القهوه

[Dr.Passed]

السلام عليكم ورحمه الله وبركاته ورضوانه

كيف حالكم؟
يابنات أنا عندي مشكله أبا اسأل ازا طبيعي وفي احد زيي

أنا مو متعوده اشرب قهوات بس ماشالله صحبتي عندها إدمان يالطيف ماشالله عندها القهوه زي المويه

بس وانتي بيبي ايش الي بس حليب وعصير وازا مره تشوكوليت ميلك...وفعلا حتى الصغار يشربو دي الايام قهوه هههههههه وماما وبابا يحاولو فيا أسير اشرب بس ما اقدر قلبي يسير يدقدق ويجيني خفقان بعدها
احس اني حموت ما اقدر على القهوه أبدا
بس ما اعرف ليه أنا سايره بشرب كتغيير ومع المزاكره وصحبتي تضغط عليا وتقولي مافي احد مايشرب انتي مو صغيره طيب على الاقل اشربي نسكافيه وكمان ابغا أعود نفسي أسير عادي بس مره تعبت دحين

احس قلبي حيوقف و بعدين أنا ما اشرب مره كتير قهوه

وعلى فكره حتى النسكافيه ما اقدر عليه
اتعب مره وراصي يصدع وقلبي بس خفقان يالطيف

ايش المشكله؟ ليه ما اقدر اشرب زي الناس؟
يقولولي متهيألي بس من جد أنا القهوه تلعبلي قلبي مع انو طعمها حلو مو بطال بس مره اتعب بعدها مره شي بطال...امس قعدت اتشهد من غير مبالغه من كتر ما حسيت اني مكتومه

في احد كده عندو مشكله مع القهوه؟ وعلى فكره طول عمري أنا كده حتى ما اقدر أشم ريحتها ( مع انو ريحه القهوه مره حلوه) بس تتعبني

ايش رايكم؟ الحل اني ما اشرب؟ ولا أنا عندي مشكله؟؟ ولا استمر اشرب الين ما اسير زي الناس؟
مين كده كمان ؟
شكرًا

[جالكسي22]

ي حيآآآآآتي ابددن مووو ضروري تشربي القهووة اذا بتسوويلك دآآ كلووو
ماعليكي منهم خليهم يقولوو اللي يقولوه اهم شي تكوووني انتي مرتاحه
والقهووة مامنها ذيك الفائدة عششان بالقوة تشربيها ..لوو حليب صح لازم يغصبووكي وتحاولي تشربيه وتتعودي عليه لكن القهوووة مووو لازم ابدن

انا زيك مااشرب الشاهي ابددن يحاولوو فيا قد أيه اشربوو لكن مااحبوو مررره مايعجبني طعموو ,, بس لوو اضطريت وشربتوو مايصير لي زيكـ الحمدلله يعني بسس الطعم اللي مايعجبني..

اذاا مررره مضايقكـ الموضوع رووحي المستشفى افضل وشووفي امكن القهوة تأثر ع صحتكـ...


تقبلي مروري :)

[Dr.Ammar]

انا كنت اول اشرب القهوة من اجل الاستلذاذ بطعمها لا غير

لكن مرة على مرة حتى سرت ما استغني عن شربها في الصباح !!

بدونها احس بكسل عجيب

القهوة عبارة عن منبه (بسبب وجود مادة الكافيين) ومثل ما قالت الاخت جلكسي مانتي مجبرة على شربها

لان مالها فايدة صحية .. منبه فقط

ومن المعروف ان القهوة تسرع ضربات القلب .. بس الظاهر انه عندك زايدة

اذا شفتي المشكلة كبيرة مرة فأنا اشوف انك تروحي تكشفي عند طبيب مختص

[miss you]

مو لازم تشربيها يادكتورة

لو حليب او عصير نقول ايه

بس قهوة ؟؟ اصلا مالها فوائد بالعكس لها اضرار

انا اعرف واحد كانو بيسوو له عملية وبعد عنااا طويل نام ليييش ؟؟ من القهوة الي يشربها دايم هههههههه

[بيو كيميائية ^_^]

باسد مو عشان الناس كلها تشربها أشربها واضر نفسي !!

أنا وحدة ماأشرب لا شاي ولا قهوة وعادي جدًا

وعلى فكرة أنا قد جربت مرة أشربها عشان أصحصح حق إختبار نمت بدل ماصحيت

عكس الناس

[Dr.Passed]

لا مو قصدي كده
أنا احب طعمها مره ونفسي اسير عادي واقدر اشرب بس تكتمني كده مره انكتم
مو عشان الناس تشرب أبا اشرب...أنا من جد احبها بس اتعب بعدها مره يعني احس اني تجي اوقات اشتهي

وبالزات الفتره دي مع الامتحانات ما اعرف ايش اسوي بعض الاحيان يجي على بالي بس نسكافيه شويه احس اني صدعت وجاني غثيان وقلبي يبغا ينفقع ما اعرف كيف

يعني نفسي اسير اشرب يعني تجي اوقات اشتهي
وللأسف لو فكرت أخد في الصباح عل الدوام ولا حاجه اتنكد اليوم كلو بسبب الكوب دا الي شربتو
بس فا أبا احسن حالي مع القهوه عشان انوع واقدر اشرب ولو شويه
ما افكر اضر نفسي أنا صحيه بس نفسي اسير عادي مع القهوه لأني احب طعمها بس امرض من يوم ما اشربها

[miss you]

يمكن عندك حساسية

انا اخوي يحب شي اسمو كيوي

بس لما ياكلو عالطول ينام بالمستشفى ههههههههههههههههههههههه

[Dr.Passed]

معليش الفتره الاخيره كان عندي امتحانات اليوم خلصت الحمد لله
ايش الحساسيه الي تسيرلو؟ ايش اعراضها

[Dr.Passed]

معليش الفتره الاخيره كان عندي امتحانات اليوم خلصت الحمد لله
ايش الحساسيه الي تسيرلو؟ ايش اعراضها

[miss you]

حساسية اخوي يتعب جسمه , ويرجع