العياده النفسية لضحايا السنه التحضيرية (( خطة أ و ب ))

[سحر البيان]

المشاركة الأصلية كتبت بواسطة خالد9921 ذكرتيني بباكستاني على كفالة ابويه يكرف يكرف يكرف على الجبس والسيراميك لين آخر شي يكلم ابويه ابغى اطلع قلابات بإسمك !! وارخص قلاب قيمته 200 الف طبعا هههههه !! ماشاءالله ناس عمليين اكثر منا بكثيير

و أنا كمان بعد ما تخرجت أتدربت في مستشفى خاص ... كان معانا واحد سريلانكي أو بنغالي محترم جدا .... قال لي أنه أفتح مستوصف باسمي و هو يديره و الربح بالنص ... أيامها كنت صغيره .... مين يدلني عليه اليوم

الملك سعود اظن شفتها يا دكتوره في 274 !! عالعموم غياب او تأخر بالتصنيف مُحزن :/

أنا قلت هذا التصنيف الجديد (( اذا تذكر قبل فترة كانوا فرحانين أنهم تقدموا بالتصنيف ))

انا اللي فاجئني مره جامعه في كوبا هههههههههههههه يؤؤؤ كوبا بلد فيدل كاسترو اللي محاصر اقتصاديا من امريكا من عشرات السنين وانواع المخدرات والفساد فيه !! بالنسبة لباكستان والمسكيك هنا كمان قوة المخرجات ما ننسى باكستان قد ايش تطورت بالمجال الذري والمكسيك انواع الايدي العاملة في امريكا كفاية شركة زي جنرال موتورز تعتمد عالايدي العاملة المكسيكية

هذا نفس اللي قلته دول ما فيها أي مناخ مشجع للعلم ... دول مثل بكستان, كوبا , المكسيك

توتر سياسي , ارهاب , فقر شديد , كوارث طبيعية و لكن مسيره ناجحة

بالنسبة للباكستان لو ما كان عندها قنبله ذرية كان التهمتها الهند في دقيقة

بالضبط اهنيك ان صدتي الموضوع هذا وانو القدوه عندهم حتى غلطه اجتماعيه خاصه غير مقبوله منه !

فعلا رغم انه ما عندهم قيم دينيه و أخلاقيه ... لكن في نظرهم المسئول قدوه و أنه حتى حياته الاجتماعيه تعطي صوره كبيره عن شخصيته ...و أنه طالما خان مرته يقدر يخون وطنه

ولذلك انا احترم رأيك يا دكتوره ولكن تقبلي اختلافي معك

هذا موضوع مو حابه أتكلم فيه عشان ما أسيئ لاحد

لكن باختصار ... الدوله مو مقصره

لكن أيش تعمل اذا فيه ناس معقد

ناس ترفض أن خالد يقدم بحث لانه طالب

غير تعقيدات من ناس معقده أو ناس مو فاهمه ... لا تتخيل أنه في ناس تقدر تتقبل بسهوله أن الطالب خالد أحسن من دكاترة الجامعه

بهذه المناسبة ذكرتني ... نزلت اسئلة مراجعه لطلابتي و للمعلومية و الامانه هذه الاسئلة مأخوذه من دار نشر و أنا بس اضفت عليها حلول و بعض الاسئلة لاني لازم اترك بصمتي على أي شيئ ...

قابلت دكتوره ... و قالتها بتندر ... أن طالباتها وروها هذه الاسئلة قالت لهم هذه الاسئلة غلظ

طبعا هذه الدكتوره ما فكرت أنها تجلس وتحلها و تعرف أنها صح أو غلظ أو تسألني عن مصدرها أو تناقشيني فيها و كنت راح أحترم رأيها ,,,,

(( للمعلوميه كان فيها أسئلة محوره و شرحتها لطالباتي مرتين برضوا حسيت أني ما قدرت أقنعهم بالشكل الكافي و جلست مع نفسي في البيت و بهدؤ لقيت أنه في طريقه أسهل و أفضل ممكن أشرح فيها هذه المعلومة ))

قيس عليه الابحاث المحاضرات و أي عمل تطويري

كلام جميل 100% اتفق معك جدا وانا دايما اختصر كلامك هذا براسي بمقولة ( انسان واحد قادر على تغيير العالم ) بغض النظر عن الناس اللي ممكن تضحك او تستخف بالموضوع او تشوف مثل العالم اللي بالمقطع وتقولك يووه يستاهل ابلش نفسه بعلم وخرابيط ودفره ! واللي هما مفروض يتغيروا وان شاءالله يتغيروا للاحسن

الحمدلله قدرت أغير +1

صراحه هذه قناعتي وصلت لها ... بعد ما فعلا لقيت أنه ناس صعب تغيرها

أتذكر كان عندنا معلمة الفيزياء ما عرف تشرح غير سيئة أخلاقيا بشكل كبير ... تحب الاستهزاءو تحب تستقعد للطالبات مواقف السخيفة ماله داعي لذكرها

و لها نظره تخليك تكره اليوم اللي تسألها فيه

المهم ثلاث سنين الثانوي معها ... و كان في نقطه خلاص

اللي هي الوحدات ما كنت أعرف ليه هنا أحول لسم و هنا لمتر ..... الخ

تغيرها هي كان صعب.... عشان كذا كان الحل هو أني أغير نفسي و أدور الحل بنفسي في عهد لافيه نت و لا منتدى

رحت المكتبه و لقيت كتب فيها نماذج لاسئلة الاختبارات .... للاسف ما كان فيها اجابه على سؤالي

لكنها ساعدتني على حل كثير من الاسئلة ....

لما دخلت الجامعه كانت الوحدات هي أول درس في مادتي الكيمياء و الفيزياء ( هنا أشكر دكتورتك الكيمياء لانها أعطت هذا الموضوع حقه ))

ما تتخيل ماده الفيزياء اللي كانت أكره ماده عندي حبيتها في الجامعه و جبت فيها الفل مارك و بعدها أصبح تخصصي كيمياء فيزيائية و إن شاء الله قريبا راح يكون عندك بحث أو أكثر مع قسم الفيزياء

و طبعا ما كانت هي الوحيده ... بالرغم أن بعضهم أنتصروا عليا بالدرجات لكن أنا فخورة لاني أنتصرت عليهم بالمعرفه ....

و من يومها برضوا قررت أني أكون أستاذه تشرح كويس و أبذل كل جهدي عشان أوصل المعلومه و أنه أشرحها بأكثر من صوره حتى أظمن وصولها ....

و عندي مبدأ أؤمن به عمره ما الطالب يكون مبدع(( مخترع و غيره )) اذا هو مو فاهم لابسط أساسيات العلم اللي بيتعلموه ..

و قبل ما أختم كلامي ... ممكن أعطيكم فكره بسيطه ... عن موضوع الوحدات

الوحدات مهمة جدا و لكي يصبح هناك تصور موحد للواحدات و ضعت أنظمة لقياس الاشياء مثلا النظام الانجليزي ( رطل .. قدم... الخ )) و النظام الدولي ( كجم و متر ... الخ )) و هذا درستوه في الكيمياء

و الهدف من هذه الانظمة أن يكون لدينا تصور واحد للواحدات مثلا لو كنت أبغى لوح طوله 3 متر و جابه العمل بطول المسطره الصغيره معناه أننا نتكلم بلغة مختلفه كل واحد يقيس براحته ..

طبعا أكبر و أفضل مثال للوحدات هو الورق a4 ... هذا الورق ستاندر (( قياسي له طول و عرض معين ))

و طبعا يجب أن نعرف أنه عند اجراء عملية القياس يجب أن نتبع نظام واحد

مثلا لا يصح أن نقيس الوزن بالرطل و الطول بالمتر أو العكس

بالنسبة للمعضلة الكبيره الي ما كنت عارفتها بالثانوي حلها سهل جدا ...

طالما أننا كنا نتبع النظام الدولي للوحدات ... الذي وحداته القياسية هل الكجم للوزن .. و الطول بالمتر ... و الزمن بالثانيه .... الخ

شفتوا الموضوع سهل ( طبعا الوحدات النانو وغيره أخذناها في الجامعه ))

بالتوفيق و أعذروني طولت راح أكمل بعدين