|| هنـآ تجميع لأسئلة الإختبارات النهائية للطــــالبات لِـ عام 1432-1433 الفصل الأول||

[سكرة هانم]

المشاركة الأصلية كتبت بواسطة *ام حمودي* فرنسي مع مرفت الببلاوي انتساب اقدر اقول عن الاختبار انو سهل للي ذاكرو بس يبغالو تركيز حبتين اول شي جابت لنا محادثه من الكتاب وعليها 5 اسئله والسؤال اللي بعدوو كان اكتبي 6جمل عن نفسك وجابت au,aux,... طبعا فراغات وانتي تمليها بدي الكلمات وكمان جابت سؤال انو نشطب ع الجواب الخاطئ مثلا elle نحط معاها المهنه او الوظيفه المذكره او المؤنثه طبعا زي ايتيديانت و جوغناليست... يعني لازم تكونو مذاكرين المهن وطريقة معرفة اذا كانت مذكره او مؤنثه وجابت عن الجنسيات طبعا لاتسألوني ايش ماني مفتكره بالضبط بس ذاكروها كووويس ومذكرها ومؤنثها وكمان جابت عن quel,quelle,quelles.. بطريقة فراغات ذاكروها وجابت اجوبه وتبغى عليها اسئله اللي هياque est ce? ومعناه من يكون او من هو؟؟ و que est ce que c'est?? وطبعا معناه لمن يكون او ما هو هذا الشي زي كذا للشي غير العاقل وجابت صيغه واحنا نحولها لصيغة امر وجابت اكتبي 6جمل عن شخص تعرفيه بس تبغى معلومات عنو عن شكلو وطبيعتو ووصفو وزي كذا جميل طويل نحيف ...وجابت الفعلين savoir وconnais<<مو متأكده من السبلنق وطبعامعناهم يعرف بس هي تبغى متى تنقال وفين تحطيها يعني مع tu ايش ومع vous ايش وزي كذا وهي طبعا في جمله مو لحالها يعني جايه فراغات<<اتمنى تكونو فهمتو عليا لانو انا مو فاهمه من نفسي خخخخخخ وجابت du,de,... برضو فراغات واحنا نحطها مع الجمله المناسبه وعشان ما نتلخبط جايبه سؤال ثاني عن ادوات التعريف la,le... واحنا نحطها في الفراغ المناسب وجا فراغات واحنا نكتب الايام والشهور كلها كتاااابه يعني ادتنا كم اسم للشهور واحنا نكمل الباقي والايام نفس الشي وجابت الساعه بالرقم واحنا نكتبها كتابه وكمان حقت اللي قبل الميعاد وبعد الميعاد وفي الميعاد دي جابتها فقره لحالها يمكن 6 فقرات لازم تكونو عارفين متى تقولو كل وحده وجابت تصريف الافعال تقولك الكلمه وانتي اكتبي نهايتها بالتصريف المناسب وهذا السؤال عليه 10درجات لحاله لانه 10 فقرات لازم يا حلووين تحفظو التصريفات اللي في الكتاب زي اسمكم والشواذ منها كمان وفقره ثانيه طبعا هذي انا ما ذاكرتها كويس وما فهمت اصلا ايش المطلوب مني هو عن التصريفات برضو يعني تجيب افعال وتبغاها ادجكتف ع ما فهمت ووالله مو مفتكره الكلمات لاني اساسا ما عرفت احلو دا السؤال وبس ان شاء الله ما اكون نسيت شي واذا نسيت ان شاء الله الصبايا ما يقصرو بس دعواتكم اعدي في دا السمستر لانو شكلي بجيب العيد..موفقين..

الله يسعد روحك يا ام حمودي ريحتيني, اختباري للفرنسي اليوم, ان شاء الله خير