تجربتي مع السنة التحضيرية

[ibrahim_13]

المشاركة الأصلية كتبت بواسطة محمد الداود :: أغبطكم ع الفللة اللي بتعيشوهآآ في التحضيري .. وحتنصدموآ مـن الواقع المخالف للي في بالكم أنهاا صعبة ومعقدة وووو... والله ماا فليتهااا زي التحضيري واسألوآ د ابراهيم ^_^ يعرف اش كنت اسوي [ ربي يفتحلكم كل خير ،،

يا رجل تفتكر السحبات الأليمة ... بصراحة كانت سنة ماتتنسي !!؟؟ ....

الحين حديكم بعض النصائح وأتمنا ان تنال إعجابكم ...

1- حاولوا انكم تفهموا بنفسكم من الملخصات والكتب...يعني بعدوا عن الخصوصي , واذا مافهمتوا من الملخصات عليكم بالإنترنت.

2- استعينوا بالله ثم بالخرائط الذهنية ...وهي عبارة عن ملخص شامل قبل الإختبار,لأنو مع كثرة الملخصات حيتشتت ذهنكم.

3- تابعوا المنتدى بإستمرار.

4- حاولوا انكم ماتكثروا من السحبات...لأنو كل مادة لها عدد محدد من الغيابات لو اتجاوزتوها راح تاخذوا (حرمان dn )

6- بالنسبة للأحياء ومادة اللغة الإنجليزية حاولوا انكم تترجموهم من بدري ...بس مدري كيف حيكون وضعكم مع الأحياء لأنو شكلهم حيلغوا التيست بنك.

7- وبالنسبة للي مستواه ضعيف بلإنجليزي , فأحب ابشروا وأقلوا لا تشيل هم من ذي الناحية , بعض الطلاب درسوا انجليزي من المستوى الأول والحين إنقبلوا بالطب والهندسة و...

8- شوفوا لا تعبروا اللي يقلكم انو السنة التحضيرية صعبة وبكل أمانة بعض الأشخاص حاولوا انهم يحطموني بس ما اديتهم وجه ولله الحمد ومن العبارات الي كنت أواجهها (صدقني ماراح تدخل طب الا بالواسطة) والعبارة الثانية (فلان جاب 99% بالثانوي وبعد التحضيري ما انقبل بالطب) .

9- استعينوا بالله قبل كل شيء واتوكلوا عليه , وحاولوا انكم تعتمدوا على نفسكم بكل شي (بالدراسة و طلبات الدكاترة) , وحاولوا انكم تحبوا المواد مهما تفاوتت صعوبتها .