السلام عليكم ورحمة الله وبركاته
قال تعالى
﴿ فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا ﴾
اول شي موضوعي كنوع من التحفيز للمذاكرة للنهائي بما انه قربت الاختبارات
قريت كثيرررر بالمنتدى ناس يبغو يسحبو وناس تحطمو من الدرجات واعرف بنات ماصارو يداومو حتى قبل ماتجرب وتختبر الدوري الاول
طيب ليش ؟!
كلنا واجهنا صعوبة بالبداية
بس اللي استسلم هذا انسان ضعيف لانه ماقدر يواجه ابسط الصعوبات
الحياة من لما نولد لين نموت مو بس اكل وشرب لو ماكان فيه ضغوطات وايام صعبة تواجهنا ما كان حسينا بقيمة الشي اللي نوصله
ليش ماناخذ اخطائنا دافع لنا ونحاول نصلحها .. كثيررر سمعتهم بعد درجات الدوري الاولى تحطمو وماذاكرو للثاني او ذاكروه قراءة !
طيب ليش انا درست 12 سنة عشان يجي اختبار ممكن اقدر اعوضه يحطمني ويهدم طموحي !
تقريبا اغلب اغلب الدفعات في التحضيري في البداية لازم صعوبة بس هذا الشي مايخلينا نستسلم وخلاص .. لان زي ما واجهو صعوبة فيه كثيررررر قدرو يجيبو الفل مارك ودخلو اللي يبغوه بالاصرار
احنا مو ناقصين عنهم شي اكيد نقدر نجيبها بالتوكل على الله واخذ الاسباب والمذاكرة
واللي تحطمو من درجاتهم اقولهم تفائلو خير وابداو ذاكرو من الان للنهائي
والله ما بيضيع حق احد ممكن نقص الدرجة ياثر على معدلك فيدخلك تخصص يمكن ماكنت تبغاه بس اكيد الله كاتبلك الخير فيه وممكن تبدع فيه وتحبه .. فكما هي طبيعة الحياة , بعد الظلام نور وبعد المغرب شروق وبعد المرض عافية وحتى بعد التعب راحة
وتذكرو دائما قول الله تعالى
﴿ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ ﴾
وفي الختام
وان ضاقت ستفرج باذن الله