخالفين للذوق العام

[جداوي غير]

توقيف 807 من المخالفين للذوق العام

منصور الشهري ــ الرياض




أوقفت شرطة منطقة الرياض 807 شباب في مقتبل العمر خلال الشهر الماضي، في إطار متابعتها وملاحقتها للظواهر الغريبة مثل ارتداء الملابس الخادشة للحياء، والتي تحمل أسماء غربية من شاكلة (طيحني) أو (يابابا سامحني) وقص الشعر بطريقة مخالفة أو إطالته بتقليعات غريبة ومنافية للذوق العام. وأوضحت شرطة الرياض أمس أن دوريات الأمن تمكنت من خلال الحملة المنظمة التي شنتها منذ بداية الشهر الماضي من ضبط 807 شباب، أحيلوا جميعا لمراكز الشرط التي تتولى تطبيق الأنظمة القاضية بضرورة إزالة المخالفة واخذ التعهد على أولياء أمور الشباب بضرورة متابعة أبنائهم ورصد تحركاتهم. وفي هذا الصدد ناشدت شرطة منطقة الرياض عموم الشباب بالابتعاد عن الأساليب والتصرفات الدخيلة واحترام القواعد العامة وترك التقليعات والعادات الغريبة والشاذة، مؤكدة على أنها لن تتوانى في تنفيذ النظام ضد كل خارج على التعليمات.


المصدر http://www.okaz.com.sa/new/Issues/20...0826300887.htm

[قاهر المتكبرين]

خبر مفرح بصراحة ..

أتمنى يتوجهوا لجدة كمان ..

[soma al7elwa]

طيب جينزات اللو وست وفهمنا انهم رافضينها عشان "منافية للعادات والتقاليد" وتظهر العورة -مع اني كل اللي اشوفو هوا البوكسر وهوا بيغطي العورة -ومايصير يلبسها غير المنحطين والسفلة وفامريكا ما كان يلبسوها الا الشواذ واللي ماشيين بطريق بطال والخ الخ الخ من الموالات اللي نسمعها كل ما طلعت موضة جديدة

مع اني أتمنى من كل أب ومن كل واحد من جيل اكبر يشوف ايش كان يلبس ايام الستينات والسبعينات والتمانينات وبعدين يجي يعطي اولاده مواعظ وعبر

واتمنى من الاولاد اصلا يروحوا يشوفوا صور لابهاتهم من ديك الايام ويواجهوهم

والشعر ايش قصتو كمان يسجنوا الاولاد عشانو؟؟

كمان عورة ولازم تتغطى ؟ والشواذ والبطالين "فامريكا " يقصوها ونفس الاعذار السابقة؟؟

[hanadiateiah]

inshallah ..all the teenagers issues will be over after this move !!! BOL

[مني يغار الورد]

ظهر الحق وزهق الباطل ان الباطل كان زهوقا

[قاهر المتكبرين]

المشاركة الأصلية كتبت بواسطة soma al7elwa طيب جينزات اللو وست وفهمنا انهم رافضينها عشان "منافية للعادات والتقاليد" وتظهر العورة -مع اني كل اللي اشوفو هوا البوكسر وهوا بيغطي العورة -ومايصير يلبسها غير المنحطين والسفلة وفامريكا ما كان يلبسوها الا الشواذ واللي ماشيين بطريق بطال والخ الخ الخ من الموالات اللي نسمعها كل ما طلعت موضة جديدة مع اني أتمنى من كل أب ومن كل واحد من جيل اكبر يشوف ايش كان يلبس ايام الستينات والسبعينات والتمانينات وبعدين يجي يعطي اولاده مواعظ وعبر واتمنى من الاولاد اصلا يروحوا يشوفوا صور لابهاتهم من ديك الايام ويواجهوهم والشعر ايش قصتو كمان يسجنوا الاولاد عشانو؟؟ كمان عورة ولازم تتغطى ؟ والشواذ والبطالين "فامريكا " يقصوها ونفس الاعذار السابقة؟؟

يعني بالله عاجبك منظر البوكسر حق الأخ اللي ماشي فرحان بيه؟؟ لا وبعضهم مرة إيزي لابسين بوكسر عليه صور ميكي ماوس !! أو عليه صور قلوب .. يا قلبي على الرومنسية ..

وبعدين فعلاً أنا لي صديق درس معايا هالسنة وهو جاي من أمريكا طااااازة عالجامعة يقول انه من جد في أميركا اللي ينزل البناطيل بهالطريقة ويلبس هالتيشيرتات المنتشرة هالأيام فهو Definitely gay ..

والله أخواتي وقريباتي وكل البنات العاقلين اللي أعرفهم فعلاً يتقززوا من هالمناظر و -لاحظي- والله يغضوا البصر عنهم بالمعنى الحرفي للكلمة! ليش؟ لأنها فعلاً خادشة للحياء وعيييييب ..

أصلاً أنا ما أفهم .. كيف بعض البنات يرضوا يمشوا مع واحد زي كدا ..؟ اللي أعرفه انه البنت تبحث في الشاب عن الرجولة قلباً وقالباً ..

والشعر برضه عاجبك انه الرجل يلبس باروكة عشان يبان انه كول وولد ناس ؟؟ وياريتها باروكة حلوة لا والله انها تبكي الأطفال لو شافوه .. أسبوع الشجرة ..

الآن جاوبيني بجواب واضح .. هل انتي راضية ومقتنعة انه فعلاً هالمناظر مقبولة وليس بها أي حرج..؟

[stan]

إيش هيا القصات و إطالة الشعر المخالف للقانون عشان نعرف و ما يتسحب الواحد من قفاه على القسم كأنه طالب مدرسه

العسكري ماشي و معاه كتالوج...

طيب و الجل ممنوع و الشعر الكيرلي ممنوع عشان ناخذ حذرنا

قلبوا كوفيره بدل ملاحقة المجرمين

سخافه كل واحد حر يطول شعره يقصه فين الضرر الواقع على الآخرين

إيش هيا سياسة تخويف للشباب و لا إيه

بالله يوقفوا الشباب في التوقيف مع المجرمين عشان شعرهم سبايكي و لا بوكسرهم باين

دا منطق!!!

[Da Vinchi]

^
^
معاك في كل اللي قلته
تركوا المهم والتفتوا لأمور مضحكة
البلد سايبة لا أمن ولا أمان
البنت ما تقدر تمشي لحالها خطوتين في الشارع بدون محرم ويقولك قبضنا على كم شاب لابس طيحني وكم شاب مسوي شعره كدشه
الله أكبر يا الإنجاز الأمني العالمي الحين

مدري ايش هيا حدود اللو ويست ,, 20 سم فأقل من تحت السرة يمكن!
ويعني وقفت على منظر البوكسر إنه مسيء وخادش ومدري ايش والدنيا كلها زبايل

[المسلم العربي]

أوافقك أخي قاهر وكلامك منطقي جداً..
سبحان الله, أتعجب ممن لا يريد السلطات الإهتمام بالأمور الأخلاقية فقط لأنه يرى تقصير في جوانب أخرى..
هل لأجل أن الجرائم والفساد بأنواعها منتشرة نترك الدنيا فوضى بلا إنضباط..؟
الله عز وجل يقول لنا جميعاً (إتقوا الله ما استطعتم)..
طالما أنه بقدرة السلطات معاقبة المسيئين لأنفسهم ولغيرهم بهذا اللباس القبيح فلما هذا التباكي على "طيحني" واخواتها..؟
لا نرى الغيرة على المسلمات وعلى الأمن والبلاد إلا للتخذيل عن الأمر بالمعروف..

اللهمَّ اجعل أهواءنا تَبعاً لما أمرت به ، وارزقنا الصدق في القول والعمل..

[soma al7elwa]

عزيزي وصديقي قاهر

يب مقتنعة تماما وليس بها أي حرج

ليش بابتي وجيل السبعينات كان من حقهم يلبسوا البناطيل الواسعة والكدش اللي نشوفو دحين ولا شي بالنسبه لكدش ايامهم ودحين ممنوع على جيلنا؟؟

قد شفت واحد عمرو 25 -27 ولا 30 لابسو؟؟؟

هي موضة جيل مراهق جية وحتروح

نفس اعرف ليش مقهورين من البوكسر؟؟ ترى قماشة زيو زي التي شيرت ومغطية اللي تحتها

وفي جينزات اصلا تجي قصتها من فوق فيها قماش تاني غير الجينز زي كأنو بوكسر باين

والبوكسر حق القلوب والميكي ماوس والاشياء دي دا ينشرى عشان يبان مو ينشرى عشان يتغطى

بالنسبة لصديقك مع احترامي الشديد ليك وله

بس معقولة كوووووووووول الشباب اللي امريكا واوروبا اللي لابسين لو وست شواذ؟؟

يا سبحان الله!!

فين المستقيمين ازا؟؟

انا لما كنت سنة رابع او تالت ابتدائي لما طلعت حركة انو اربط الجاكي على الوسط

كانوا فالمدرسة يقولوا لنا الابلات "ترى البنات البطالات في امريكا يربطوا الجاكيت على وسطهم"

وابلة تقول "انا اخويا شاف بعينو البنت تلبس الجاكيت على وسطها وتجي سيارة تاخدها لأنهم بنات مو كويسات"

إلى متى وهما مفكريننا اغبياء وموداريين عن الدونيا برا شي؟؟؟

انا مو فاهمة ايش العيب انو قماشة باينة؟؟

ايش اللي مو قادرين تتقبلوه في انو بدل الجينز في قماش باين ؟؟

ولا كالعاده لمجرد انها شي جديد مو معتادين عليه فهوا مرفوض تماما؟؟!

انا بمشي مع قرايبي وهما لابسين لو وست وعادي ومو شايفة فيها شي

دا جيلنا دا سننا حنكبر وحنتغير وحيجي اولادنا وحيلبسوا موضة جيلهم وتتغير ويجوا اولادهم وزي كدا

الى متى والناس تتدخل وتفرض رأيها وقيودها علينا؟؟؟

اعطونا مساحة نعبر عن رأينا بأسلوبنا ونسوي اللي نبغاه وصدقوني راح نتغير لوحدنا للافضل ان شا الله

في واحد قريبي اكبر مني ب7 او 8 سنوات كان يدرس فجامعة البترول

كان هوا سنة تانية جامعة وبما انو المطار قريب من بيتنا جا يسلم علينا ونلاقيه عامل كدش مرررررررا كبير

كنت وقتها بنت متوسط وجلسنا نلعب فشعروا ونضحك ومش عارفة ايه

طبعا خد تهزيء من مامتو واختو الكبيرة وقلك راضاهم قص شوية من شعرو

وكل فترة بشوف شعرو يقصر ويغير الستايل وكدا

الين ما جات اخر سنة بالجامعه وهوا قاص شعرو قصة عادية صح ستايل وعالموضة بس مو غريبة زي الكدش داك

اتزكر بنفسي قلتلو ليه قصيت شعرك؟؟ كان حلو الكدش

راح قالي لا خلاص كبرت على دي الحركات

كدا ارتب

يعني راح يتغيروا لوحدهم

على قولة مامتي "نهقة في الراس وتطلع"

بس