عسكري في حيره

[وحيد الاسى]

السلام عليكم
احب أمسي عليكم واقول مساء الخير عساكم بالقوة
انا واعوذ بالله من كلمة انا اعمل مهندس طيران ولي 14 سنة في الخدمة العسكرية ودخلت لاكمال دراستي لتطوير ذاتي
وعشقي بالادارة العامه مسار ادارة خدمات صحة ومستشفيات
سؤالي هل اطلب تقعد مؤبكر واذهب للعمل في اي مستشفى
ارجو مشاركتي لتوجيهي

[ابو ريان 126]

ياخوي اذا تقاعدت تقاعد مبكر ما تقدر تتوظف وظيفه حكوميه ثانيه
يعني ما معك الا تعاقد او شركات او مستشفيات خاصه حسب تخصصك

[وحيد الاسى]

المشاركة الأصلية كتبت بواسطة ابو ريان 126 ياخوي اذا تقاعدت تقاعد مبكر ما تقدر تتوظف وظيفه حكوميه ثانيه يعني ما معك الا تعاقد او شركات او مستشفيات خاصه حسب تخصصك

يعطيك العافية اخوي ولاكن اعرف ناس انقبلو في التعليم واستقالو والتحقو بالتعليم
تحياتي لك اخوي

[ابو ريان 126]

المشاركة الأصلية كتبت بواسطة وحيد الاسى يعطيك العافية اخوي ولاكن اعرف ناس انقبلو في التعليم واستقالو والتحقو بالتعليم تحياتي لك اخوي

صدقت ياخوي وانا اعرف ناس فصلوا من الخدمه وليس تقاعد مبكر وبعدها صاروا مدرسين واقصد تخصص الانجليزي فقط لأنه التخصص الوحيد اللي باقي يقبلون خريجين الانتساب منه معلمين
ولكن اذا كان تقاعد ما تقدر تاخذ راتب تقاعد وتعمل في وظيفه حكوميه .
عندي لك نصيحه واعتبرها وجهة نظر خاصه وفكر والقرار لك
حاول تستغل تخصصك الفني في العسكريه مع شهادة الجامعه وتقدم فني في شركات الطيران المدني
يعني بعد خدمة 18 سنه اذا الله اراد تقاعد تقاعد مبكر وتاخذ راتب تقاعد وفي نفس الوقت قدم على شركة طيران نفس تخصصك فني براتب طيب , وبكذا تضمن راتبين تقاعد + شركه
وفيه فنيين سوو نفس هذي الحركه ومرتاحين , ولا تنسى ان عندك مستويات فنيه <5 , 7> يعادلونها لك في صيانة شركات الطيران المدني ويعطونك راتب مجزي باذن الله
ولكن في الحاله هذي ما ينفع لك تخصص ادارة مستشفيات لانه مخصص للمستشفيات , يعني خلها عام والا اي شي غير مرتبط بمجال معين

[عـالي مستواه]

ما عندي فكرة أخوي

بسي عساني أرفع لك الموضوع وأصيغ لك الأسئلة ..

تعرف كم سن التقاعد المبكر في العسكرية أو لازم تستقيل ؟؟

هل تضمن وظيفة المستشفى ؟؟ وإذا توظفت فيها ... العقود ..هل هي آمنة وظيفيا ؟ وأفضل راتب ؟؟

جاول على الأسئلة هذه وإن شاء الله يجيك من يعطيك من خبرته

[وحيد الاسى]

المشاركة الأصلية كتبت بواسطة عـالي مستواه ما عندي فكرة أخوي بسي عساني أرفع لك الموضوع وأصيغ لك الأسئلة .. تعرف كم سن التقاعد المبكر في العسكرية أو لازم تستقيل ؟؟ هل تضمن وظيفة المستشفى ؟؟ وإذا توظفت فيها ... العقود ..هل هي آمنة وظيفيا ؟ وأفضل راتب ؟؟ جاول على الأسئلة هذه وإن شاء الله يجيك من يعطيك من خبرته

التقعد المبكر 18 سنة
انا لا اضمن نفسي يوم واحد بل التوفيق بيدالله
ولعل في ذالك اليوم تفتح الوظايف الصحية بشغف
بصراحة اتمنى وظيفة حكوميه اضمن مستقبلي
من ناحية الراتب انت عارف ان وزارة الصحة اقوى الرواتب
تحياتي لك ولك مني كل الود والاحترام

[لورآآآآنس]

اذا تقاعدت تقاعد مبكر مايسمح لك بأي وظيفة حكومية .. ماعدا القطاع الخاص ممكن تعمل فيه ..
اذا كانت ظروفك المادية والاسرية تمام وماعندك أي حواجز تمنعك أفصل وواصل طموحك ..
بالتوفيق ..

[مشعل العجمي]

بدري على الكلام هذا

إن شاء الله اذا تخرجت من الجامعة قدم على وظيفه

واذا انقبلت لا تقدم تقاعد قدم انهاء خدمات يعني فصل

اعرف ناس عسكريين بعد ما انقبلوا في التعليم فصلوا

بالتوفيق

[لورآآآآنس]

أخوي أنت لك 14 سنة عسكري واذا كملت الجامعة يصير لك 18 سنة بالعسكرية صح ..
وانت تعرف ان التقاعد المبكر بعد خدمة 18 سنة , يعني في هذاك الوقت اذا كملت 18 سنة وطلبت فصل ماتفصل ولكن يتم إحالتك على التقاعد المبكر .. إنتبه من هذي النقطة .. وفكر ليه العجله ..

[وحيد الاسى]

المشاركة الأصلية كتبت بواسطة لورآآآآنس أخوي أنت لك 14 سنة عسكري واذا كملت الجامعة يصير لك 18 سنة بالعسكرية صح .. وانت تعرف ان التقاعد المبكر بعد خدمة 18 سنة , يعني في هذاك الوقت اذا كملت 18 سنة وطلبت فصل ماتفصل ولكن يتم إحالتك على التقاعد المبكر .. إنتبه من هذي النقطة .. وفكر ليه العجله ..

لا هنت اخي الكريم انا لست مستعجل بل مجرد شورة في الامر
الخيار الثاني هو تخصص انجليزي لان مجال عملي يتطلب الغة
ولاكن النفس طابت من العسكرية