سؤال جدا جدا مهم بخصوص التسكين بعد التحضيريه

[MAG2020]

السلام عليكم ....

في حاجه ماني فاهمها بخصوص التسكين
الحين كاتبين عشان تخصص طب لازم تجيب فوق 85% فوق المواد التاليه ( فيزياء - احياء -كيمياء - إنجليزي (مادتين ))
طيب المطلوب انو لازم كل ماده فوق 85 يعني فيزياء 85 احياء 85 كيمياء 85 انجليزي 85 ومافوق
ولا يقصد النسبه بعد الجمع وتقسيمها على 5

مثال:
مثلا طالب ( رقم 1 )
جاب
فيزياء 86
احياء 86
كيمياء 86
انجليزي المادتين 86
تسير النسبة المجمل له( 86% )



وطالب (رقم 2)
فيزياء 95
احياء 95
كيمياء 70 ( لاحظو معي 70)
انجليزي مادتين 90
النسبة المجمل له ( 88% )

وباقي مقعدين للطب
مين لو اولوليه للتسكين
الطالب رقم 1 لأنو جاب كل المواد فوق 85
ولا الطالب رقم 2 لانو جاب نسبة موزونه 88 اعلى من 86 للطالب رقم 1 ( مع العلم انو عندو ماده تحت 85 )


؟؟؟
اللي عندو خلفيه يجاوب مو من تأليفك بليييز

[وســام]

اللي اعرفه مجموع النسبة الموزونة الاعلى له الاولويه

[mzat kau]

هما شرط البي بلس شرط فرعي مو اساسي وفين كتير نازلين عن البي بلس وماشا الله انقبلو =)

سو اي ثنك انو بالموزونه

شي تاني هادا كلو شي الكتروني ماتدري ايش اللي ممكن يسير لكن من جد الله يسهلنا كل تخصصاتنا يارب ويفتح علينا =)

[C.J.Z.]

وعليكم السلام ..

أخوي اللي أعرفه أنا واللي كاتبينه أنه شرط أنك تجيب على الأقل 85 في المواد اللي ذكرتها

بعدين الأفضليه على اللي نسبته العامه أعلى من هذولا اللي حققوا النسب المطلوبه .

أتمنى يكون شرحي واضح وإذا مافهمت ياليت تقولي أوضح..

بالتوفيق للجميع..

[الفطين]

كم النسبةحتى ادخل الطب او الهندسه وش الافضل الطب والا الهندسه

[C.J.Z.]

المشاركة الأصلية كتبت بواسطة الفطين كم النسبةحتى ادخل الطب او الهندسه وش الافضل الطب والا الهندسه

أخوي شف هذا موضوع أخوي طموح ماقصر فيه النسب وما المطلوب

http://www.skaau.com/vb/showthread.php?t=90216

وعلى الأفضل الطب ولا الهندسه

والله شف أنت فكر

الهندسه لازم تكون جيد في الرياضيات أهم شي والفيزياء

الطب عندك فيزياء كيمياء أحياء لازم تكون جيد فيها

بالإضافه للغة الإنجليزيه للتخصصين

غير كذا هل عندك القدره على مزاولة أحد المهنتين وغير كذا

وأتمنى أحد يقدر يفيدك أكثر..

بالتوفيق..

[MAG2020]

المشاركة الأصلية كتبت بواسطة c.j.z. وعليكم السلام .. أخوي اللي أعرفه أنا واللي كاتبينه أنه شرط أنك تجيب على الأقل 85 في المواد اللي ذكرتها بعدين الأفضليه على اللي نسبته العامه أعلى من هذولا اللي حققوا النسب المطلوبه . أتمنى يكون شرحي واضح وإذا مافهمت ياليت تقولي أوضح.. بالتوفيق للجميع..

؟؟؟؟

كيف شرط اجيب 85 في كل المواد
والأفضلية للمعدل النسبي

حيرتني

مثالي واضح

مين راح يتسكن اول طالب رقم 1 او طالب رقم 2

وانا راح افهم

[rayyan1444]

الجواب عندي وانا ابو هندي خخخخخخخخخخخخخ


شوف يا طويل العمر هذي المعلومات انا جبتها عن طريق الاودس بعد ما سكنونا ( يعني كلام 100 % صحيح )

لازم تكون النسبة الخاصة حقتك فوق 85..

والنسبة الخاصة هي مجموع درجاتك في هذه المواد ((الاحياء والكيمياء والفيزياء والانجليزي 1 و 2)) وتقسمها على 5

يعني زي طالب رقم 2

وبالتوفيق

[jef619]

المشاركة الأصلية كتبت بواسطة rayyan1444 الجواب عندي وانا ابو هندي خخخخخخخخخخخخخ شوف يا طويل العمر هذي المعلومات انا جبتها عن طريق الاودس بعد ما سكنونا ( يعني كلام 100 % صحيح ) لازم تكون النسبة الخاصة حقتك فوق 85.. والنسبة الخاصة هي مجموع درجاتك في هذه المواد ((الاحياء والكيمياء والفيزياء والانجليزي 1 و 2)) وتقسمها على 5 يعني زي طالب رقم 2 وبالتوفيق

زي ماقال ريان

[الفطين]

السلام عليكم

انا من طلاب السنه التحضيريه المستجدين خطه أ هل السنه التحضيريه صعبه وخاصةانها بالانجليزيه والانجليزي صعب جدا جدا جدا بالنسبه لي
ابغى جواب وابغى نصائكم يااخواني زكيف اذاكر
والله يعطيكم الف الف الف عافيه