سكن الطلاب في الجامعة ؟؟

[*rainbow*]

المشاركة الأصلية كتبت بواسطة رزان22 وابغى اسال كمان كيف الاكل والتلفزيونوكيف النوم يعني عادي الوحده تنام وتصحى بكيفها ----امكن تشوفي اسالتي تافهه بس لاتلوميني -----الله يوفقك يارب وتشوفي نفسك صيدلانيه قد الدنيا------

خدي راحتك والله كنا نسال اسئله اخس من كداا خخ

اصلا لازم تسئلي عن كل شي انتي راح تسكني هناك لازم تعرفي كل صغيره وكبيره

بالنسبه للاكل في مطعم صحي في السكن ب5 ريال كل يوم يكون شي غير مثلا يوم دجاج ورز ومكرونه وسلطه وحلى وعصير وكل يوم تتغير هدي الاصناف ويغرفولك من الي تبغي

وفي كفتريتين في السكن وحدا منهم نفس الي حتشوفيها في الجامعه (رابيس)
في الايام الاولى كنا ناكل منو بعدين تعبنا والله كل يوم معجنات وكدا
فصار لازم نطبخ خخ
عادي في بقاله ممكن تشتري منها الي تبغي وتطبخي في الغرفه
وممكن تطلبي من بره البيك مثلا او كودو بس على حسب البنات ازا كانو اكترهم داك اليوم يبغو البيك حيشترولكم البيك وكدا يعني
بالنسبه للتلفزيون مافي بس ازا تبغي ممكن تجيبي تلفزيون صغير معاكي بس مح يكون في الا السعوديه
احس احسن مافي تلفزيون عشان لاتتلهي عن الدراسه لازم تشدي حيلك ^_^
النوم على كييفك ياقلبي محد يجبرك بس انتي وروميتتك احسن تكونو متفقين على حكايه النوم عشان لايسير وحدا تبغا النور والتانيه تبا تطفي وتسوو مضاربه
بس اهم شي من بعد المغرب عندك للساعه وحده تقريبا في دي الفترا روحي وقعي مبيت في الاشراف لاتتاخري عن وحده عشان لا تلاقي الاشراف عندك في الغرفه
امم بس تقريباا
بالتوفييق يارب الله يريحلك بالك ويسهلك

[*rainbow*]

المشاركة الأصلية كتبت بواسطة رزان22 قوس قزح ------عندي كمان سؤال ماما كلنت صاحبتها عندها بنت تدرس بعبدالعزيز وقاتلتلها صاحبتها انه البنات في المحاضرات يلبسوا عبايه صح هذا الكلام ------واذا كان صح الاغلبيه يعني تلبس عبايه وتحتها اي حاجه يعني بنطلون حاجه زي كذا عادي -------ادري طولت عليكي اااااااسفففففهههههه -----الله يوفقك ويديكي على قد نيتك -------

امم شوفي على حسب الايام الاولى اغلب البنات كانو يفسخو عباياتهم عشان شي جديد وشياكه وكداا ،،
بس بعدين لما تبدا الدراسه والجد تحسي ماليكي نفس فتجلسي بالعبايه،،
انا عن نفسي كنت اجلس بالعبايه لانو الشنطه تكوون مررررررا تقيله وماكانو يسمحولنا بلوكرات نحط فيها العبي فكنت البسها لانو اريحلي مو ناقصه اتقل الشنطه،،
في بنات كانو يلبسو بناطيل تحت العبي بس انتي وحظك ازا شافوكي ممكن يسحبو البطاقه وساعات ممكن ما ينتبهو بس مو كل مرا تسلم الجره
خليكي نظاميه احسن =)

[رزان22]

rainbow انتي مو قوس قزح انتي احلى والله من قوس قزح تسلمي عالردود الي تجيب العافيه
----اشوفك على خير ----

[رزان22]

طيب عندي كمان شوية اسئله كيف النت هناك -------انا وقت التقديم عالسكن كانت ناقصتني بعض المستندات فسجلت مديرة السكن اسمي والي ناقصني على اساس اجيبها بعد العيد ومن هذي الاشياء الكشف الطبي ابغى اعرف هو نفسه حق الجامعه هذي الورقه الي عليها شعار الجامعه مطبوع على الصفحه كلها ولا في ورقه تانيه خاصه بالسكن ----لاني ابغى اجي بعد العيد مستنداتي كامله مو ناقصه كمان والله احنا المستجدات وقت التقديم مره تبهدلنا كلنا ----ولك وافر الشكر والامتنان-----على فكره اذا طفشتي مني اكتبيلي اذا كان حبيبك عسل لاتلحسه كله وانا افهمها عالطاير -------مشكوووووووووره اختي -------

[*rainbow*]

المشاركة الأصلية كتبت بواسطة رزان22 طيب عندي كمان شوية اسئله كيف النت هناك -------انا وقت التقديم عالسكن كانت ناقصتني بعض المستندات فسجلت مديرة السكن اسمي والي ناقصني على اساس اجيبها بعد العيد ومن هذي الاشياء الكشف الطبي ابغى اعرف هو نفسه حق الجامعه هذي الورقه الي عليها شعار الجامعه مطبوع على الصفحه كلها ولا في ورقه تانيه خاصه بالسكن ----لاني ابغى اجي بعد العيد مستنداتي كامله مو ناقصه كمان والله احنا المستجدات وقت التقديم مره تبهدلنا كلنا ----ولك وافر الشكر والامتنان-----على فكره اذا طفشتي مني اكتبيلي اذا كان حبيبك عسل لاتلحسه كله وانا افهمها عالطاير -------مشكوووووووووره اختي -------

عاادي بابت وي الناس لبعضهاا خدي راحتك،،
بالنسبه للنت احنا السنه الي فاتت كنا نجيب كونكت ومااشي حالو رغم انو مو دايما الشبكه تكون تمام في الغرف بس ازا خرجتي من الغرفه تسير كويسه الشبكه،،
امم وفي مقهى للنت بس مااعمري دخلتوو والي اسمع عنو انو مرا الاجهزه كلها فيروسات وحااله،،والجو حر فيها وكداا،،
والفتره الاخيره ماسارو يفتحوو،، اصلا مواعيده مو مرا مناسبه احس،،
بس قالو انهم على دي السنه ان شالله حيكون موفر خدمة نت مجاني للطالبات <<ان شاالله وشكم يكون حلو علينا ويوفرولنا خدمة الانترنت =)
امم ورقة الكشف السنه الي فاتت كانت نفسها حقت الجامعه ماعملت كشفين واحد كشف للجامعة والسكن،،
غريبه والله انكم اتبهدلتوو الحمدلله على وقتنا كل الامور كانت تمام بس يلا لازم تتعودي على المرمطه ماشفتوو شي ،،

وعاادي زي ماقلتلك اي استفسار انا حاضره وازا تبي صور للسكن عشان تطمني ماعندي مانع برضوو =)

ماقلتيلي انتي من فين ^_^