سؤال لكم

[حالمة بالطب]

السلام عليكم
انا بصراحه ودي ادخل طب بس في شغله ابي اعرفها
انا ابي طب اطفال
انا اللي اعرفه انو بعد 7 سنوات اقدر اتخصص
ذا مزبوووط ولا لا
وكم عدد سنوات طب الاطفال
وايش اقل تخصص عدد سنوات
وودي اسأل الناس اللي لهم فترة بالطب
كل سنوات الطب حتكون دراسه وحفظ في الجامعه وايش اصعب سنه بالنسبه لكم
انا بصراحه ابي طب ومتحمسة للموضوع واتمنى يقبلووني وافرح اهلي فيني
بس خايفه من عدد سنوااااته
احسه مرة كثير بعدين للأسف في ناس يحبطوووني بكلامهم
انوو مرة صعب ومافيه ابدا راحه حتى في الاجازات
حسسوني ان الموضوع فيه تعجيز
وانا ما ابا غير طب بشري او طب اسنان ومحتارة ايش اختار منهم
لاني طب الاسنان ما احبه بس سنواته اقل ورغبتي منجد طب اطفال واتمناه من كل قلبي
وماعاد اعرف احترت منجد
وبصراحه مافي بنت في عائلتنا طبيبه
يعني الامال علي انا
ودي افرح اهلي
ودي يحسون بأني مصدر فخر لهم
وخايفه ما انقبل
وخايفه اشيل مواد لو دخلت
اعذروووووني على تشاؤمي الشديد واتمنى تساعدوني تعلموني بأي معلومه
مع العلم اني من عائلة قبليه جدا
وشوية الموضوع بالنسبة لبعض الناس يعتبرونه عيب
الحين بسكت لاني مسختها
اتمنى تريحوووني وربي يوفقكم ويسهل لكم امركم
لاتبخلووون علي

[مَـزٍآج ..}..]

طب الأسنآن عدد سنوإأتـه مثل البشرري ..
سبعه سنوإأت وبعدين تتخصص !!

باآقي الاسئله ان شآء الله الدكآتره مآ يقصروا معآك !!

[حالمة بالطب]

مشكــووور اخـــوي على مـــرورك
واتمنى القى تعاون واحد يرد علي
وماقصرت وإن شاء الله الاخوان يردوون علي

[dr.jimmy]

المشاركة الأصلية كتبت بواسطة حالمة بالطب مشكــووور اخـــوي على مـــرورك واتمنى القى تعاون واحد يرد علي وماقصرت وإن شاء الله الاخوان يردوون علي

حبيبتي اول شي انا احس انو عندك طموح بس مع خوفك حتخسري طموحك
انتي يمديكي تقصري السنين لو اخدتي صيفي وتاخدي ف المواد العامه لانو ف الصيفي ماادري ازا كونت تقدري تاخدي
مواد تخصص
تاني شي لمن تخلصي 7 سنين تسيري طبيبه عامه ولمن تبي تتخصصي يعتمد علا القسم اللي تبي
وزي ماانتي تبي طب الاطفال
اخي العزيز بنسبة لتخصص طب الاطفال اولا عليك درسة 6 سنوات في الجامعه وسنه امتياز وبعدها تتخرج طبيب عام
وبعد ماتتخرج طبيب عام تقدم على البورد او الماستر وتختار التخصص اللي تبغي تتخصص فيه اما بنسبة لتخصص طب الاطفال مدة دراستة 4 سنوات ( في السعودية) اما بقية الدول على مااظن نفس الشئ او يزيد سنه او يقل سنه بالكثير
مع تمنياتي لك بكل التوفيق ان شاءالله
مقتبستها من دا الموقع لكي
http://www.ksastudents.com/vb/t30419.html
وانا من وجهة نظري انو لو دخلتي طب بشري احلا عارفه ليش
لأنو الطب البشري تقدري تكوني مثلا اخصائية اطفال وتاخدي الاستشاره ف شي تانيه
ماادري كيف اقدر اوصلك المعلومه بس انو مجالاتو اكتر ومتنوعه ممكن تسير اخصائيه انف وادن وحنجره وتاخدي البورد اللي هوا شهادة حقت جراحات التجميل وتشتغلي ف المجالين يعني نوعتي توعا ما
والله يكتبلك اللي ف الخير واستخيري الله
اختك
Dr.Jimmy

[حالمة بالطب]

مشكوووورة اختي
وفعلا الله يكتبلي اللي فيه الخير
بس للاسف كان ودي اعرف نظام الدراسه وهل فعلا صب مرة وفي دراسه في الاجازات ولا
وبصراحه ابي اعرف بعد الطب العام ايش تنصحوووني بتخصص يكون سنواته مو مرة كثيرة وحلو يعني سنتين لانو اربع كثير مرة
وبعدين ودي اسمع ارائكم واي معلومات تعرفونها
للاسف تتوقعت القى اكثر من رد
صدقوووني انا احترت مرة وساعات احس بضيق وخوف من ذا الموضووووع
فأخاف مايقبلوووني وكل شيء قدامي يتحطم
كل حلم وكل لاب كوت تمنيت البسه
اعطووني اي معلومة تريح
واي نصيحه الله ينفعكم بها وشكرا

[Dr~NanoOok]

السلام عليكم

عزيزتي إذا حابة الشيء من قلبك وطموحك تكوني فيه
فباذن الله مافي شي يقدر يعيقك , واذا ربنا كتبلك فيه فحيسهلك كل شي
فلا تقولي خايفة ما أقدر أكمل
ولما ان الدراسة صعبه ما حقدرلها

لأن الدراسة بالطب طويلة وتحتاج مجهود كبير
سواء حفظ وفهم وربط للمعلومات وكل حاجة لأنها دسمة ومعلوماتها كتير
لكنها جدا ممتعة ومحمسة
وهذه المتعة والحماسة ما حتجيكي إلا لما تكوني حابة الطب من قلبلك
ومن جد كل شي حيهون عشانه وما حتحسي بالضغوط د كلها
وفي ناس دخلوا الطب واتخرجوا منها , لكنهم ما حسوا بطول السنوات السبعة
لأنهم حبوا الموضوع واستمتعوا بكل لحظة !

واذا حابة تتخصصي في طب الأطفال
فعندك 7 سنوات طب من خلال دراستك فيها تقدري تحددي أي تخصص هو المناسب لك
وطب الأطفال سنوات تخصصه أعتقد 4 سنوات
وبصفة عامة أقل تخصص سنواته مابين 2-3 سنوات

لكن اذا حايرة مابين طب الأسنان والطب البشري
فطب الأسنان سنواته الدراسية زي البشري بالضبط 7 سنوات
إلا أن الأسنان بعد التخرج تعتبري طبيبة خلاص وليكي أحقية تفتحي عيادة خاصة بيكي
لكن بالبشري لما تكوني طبيبة عامه , فما حتلقي وظيفة بمركز كويس
لازم انك تكملي ماستر و دكتوراه عشان تصيري دكتوره لها صيت وخبره

وعندك السنة التحضيرية خلالها تقدري تحددي أي الأقسام الطبية أنسب لك
وفي الأخير ربي حيختارلك الخير فيهم


بالنسبة لتقليل سنوات الدراسة
فما أعتقد فيه عندنا كده
لأن نظامنا سنوات , يعني لازم تاخدي المادة خلال سنة كاملة
وليس نظام أترام , كل ترم تاخدي مادة جديدة

وما تنزل مواد تخصص في الفصل الصيفي
فقط المواد العامة ومتطلبات الجامعة زي الثقافة الاسلامية والعربي

غير انك في الاجازة حتحتاجي تروحي تدريب في المستشفيات
يعني حتستغلي وقت اجازتك


ربي يوفقك باذن الله
و وكلي أمرك لله ولا تخافي ولا تاخدي هم
فربنا حيكتبلك الخير دائما

فلا تفكري كيف حتجيبي المعدل اللي حيدخلك الطب ولا الدرجات العالية
أخلصي عملك ومذاكرتك لله
وهو ما حيضيعلك تعب أبدا

[ريمااااس]

السلام عليكم ورحمة الله وبركاته يوم حكيتي عن حالك ذكرتيني بنفسي قبل لا ادخل الطب كنت مثلك خايفه ومتردده ومو عارفه ادخل ولا لابس انا مشكلتي كانت اني كنت ابي طب اسنان بس ابوي ماوافق فدخلت طب بشري والله السنين عدت بحلوها ومرهاولمادخلت كنت حاطه في بالي اتخصص اطفاال بس الحين شلت الاطفاال من باي مولشي بس شفت اشياوتخصصات احلى من الاطفاالوحتى الان انا محتااره وش اتخصص فيااختي كوني واثقه من حالك ولازم يكون عندك اراده قويه وتوكلي على الله وانشا الله حتتوفقي وطب الطفال اعتقد4 سنينومن الناحيه الجهد والتعب اللي سمعتيه في الجازات انتي حتكونيتتدربي ولانه مع الدراسه في اسئله حتكون شاغله تفكيرك بكذا حتقري عنها في الاجازه الله يوفقك امين اهم شي شيلي التردد والخوف اللي ساكنك وازرعي في نفسك الثقه والاراده القويه اتمنالك كل خير,,,,,,,,,,,

[soma al7elwa]

زي ما قالت ريماس لا تفكري فاشياء بعيدة وتلخبطي نفسك

انتي دحين قرري اي كليه تبغي؟

اسنان او طب؟

وبعد ما تخلص ال7 سنين وقتها حيبان ايش ميولك الحقيقي

الله يوفقك يارب