استفسار واحد متوهق !!

[T@RIQ]

المشاركة الأصلية كتبت بواسطة مشعل المطيري اخوي طارق ...... كلامك فيه جزئيه صحيحه ( بالنسبه لي ) وهي ماتخص المواد التي تحتاج للفهم اكثر من الحفظ كمادتيّ ( مبادئ المحاسبه ) و ( مبادئ الإقتصاد الجزئي ) ...أمّا باقي المواد فأعتقد ان طريقتي لها وهي ( ملخص ...ثم كتاب ..ثم ملخص ) ناجحه جداً كونها تحتاج للقراءه ...وبداية الملخص كونه يعطيك فكره ( شبه موجزه ) عن الماده ..وبالتالي تبدأ بالكتاب وانت على إطّلاع فيما ستقرأ وبالتالي تكون كزياده معرفيه لأساس انت تملكه. اما ( مادتيّ الفهم ) فأعتقد انها بحاجه لمدرّس متخصص . أشكر تجاوبك معي بالموضوع اخوي طارق

هلا بمشعل ،،، والله شوف ياخوي انا شخص مااحب الملخصات ولا اقتنع بها ،،، وما اشوف فيها اي اضافه ممكن الواحد يستفيد منها ،،، وبالعكس اشوفها مضيعه للوقت ،،، الحاجه الوحيده اللي من الممكن اني اطلع عليها هي نماذج الاسئلة للسنوات السابقه ،،، لاني حستفيد منها حاجتين 1 الاطلاع على طريقة الاسئلة ونوعيتها (يعني بالعاميه اعرف الماده هذي اش تبغى ) 2 من الممكن ان تتكرر بعض الاسئلة وخصوصا اذا كانت لنفس الدكتور اللي اخذت الماده عنده .

والحمد لله هذي الطريقه (كتاب + نماذج اسئلة + مدرس خصوصي في بعض المواد مثل المحاسبة والاقتصاد وبحث وتدريب ) ماشيه معايه ودرجاتي ممتازه بفضل الله بدون ماافتح ايه ملخص .

وبخصوص مادة المحاسبة ومادة الاقتصاد الجزئي ومواد الفهم عموما مانختلف فيها ،،، هذي المواد تفتح الكتاب وتحاول تفهم ،،، مشيت معاك الماده وقدرت تفهمها خير وبركه ،،، ماقدرت تفهمها على طول شوفلك مدرس ،،، والافضل تشوف مدرس من بدري حتى لو فهمتها ،،، لان المدرس حيساعدك في زيادة الفهم والتمكن من الماده ان شاء الله ،،، عموما هذي المواد متفقين عليها .

لكن انا لم اقصد هذه المواد العلميه في ردي السابق ،،، انا قصدت بعض المواد النظريه في تخصص الادارة ،،، حاول تفهم هالكلام وتركز وتفهم الفلسفه الزايده حقتي اللي حقولها الان ،،، ستقابلك ان شاء الله بعض المواد في تخصص الادارة الملخصات لاتنفع معها ،،، اقولك ليش : لان تخصص الادارة يعتمد بدرجه كبيره على الفلسفه والنظريات وموادها تحتوي على كلام كثير وفلسفه زايده ،،، ويجب لكي تستطيع حفظ هذا الكلام ان تفهم المقصود من هذا الكلام والفلسفه ،،، ولن تستطيع فهم هذا الكلام والفلسفه دون ان تقرأ النص كامل من الكتاب ،،، ولذلك ستواجه نوعين من الملخصات في هذه المواد ،،، بعض الملخصات تنقلك الكلام كامل وهنا لن تستفيد من الملخص لانه ذكر كل مافي الكتاب ،،، والجزء الاخر من الملخصات ينقلك الفكره الرئيسيه او اجزاء من الكلام المذكور في الكتاب وهنا ستكون الفكره قاصره واجزاء الكلام غير مفيده لانها من غير شرح ،،، ان شاء الله تكون فهمت هالفلسفه حقتي .

عموما اخوي ،،، كل واحد من الافضل ان يتبع طريقته التي يرتاح بها ،،، ولكن انا حبيت اني انبهك على هالنوع من المواد النظريه (التي لن تستطيع ان تحفظها الا اذا فهمتها )
لا شكر على واجب اخوي ،،، تحياتي