يا ناس ذاكروا مو لهذه الدرجة

[الحوووووووووووت]

اشكرك من اعماق قلبي والله يوفقك دنيا واخره ويكتب لك الاجر

انت نصحت امام الله سبحانه وتعالى وبريت ذمتك امام الله وامام الطلاب ...

وجزاك الله الف خير ... وبالتوفيق للجميع ,,

[ابومشخص]

اللي يعتمدون على الغش مو كل مرة تسلم الجرة ومو كل مرة تصيب اكثر الاحيان ينقلون اسئلة خطأ اجوبتها من اللي بحنبهم
ودائما اللي يغشون معدلاتهم هابطة من 2 وتحت
حنا الحمدلله نذاكر ومعدلاتنا 3 ونض وطالع يارب لك الحمد وبك توفيقي وتيسير امري وامور المسلمين

[جافنشي]

يالضبياني .. دايم العرابجه تلاقيهم ورااااااااااااا فوووووووووووووووووق وش يوديك عندهم ههههـ
خلك بالصفوف الاولى ولا احد يقدر يكلمك .. منها تستلم ورقة الاسئله قبل الناس وتفتك من العرابجه الللي مايذاكرون

[Abu Amaar]

اشكر اخوي الضبياني على النصيحة ونسأل الله ان يتوب علينا وعلى زملائنا ويصلح الحال والاحوال

يا اخوان اذا كان في احد يغش او يغشش يكتمها بينه وبين نفسه ويحاول يتجنب هذا الامر بقدر الامكان ولا تؤيد للغش وتروج للاعتماد عليه

وشرعنا الاسلامي ينهى عن الغش والتدليس
تمر مواقف لكن حاول ان ما يكون اعتمادك الكلي على الغش والتدليس
لان بتكون شهاداتك مشبهوهه فيها وتدخل ضمن الشبهات

يعني فكر في شهادتك والاموال الي بتتحصلها منها وتصرفها على عيالك بيكون
فيها شبهه محرمه جاهد نفسك بقدر الامكان بتجنب الغش .... والله اعلم

[أبو أحمد المداري]

أويد كلامك أخي الظبياني بقوه فميا قلته والله يهدي الجميع إن شاء الله

[نجم الرياض]

المشاركة الأصلية كتبت بواسطة فهد العنزان الحل الجلوس في الامام وهذا أفضل للطلاب ، والاعتماد على الله ونفسك (وعلى ما قد تتعب تأخذ حقك بأذن الله) وان حصل لك ظلم من هنا أو هناك سوف تأخذه يوماً من عند رب العباد . اما امور الغش ههههههههههههههههه الله المستعان سبحان الله بكل اختبار اشاهد العجب العجاب من الطلاب اما يكون قروب بجانب بعض او افراد ههههههههههه والله الهادي

اخي الراقي فهد ,, للتصحيح واجزم انها حدث سهوا ( الاعتماد على الله (ثم ) نفسك ...

[ال عمودي]

و انا اقول ليه دراجتي في 60 عشاني اغش دايم ,,,,, طبعا داعبة لتلطيف الجو للشباب لاكن انا اللاسف سواء ذاكرة او لا نادار ما اشوفها عالية على خط الستين لي سنتين وطبعا انا معاكم في موضوع الغش بس ما اشوف انه يستاهل كلنا عارفين رمضان مو بس بالنهار حتى بليل على قولة الدكتور الادريسي في اختبار بحوث العمليات :) تحياتي لكم بالعشرة الاخوار يارب يوفقنا ونشوف تعبنا يارب العالمين .

[ORAINI]

والله انك صادق

يشتتون تركيزك ويضايقونك


بالنسبه لي والله اني اذا جلست ما اكلم اللي جنبي ولا احاول احتك فيه بسبة هالشي
خافوا الله ياجماعه قبل كل شي
بكره بتتوظفون فيها وبتأكلون عيالكم حرام !!

ذاكر واجتهد واللي كاتبه ربك لك بيصير

اما تجي ماذاكرت والبعض اللي يهديه يفاخر بهالشي وانه مافتح الكتاب ولايعرف وش الماده اصلا !

اتقوا الله واعرفوا ان شهادتكم هذي هي اللي بتغذيكم بكره بعد الله سبحانه
فحاولوا تبعدون عن هالامور ليس لدنياكم بل لآخرتكم

وفقنا الله واياكم لما يحب ويرضى

[Y A Z]

المشاركة الأصلية كتبت بواسطة أسير سدير اخوي ظبياني .... اتمنى تجاوب على الاسئله الاتيه : - عمرك جرّبت ابوجلمبو(f) بعد مذاكره وتعب وحوسه وقلق ؟ - ماعمرك قابلت شاب في الجامعه مثلك جالس يضحك عليك انت وتعبك ومذاكرتك .. والاسئله واصلته قبل الاختبار بسويعات وحسيت بالغبن ؟ >>عاد كيف وصلته لاتسأل ^_^ -ماعمرك غشيت ؟ او غششت احد ؟ - ماعمرك حصل لك ظروف حرمتك من المذاكره ؟ ودخل القاعه تدربي راسك .. ورزقك الله بولد الحلال الي عزّز لك وساعدك ونقشت ورقته وطلعت النتيجه بدرجه ماتحلم فيها ؟ - ماهو شعورك وانت مثلاً ماعرفت كم سؤال وتلمّح للي قدامك او الي جنبك ..ورد عليك وقال: رجاءاً مابي ازعاج !! انا اقولها بصراحه ... احلى مافي الانتساب .. جمعتنا الحلوه في هذا المنتدى الطيب والتعاون الي اقدر اقول عنه أخويّ . والله يوفق كل من ساهم وساعد زملاءه ولو بالشيء اليسير ... واذا تبي تحس بطعم الشهاده بالكد والتعب ماحد رادّك ابدأ بالمذاكره من الحين للترم الجاي ... على شان تحس بالتعب . ملاحظه : اذا كنت ترى ان الشهاده مالها طعم بالحصول عليها بدون تعب (وهي امر دنيوي ) فكيف هو اجتهادك في امورك الدينيه ؟ تتعب في صلاتك في صيامك في صدقتك في عباداتك ؟ ليش ماتطبق نظريتك على امورك الدينيه انفع لك ؟ بتقول لي هذا شيء بيني وبين ربي ... اقول لك بكل بساطه : كيف تطالبنا بتطبيق نظريتك في امر دنيوي .. وتطبيقها في امورنا الدينيه اولى !! سؤال باختصار ... لو قال لك مدير الجامعه تجي بكره تاخذ الوثيقه وباقي اترامك لاتدرسها ... بتوافق ولا بتقول لالا ابي اجتهد واكدح .. ؟

بيض الله وجهك كفيت ووفيت.

ومن حصل شيء يستاهله.


أبو يارا

[سمو احساس]

وين يالحبيب داش مطعم لازم تحس بطعمه

ولا ملحه زايد العالم لو فاضيه مادشت انساب

ا نا ماينرفزني الا اللى يناظر الناس من فوق او من يدعي الكمال امام الناس

ع العموم الله يوفق الجميع