قصة سيرين و طلب تحويلها

[سملّق :)]

انا بصراحة عشت 22 سنة ولا عمري في يوم ابديت العواطف والمشاعر لاي احد من الناس
ولا حتى اقرب المقربين الي .. عشان كذا الناس يقولون اني ماكر والضاهر عكس الباطن تماماً

يمكن بعض هذا صحيح .. ولكن ماهو كله صحيح

الانسان لا يصبح على طبيعته الا على فراش النوم وهذا يحصل معي ! وهذا الشيء اللي يطمني اني ذو طبيعة بشرية
لان بعض الكلام الكثير عنك " مثل انت شخصيتك كذا وكذا " وتتكرر معي كثيرررر
الى درجة اني بديت اصدق هذا الكلام اللي ينقال عني !


يا أختي الحياة ماتجي زي مانبغى ..

الحياة فيها فشل .. وفيها نجاح

لو ماتعرف طعم الفشل .. مااراح تذوق طعم النجاح

تخيل حياتك كلها نجاحات متتالية ! ستجد انك في يوم من الايام لا تشعر بطعم النجاح

لانه اصبح أمر عادي بالنسبة لك



انا عمري في حياتي ماحققت شيء اتطلع له .. لكن مع هذا أسمع عبارة " انت انسان مكافح " !


عرفت السبب الان .. عرفت ليه تنقال العبارة هذي فيني



لاني حاولت .... صحيح مانجحت ... لكن حاولت



عشان كذا أصبحت بالنسبة لي " مجرد المحاولة " تعتبر نجاح بحد ذاته ..


بس لما أجي استعرض حياتي .. استعرض شريط كل ما مضى


يوم انا صغير .. كان عندي هدف ( صحيح هدف صغير لكن على قد العمر )

الهدف كان اني اشتري سيارة بريموت كنترول ههه


بس اقول لك شيء !



اشتريتها مع أول مكافأة جامعية هههه وكان عمري وقتها 20 سنة ..



صح بتقولين هذا مخبول .. لأن حسب العرف اللي يشتري سيارة بريموت كنترول وعمره 20 سنة لاشك ان عنده متلازمة من نوعٍ ما !


بس بقول لك شيء ..



ما اشتريتها عشان العب فيها ..






اشتريتها .. عشان يجيني الاحساس اني حققت في حياتي ولو هدف واحد



الاحساس اني حققت ولو هدف واحد في حياتي ! وعدم الشعور بالذنب تجاه طفولتي


تخيلي .. هذا الهدف عمره 15 سنة ولا زال في بالي .. ولا ارتحت الا لما حققته




رحت بالسيارة احد المخططات الفاضية .. وجلست العب فيها زي مايفعل الصغار في محاولة لتعويض مافات في طفولتي


جلست اضحك على نفسي بعدها ... بس اهم شيء اني كنت مرتاح نفسياً



حققت في حياتي أحد اهدافي