الطريقة الأفضل لمذاكرة بنك الأحياء (( مجربة

[فهد بن عبد الله]

اشكر الجميع بداية

اختي DANoOo.R


مشكلتنا ما نذاكر إلا قبل الإختبار وإذ صرنا بدري مره ذاكرنا قبل الأسبوع حق الإختبارات بيومين ثلاثه وهذا غلط كبيييييييييير . شوفي الآن انتي ضيعتي نفسك ما بين إحصاء يوم الخميس واوقت ضيق ما راح تقدرين تذاكرين زين في الأحياء لكن ابعلمك هالطريقة


حاولي بعد إختبار الإحصاء تنامين وقت كااااااااافي
إذا صحيتي حاولي تبقين في غرفة لحاااالك بعيدة عن الإزعاج وجوالك خليه مغلق عشان تضمنين ما احد يخرب هالجو

طبعاً حطي لك وقت مخصص مثلاً قولي خمس ساعات تكفيني انهي المنهج عشان ما يصير عندك تهاون او اهمال او تلفتين لحاجات ثانيه مثل الكمبيوتر او اي شيء يضيع وقتك

امسكي بنك الأسئلة واقرأي كل سؤال ثلاث مرات المره الأولى اقرأي الخيارات الخمسة المرتين الثانيه اقرأي الخيار الصحيح فقط وعلمي عليه .. وامشي في كل الأسئلة زي كذا الين ما تغلقين.
إذا غلقتي ارجعي مره ثانيه وراجعي نفس بنك الأسئلة اللي معاك واقرأي كل سؤال مره والسؤال اللي تشوفين انك ما تذكرتيه اقرأيه مرتين ثلاث .

وطبقي هالطريقة على بنك اسئلة واحد وإذا لقيتي فائده فجربيه على البقية إذا ما لقيتي فائدة فللأسف هذا كل ما أقدر أقدم لك من نصائح

ولعلمك طريقتي هذا جربتها في أيام الثانوية .. لأن فيه حاجات تحفظ والوقت يكون ضيق واحنا ما نذاكر الا يوم الاختبار .. وخصوصاً في الكيمياء وبالذات الكيمياء العضوية تعبت الين فرقت بينها وحفظت الصيغ الأساسية تبعها

ع العموم ما ودي اخر عن النص واجد ... لك تحيتي وفي انتظار ردك