..... وعشان أثبت في المواقف سمـوّي .... لامن طرى أسمك أبذكرك بالخيـر

[جافنشي]

~~~
~~
~

الضربة اللـي مـا تمـوت تقـوّي
وأنتي طعنتيني ومرت علـى خيـر
ياليتهـا جتنـي بخنجـر عــدوّي
لكنها من خنجـرك جرحهـا غيـر
ماعـاد ينفـع قـول ليتـي ولـوّي
ولاعاد ينفعك الأسـف والمعاذيـر
خـلاص ياطيـر يتعـذرك جـوّي
دور على جوَ بـه تحـوم وتطيـر
أول أفكـر فـي فراقـك وأنـوّي
واليوم عازم لوهو يصير ما يصيـر
توي أكتشفت أنـك تخونيـن تـوّي
وأنا اللي ماأصدق بك كبير وصغير
لو كنت أنا اللي خاينك وش تسوي؟؟
بتقـول عـادي ولا بتثـور وتغيـر
لالايـغـرك ياحبيـبـي هــدوّي
ولالاتقولـي طيـب وقلبـه كبيـر
في الحب أنا بالذات عاشق مهـوي
ولاخان خلي صرتنا كنـي الزيـر
أقـوّم الدنيـا وأقـلـب عـلـوّي
وأثور في وجهه عواصف وأعاصير
ولا قلت اسامح صاح صوتِ مدوّي
صوت الجروح يفجر القلب تفجيـر
كم قلت لك روفي علـي وتـروّي
مافي الهجر إلا الشقى والمخاسيـر
كنت أطلبك ضامي وأنا اشوف نوّي
ياخذ من بحوري ويمطر على الغير
خـلاص أنـا مليـت يالله تهـوّي
روحي لمنهم غرروا فيـك تغريـر
وعشان أثبت في المواقف سمـوّي
لامن طرى أسمك أبذكرك بالخيـر

~
~~
~~~