[bint aboha]

المشاركة الأصلية كتبت بواسطة مراد الجنيد ^^^^^^ الحل انك تحفظي كل يوم سؤال حفظ زي اسمك صح يبغالها جهد بس مافي شي يجي بالسهل لازم تتعبي عشان تتخصصي في الي تحبيه او اذا كان عندك مقدرة على الحفظ السريع يكون افضلفلازم ترتبي وقتك وتحفظيلك كل يوم كم سؤال اما اذا غير كدا فلاتزعلي اذا جبتي درجة واطية امكن الطب مو مجالك لانه اذا الحفظ كان صعب بالنسبالك فايش بتسوي بعدين فيمواد صعبو مرة زي الاناتومي والهيستولوجي والبايوكميستري في كل دي المواد بتربطي ماينفع اتمنالك التوفيق اختي وان شالله ندخل انا وانتي وكل من يريد الطب باذن الله

المشاركة الأصلية كتبت بواسطة danooo.r أخوي فهد بن عبد الله طريقتك جداً رائعه وكثير أعرفهم بيستخدموا نفس الطريقه يعطيك العافيه أخوي مراد الجنيد حتى طريقتك حلوه بس يبغالها وقت وجهد وبالنسبه للتست بانك الغير مترجم أفضل من المترجم لأنه أنا جبت درجه واطيه لما ترجمت التست بانك وندمت بصراحه وغير كذا أخوي مراد وكل اللي ردوا على الموضوع أنا أشوف أنه ماتفرق إذا الواحد كان بيحفظ أو بيفهم لأنه هذا كله بيعتمد على الماده اللي أنا بذاكراها يعني مثلاً إذا كان عندي رياضيات لازم أفهم المسأله مو أحفظها أما إذا كان عندي أحياء لازم أحفظ وأقدر أستخدم الفهم للربط زي ماقال الأخ فهد بس راح يكون الحفظ هوا الأساس فالماده هي اللي بتحدد الطريقه اللي راح أذاكر فيها سواءً كانت حفظ أو فهم غير كده أنا في الأحياء والكم الهائل من الأسئله الموجوده في التست بانك ماتنفع معاي ولا طريقه فـ أتجه مباشرة للقراءة بسبب أنه مافي وقت للحفظ أو الربط ممكن أنه الأخ فهد والأخ مراد يفيدوني في هذي المشكله أسفه على الإطاله وتقبلوا مروري danooo.r

المشاركة الأصلية كتبت بواسطة فهد بن عبد الله اشكر الجميع بداية اختي danooo.r مشكلتنا ما نذاكر إلا قبل الإختبار وإذ صرنا بدري مره ذاكرنا قبل الأسبوع حق الإختبارات بيومين ثلاثه وهذا غلط كبيييييييييير . شوفي الآن انتي ضيعتي نفسك ما بين إحصاء يوم الخميس واوقت ضيق ما راح تقدرين تذاكرين زين في الأحياء لكن ابعلمك هالطريقة حاولي بعد إختبار الإحصاء تنامين وقت كااااااااافي إذا صحيتي حاولي تبقين في غرفة لحاااالك بعيدة عن الإزعاج وجوالك خليه مغلق عشان تضمنين ما احد يخرب هالجو طبعاً حطي لك وقت مخصص مثلاً قولي خمس ساعات تكفيني انهي المنهج عشان ما يصير عندك تهاون او اهمال او تلفتين لحاجات ثانيه مثل الكمبيوتر او اي شيء يضيع وقتك امسكي بنك الأسئلة واقرأي كل سؤال ثلاث مرات المره الأولى اقرأي الخيارات الخمسة المرتين الثانيه اقرأي الخيار الصحيح فقط وعلمي عليه .. وامشي في كل الأسئلة زي كذا الين ما تغلقين. إذا غلقتي ارجعي مره ثانيه وراجعي نفس بنك الأسئلة اللي معاك واقرأي كل سؤال مره والسؤال اللي تشوفين انك ما تذكرتيه اقرأيه مرتين ثلاث . وطبقي هالطريقة على بنك اسئلة واحد وإذا لقيتي فائده فجربيه على البقية إذا ما لقيتي فائدة فللأسف هذا كل ما أقدر أقدم لك من نصائح ولعلمك طريقتي هذا جربتها في أيام الثانوية .. لأن فيه حاجات تحفظ والوقت يكون ضيق واحنا ما نذاكر الا يوم الاختبار .. وخصوصاً في الكيمياء وبالذات الكيمياء العضوية تعبت الين فرقت بينها وحفظت الصيغ الأساسية تبعها ع العموم ما ودي اخر عن النص واجد ... لك تحيتي وفي انتظار ردك

ماشااااااااااااء الله كلام ف قمه الروعه الله يحفظكم ويوفقكم يارب والجميع إن شاء الله كلامكم

عين العقل الله يسهل ع يارب تقبل مروري