ابغى مساعده بسيطه

[سوسا]

مرحبا بنات


طبعا عارفين انو فرحي قرب (عقبال عندكم )

المهم انا حابه اسوي سبرايز لماما

ابغى احط عند المدخل صورتها و عليها كدا شعر اول كلمه حلوه ليها

او ممكن بس الكلمه اسويها في بلونه او برواز ماني عارفه كيف


ابغاكم تساعدوني في الفكره و تساعدوني في الكلام اللي بكتبو


و شكرا

[•♥fŗŌồtą]

حلوه فكرتك صراحه

وان شاءالله احد يساعدك فيها

واذا حصلت شي حقولك

//

وكمان ممكن تسوي زفه للامهات قبل زفتك

امك وام العريس >> مره حلوه الحركه وحتبسطهم

[صوت الفجر]

حلوه فكرة فروتا

شوفي ياعسل بما اني عزابيه فـ ما راح افيدك بس حطي استفسارك بهذا الرابط

هذا ملتقى العرايس يعني اتوقع راح تستفيدي

http://www.skaau.com/vb/showthread.php?t=356080

.
.
.

[...nona]

حلوا الفكرة
بس ما افضل انو بلونة لانها ما راح تجلس
انتي فكري في شي يجلس عمر عندها تفتكرك بي دايما

لو جات في بالي فكرة حرجع واكتبها

[روبي18]

فيه حررركه مررررا عجبتني وندمت اني ماسويتهاااا راحت علي خلاص

انوو انتي في زفتك خلاص عالكوشه اخرر اغنيه تكون عن الام وهياا مامتك اكييد حتكوون جنبك وتبوووسي راسها

وتديها الهديه >>اي شي خاتم ذهب طقم .....

وان شاءالله تعجبك الفكرااا

[عزوزه7]

حلوه فكرتكي ياقمر امممم فكرتلك هههههه انو فالمدخل يعملولك زي الاستاند وصورتها مطبوعه على قطيفه وتكتبيلها كلام عل جانب من صورتها يعني كانو جاي زي الستاره وتجهزي انتي كمان صور لكي وكدا وتحطي الطاوله وفيها الدفتر والتحف ويتقفل يعني الهرجه هذي كلها تصير بالنص ويتقفل عليها البارتشن يكون مزييين فا انتي تطلبي منها اول ماتدخل القصر تفتحو لمن تفتحو بتحصل صورتها والكلام وتفتحو عالاخييير بيجي الشكل حلو
ما اعرف اذا فهمتيني او لا والله يوفقك ويتمملك على خيير يارب .

[سوسا]

جزاكم الله خير كلكم


بس زفه للامهات لا لا لا لا

انا ارفض بشده

[سوسا]

المشاركة الأصلية كتبت بواسطة عزوزه7 حلوه فكرتكي ياقمر امممم فكرتلك هههههه انو فالمدخل يعملولك زي الاستاند وصورتها مطبوعه على قطيفه وتكتبيلها كلام عل جانب من صورتها يعني كانو جاي زي الستاره وتجهزي انتي كمان صور لكي وكدا وتحطي الطاوله وفيها الدفتر والتحف ويتقفل يعني الهرجه هذي كلها تصير بالنص ويتقفل عليها البارتشن يكون مزييين فا انتي تطلبي منها اول ماتدخل القصر تفتحو لمن تفتحو بتحصل صورتها والكلام وتفتحو عالاخييير بيجي الشكل حلو ما اعرف اذا فهمتيني او لا والله يوفقك ويتمملك على خيير يارب .

الله يا عزوزه تجنننننننننننننننننننن الفوكيره

انا عامله الاستاند اصلا هيه تحسب بحط صورتي عليه بس عجبتني حكاية الستاره


بس كمان اللي بطلبو منكم تساعدوني في الكلمه اللي بطبعها لاني مرا ممتازه في التعبير

[al-nido0o0]

هلا أختي
شكلي بلطش الفكرة منك
أنتي مادام ضبطتي كل شي وباقي الكلام ....
ليش ماتكتبين كلمات أغنيه راشد الماجد (أمي ياأول حب عشته في دنياي ....
مدري براحتك ماطرى على بالي الا هي
وعلى فكرة زفه للامهات مالها داعي سوتها وحده من بنات العايله بايخه ماعجبتني كثير لأنها طويله على ست الحبايب وبعدين جو قعدوا عالكراسي مررررررة ملل وهي يااااااااالله طلعت يعني لاتسوينها وبس >>بدون طنقره

[•♥fŗŌồtą]

بالعكس زفة الامهات حلوه ما تاخذ 5 دقايق

وكمان مو على اغنيه ست الحبايب

وما جلسو لا على كرسي ولا على خشبه بس مشو خلاص

والله انا حضرت زواج فيه ذيا الزفه

لو تشوفو الفرحه بعيونهم وهما ينزفو

على العموم انا قلت رائي بس