موعد مراجعة اوراق الاختبار ~> ماحصل اليوم

[طموحي الامتياز]

السلام عليكم ورحمة الله وبركاته

طبعا اليوم رحنا عشان المراجعه اوراق التطوير التنظيمي
والحمممدلله كان فيه كثير بنات معترضين على دي الماده

المهم

بالنسبه لتطوير التنظيمي
قدمت طلب مراجعه عند سكرتيره القسم
والمهم انها طمنتني انه دايما بتحصل اغلاط بالتصحيح وبتعدل
درجات البنات حتى لو بعد سنه وحقك حتأخذيه بس خليكي
متابعه لنا ورتني اوراق بنات تعدلت درجاتهم قبل كدا
وقالت ليا هدول البنات زيك اعترضوا على درجاتهم وارتفعت الدرجات والمعدلات
بصراحه خلتني اطمن

ورحت لاستاذه نسرين وقلت لها طبعا هيا قالت حراجع لكم بعد اسبوعين على الاسبوع الثالث تعالوا
ممكن لانه العدد مره كبير تبغاه يخف لانه قالت صعب ارجع اوراقكم كلكم
او انه فعلا مشغوله دي الفتره الله واعلم كل واحد وظروفه
^__^
المهم وضحت لها اني حراجع حراجع وماني راضيه عن 60 ابدا
وحقي ابغاه
و انا حتابع الموضوع طول الترم وباذن لله مراح اسكت
وحكون متابعه لسكرتيرة القسم وهيا حتساعدنا بطريقه المناسبه

انصح البنات اللي معترضين وحاسين انهم اعلى من درجاتهم
وكلوا امركم لله ورحوا راجعوا لا تتنازلوا عن حقكم
مهما كان اسلوبهم معاكم ربي ابدا مايضيع تعب احد والله رحيم بعباده
^____^
.
.

وبالنسبه لمادة مشروعات عامه مع حياة رجخان
مو عندي دي الماده ... بس والله خطيره دي الدكتوره هههههه تقبلت الموضوع برحابة صدر
وقالت تعالوا كلكم الاسبوع الجاي وانا حجيب الاوراق
وانتم دوروا على اوراقكم ^_^
وصححوها بنفسكم
المهم دي الماده مو عندي كنت مع وحدها من البنات عندها دي الماده
واللي عندها انصحها تراجع والله الدكتوره مره تقبلت الفكره
وباذن لله مو خسارنين شي

سياسه عامه وصناعة قرار مع خديجه الحربي

الحمدلله ماكان عندي اعتراض بس وحده كلمتها والاعتراض كان مره قليل
ينعدوا بالاصابع تقريبا
وتقبلت الفكره ورتنا اوراق بنات كانوا معترضين وطلعت نفس درجاتهم
المهم انها مره متعاونه الله يسعدها
روحي عند سكرتيره القسم وقدمي الاعتراض واستاذه خديجه
هيا حتراجع ورقتك وترسل لكم على الواتس اغلاطكم وكم هيا زادكم وكم درجاتكم المستحقه
عالواتس اب ~> ياليت كلهم زيها ^_____^
وللعلم هيا الترم دا زادت كل البنات 5 درجات

.
.

وترا اغلب الدكتورات كانوا ابدا ماعندهم مشكله لكن البعض
استخدم اسلوب التخويف عشان البنات يتراجعوا عن المراجعه
ناسين انه هذه امانه ولازم يأدوها بأفضل مايكمن هذا اقل
حق من حقوق الطالب انه يراجع ورقته
انصحكم لاتتنازلوا عن حقكم
بالتوفيق للجميع
^__^

[dab]

طموحي الامتياز شكرا لموضوعك
وانا من البنات الي درجتهم في 60 لكن مع دكتوره سلوى وهيا دا الاسبوع ماخده اجازه
وان شاء الله الي لو حق راح ياخدوا

بالتوفــــــيق للجميع
^__^

[beautifulgirl]

ياشيخة روحي ربي يسعدك دنيا وآخرة الله مايضيع حق أحد بإذنه تعالى..
حتى أنا عندي قانون إداري مع د. صباح وجبت 76 وبروح أراجعها بس إن شاء الله تقبل..بس عاديأرسل أحد من زميلاتي تراجع بدال عني لأنه هالفترة مرررة ماعندي مواصلات؟؟؟؟؟؟؟

[طموحي الامتياز]

المشاركة الأصلية كتبت بواسطة beautifulgirl ياشيخة روحي ربي يسعدك دنيا وآخرة الله مايضيع حق أحد بإذنه تعالى.. حتى أنا عندي قانون إداري مع د. صباح وجبت 76 وبروح أراجعها بس إن شاء الله تقبل..بس عاديأرسل أحد من زميلاتي تراجع بدال عني لأنه هالفترة مرررة ماعندي مواصلات؟؟؟؟؟؟؟

والله اختي حكايه انك ترسلي احد يراجع لكِ ماظن حتخلص موضوعك زيك

تعرفي جامعتنا الواحد يتعبوه لما هوا بيراجع ورقته كيف لما تكون ورقة غيره

والسكرتيره قالت ليا الاعتراض مفتوح طول الترم

اي وقت تفضي روحي

وربي يوفقككك

^___^

[كـاسبـ..ر]

المشاركة الأصلية كتبت بواسطة beautifulgirl ياشيخة روحي ربي يسعدك دنيا وآخرة الله مايضيع حق أحد بإذنه تعالى.. حتى أنا عندي قانون إداري مع د. صباح وجبت 76 وبروح أراجعها بس إن شاء الله تقبل..بس عاديأرسل أحد من زميلاتي تراجع بدال عني لأنه هالفترة مرررة ماعندي مواصلات؟؟؟؟؟؟؟

أنا كانت درجتي 98 و طلبت أراجع و كانت متفهمه جدا و سمحتلي لي بالمراجعه و قالت أنو ما تقدر تعطي أي بنت 100 حتى لو جاوبت كلو صح المهم يعن لا تخافي رح تسمح لك بالمراجعه أكيد

[طموحي الامتياز]

المشاركة الأصلية كتبت بواسطة كـاسبـ..ر أنا كانت درجتي 98 و طلبت أراجع و كانت متفهمه جدا و سمحتلي لي بالمراجعه و قالت أنو ما تقدر تعطي أي بنت 100 حتى لو جاوبت كلو صح المهم يعن لا تخافي رح تسمح لك بالمراجعه أكيد

غريبه
ليش ماتعطي 100 حتى لو البنت جابت 100
انا اعرف انهم يعطوا فيه كثير اخدوا 100 في كم ماده
صح ماتفرق في المعدل بس حق الطالبه لازم تاخذه .

[Omnia abdallah]

الله يوفقك يارب ويسهّل امورك

استفدت من التجــربة

[الفن الساخر]

بس انا. عند طلعت

[طموحي الامتياز]

المشاركة الأصلية كتبت بواسطة الفن الساخر بس انا. عند طلعت

راجعي مشرفة القسم سوزان القرشي

بنفس اليوم اللي رحنا فيه كانت فيه طالبه متضرره من تصحيح ماده اخذتها

مع دكتور مو فاكره اسمه المهم انه مش طلعت

قالت لها استاذه بدريه الجهني روحي كلمي مشرفه القسم اكيد حتساعدكك

^__^

او روحي عند سكرتيره القسم بكلية اقتصاد واداره واكيد هيا حتتواصل

معاه لانه احنا كذا قدمنا الاعتراض وهيا حتخلص موضوعنا

موفقه اختي ...~

[بنت المدينة المنورة]

طيب واللي من خارج جدة ؟!

انا مره مقهورة على درجتي في التطوير مع سلوى :(

ينفع ارسل أحد يراجعلي من صحباتي ؟