سؤال لدفعة السنة الماضية ..(تعبنا من الشائعات!)

[MeeNo92]

سلاام.. ~

آدخل في الموضوع على طول لأنو مررررة شاغل بالي

طبعا لازم في التحضيري تنتشر شائعات كثيييير وناس بس تسمع وما نعرف ايش نصدق الصراحة ..

فأنا ابغا اخذ منكم الخبر الأكيد بما انكم خلااص مريتو في المرحلة هذي وتعديتوها ( يا رب اصير زيكم ..! )

في ناس تقول انو القبول في كلية الطب يعتمد فقط على النسبة الموزونة

اللي هيا كيميا وفيزيا وأحياء وانجلش

وفي ناس تقول لا

انو النسبة الموزونة بس تدخلك في المفاضلة .. يعني بعد ما ياخذو الناس اللي جابو اعلى شي في النسبة الموزونة , يطالعو في النسبة حقت باقي المواد ويختارو على حسب كذة ..

فميين اللي كلامو صح؟

وربي تعببببت من كثر الشائعات...

سوري مرة على الإطالة ..

[مَـزٍآج ..}..]

انو النسبة الموزونة بس تدخلك في المفاضلة .. يعني بعد ما ياخذو الناس اللي جابو اعلى شي في النسبة الموزونة , يطالعو في النسبة حقت باقي المواد ويختارو على حسب كذة ..

هذا الصصـح

:)

[Mr.Mohanned]

فيزياء + كيمياء + أحياء + إنجليزي 1 + إنجليزي 2
اجمعي درجاتك في كل المواد .. واقسميها على 5 .. وشوفي النسبة الموزونة .. >> طب بشري جدة - شباب - وقف القبول على 89.3

هــذا كــل مـــا يتعلــــق بالقبــول في كلـــية الطـــب ..

واللي يقول لك غير كذا .. مفاضلة ولا ماادري إيه .. طشي كلامو فالبحر !

Mr.Mohanned

[Ma3QoLa!]

المشاركة الأصلية كتبت بواسطة mr.mohanned فيزياء + كيمياء + أحياء + إنجليزي 1 + إنجليزي 2 اجمعي درجاتك في كل المواد .. واقسميها على 5 .. وشوفي النسبة الموزونة .. >> طب بشري جدة - شباب - وقف القبول على 89.3 هــذا كــل مـــا يتعلــــق بالقبــول في كلـــية الطـــب .. واللي يقول لك غير كذا .. مفاضلة ولا ماادري إيه .. طشي كلامو فالبحر ! mr.mohanned

يعني المعدل العام حق التحضيري مالو صلاح؟؟ اللي هوا من 5

يعني نفرض اني ابغا كلية الطب،، عادي اسحب على باقي المواد وبس اشد حيلي في المواد هذي؟؟

[فخر النماص]

^^^




لا لا لا لا

انتبه من الفكرة ذي الي ضيعت كثير في التحضيري


انت لازم تجيب في المواد فيزياء انجليزي كيميا احياء النسبة الخاصة تبعها سمعت انهم في البداية عندكم حاطينها 90 لكن حينزلونها 85


واذا جبت النسبة الخاصة المطلوبة تدخل المفاضلة الي تعتمد ع النسبة العامة ( كل المواااد )


انتبه ونبه اي احد عنده الفكرة ذي لانها ضيعت كثير العام >>>> اولهم انا

[彡yS❤Ry彡]

المشاركة الأصلية كتبت بواسطة mr.mohanned فيزياء + كيمياء + أحياء + إنجليزي 1 + إنجليزي 2 اجمعي درجاتك في كل المواد .. واقسميها على 5 .. وشوفي النسبة الموزونة .. >> طب بشري جدة - شباب - وقف القبول على 89.3 هــذا كــل مـــا يتعلــــق بالقبــول في كلـــية الطـــب .. واللي يقول لك غير كذا .. مفاضلة ولا ماادري إيه .. طشي كلامو فالبحر ! mr.mohanned

مهند لا يبو كلامك مرررررة غلط
زي ماقالوا الشباب اول شي مفاضلة المواد الخمس اللي قالوها
وبعدين كل المواد وتنقسم ع 9
ال 89 هذي اللي انقبلوا فيها الطلاب كانت نسبة موزونة عامة لكل المواد

[مَـزٍآج ..}..]

المشاركة الأصلية كتبت بواسطة mr.mohanned فيزياء + كيمياء + أحياء + إنجليزي 1 + إنجليزي 2 اجمعي درجاتك في كل المواد .. واقسميها على 5 .. وشوفي النسبة الموزونة .. >> طب بشري جدة - شباب - وقف القبول على 89.3 هــذا كــل مـــا يتعلــــق بالقبــول في كلـــية الطـــب .. واللي يقول لك غير كذا .. مفاضلة ولا ماادري إيه .. طشي كلامو فالبحر ! mr.mohanned

طيب وبآقي الموإأد كيف .؟؟؟ ارسب فيها مثلا وانقبل طب ولا انجح بستين وانقبل برضو ..

كلام الشبآب صحيح .. بالتوفـيق !!

[MeeNo92]

آها...

اخيرا فهمت الحكاية

مرررة ثانكس ^_^

يعطيكم الف عافية

[Mr.Mohanned]

ياشبــااب .. احنا لما انقبلنا في الكلية ولله الحمد ماكان في حاجة اسمها إنو يسوو مفاضلة بعدين يشوفو النسبة الخاصة اللي هي نسبة الخمس مواد !

وأساساً من لما كنت في سعادة السنة التحضيرية عمري ماسمعت عن هدا الشي .. ماادري الناس من فين جايبة هالكلام ..

بعدين يا مزاج .. من شروط القبول في كلية الطب أو الهندسة .. انك ماتكون راسب في أي مادة من المواد وتحملها معاك فالصيف .. حتى لو كانت مهارات اتصال ولا حاسب ..

طيب كل واحد ياريت يفتح الأودس ويشوف نتيجة فرز السنة التحضيرية

لاحظو في الصورة الأولى النسبة الخاصة للطالب وموزونة الكلية ..
ولاحظوها كمان في الصورة الثانية ..

وبعدين ياأخوي يسوري .. ال 89 هذي ماكانت النسبة العامة لكل المواد .. بالعكس كانت النسبة الخاصة .. حتى جرب احسب درجاتك في الكيمياء والأحياء والفيزياء والإنجليزي 1 و2 وشوف كم تطلعلك .. حتطلع لك نفسها النسبة الخاصة للطالب اللي بناءً عليها تم القبول .. بالضبط ..

طيب نفترض إنو موزونة الكلية 89.333 وكان عندي طالبين ..
الأول كانت نسبتو الموزونة 89.4 ومعدلو كان شوي نازل بسبب مثلا الرياضيات ومهارات الإتصال والحاسب .. اللي هي مواد مالها دخل في حسبة كلية الطب

والثاني كانت نسبتو الموزونة 89.2 ومعدلو أعلى من الأول بسبب مثلا الرياضيات ومهارات الاتصال اللي مايطلو فيها اساسا في القبول في كلية الطب

حياخذو الثاني على الأول بسبب معدلو ؟؟!

أصلاً بالعقل ماتجي ..

المعدل هذا يمشي معانا إلى آخر ترم في الدراسة .. ومنطقياً إنو مايكون لو دخل في القبول في كلية الطب .. إنما النسبة الخاصة تبعت الخمس مواد ..



Mr.Mohanned

[فخر النماص]

^^^^

اذا انت مو فاهم التسكين كويس لا تكتب شئ ترى فيه ناس يهمها امر التسكين وبياثر فيها كلامك الي ما ادري من وين جايبه

الشباب وضحوا لك كل شئ في الردود


واذا حاب تتاكد اسال الشباب الي معك في الكلية