تنقص ساعتين عن عدد ساعات التخرج

[saudstc]

السلام عليكم ورحمة الله وبركاته،،

زملائي الكرام أرجو إفادتي بخصوص عدة نقاط وسامحوني بثقل عليكم بس مالي إلا الله ثم أنتم

يفترض إني أتخرج بهالترم :أنا قسم إدارة أعمال مسار تسويق عدد ساعات التخرج 128 أنجزت 112 ساعة مكتسبة باقي 16ساعة لكن المشكلة إني نزلت جميع المواد المتبقية في الخطة مع المواد الإختيارية والحرة ومازال باقي ساعتين ناقصة يعني طلع المجموع 126 ساعة

وإكتشفت إنهم حذفوا مادة تحليل كمي و عدلوا على عدد ساعات مادتين ( مهارات التفكير + رياضيات ) فزادوها من ساعتين لكل مادة إلى ثلاث ساعات والمواد هذي من المستوى الثاني لكن ما أضيفت لي من ضمن الساعات المكتسبة؟!!

وش الحل بارك الله فيكم هل ألتزم بمواد الخطة فقط حتى لو نقص علي ساعتين وهم يعدلون خطأهم أو إني أضيف مادة إختيارية 3 ساعات بدل ماكانت ساعتين ويصير ناقصني ساعة فقط؟

أرجو من أصحاب العلم والخبرة إفادتي بشكل عاجل ولكم جزيل الشكر وجميل الود[/align]

[samaa]

إتصل عليهم أو راجعهم أفضل لك بما انك تخرج.
والله يوفق

[saudstc]

جزاك الله خير أختي،،

كان ودي لو أحد مر بهالتجربة ويعطيني فكرة عن الموضوع خصوصاً إني مرتبط بعمل وظيفي في الرياض ولو بجي جدة بيكون وقتي محدود بيوم أو يومين ، وتعرفين عاد ماشاء الله نفسيات موظفين الجامعة كيف والتصنيفات اللي عليهم وكل قسم يرميك على الثاني حتى يصير عندك إنفصام شخصية وماتدري أنت طالب وإلا كرة تنس ^_^

طيب إستفسار ثاني >> وش تحس به

الحين طلب التخرج لازم عن طريق الحضور للجامعة أو أسويه من خلال الخدمات الأكاديمية؟

[WaLeEd Al RiYaDh]

وعليكم السلام ورحمة الله وبركاته

هلا بك يا سعود الافضل مراجعة الشؤون التعليمية ومطابقة الخطة الدراسية
مع السجل الاكاديمي كل ما بكرت كل ما كان ازين

بالتوفيق

[saudstc]

ألف شكر الغالي وليد وإن شاء الله إذا ماحصلت أحد يروح لهم من جدة بروح الاسبوع القادم وعسى ربي يسهل لنا ولك وللجميع

[fawzi]

وما يحتاج تقدم طلب تخرج, انت اكمل الخطة واعتبر نفسك خريج باذن الله بس زي ما ذكروا الاخوان لازم تمرهم عشان عدد الساعات.

[دووونا]

أنا نفس وضعك ورحت للجامعة وقالت لي زيدي مادة اختيارية3 ساعات. وزدتها ووقعت لي أوراق التخرج على هذا الأساس . لان اللي اختلف في الخطة مايحسب لك ،

[samaa]

لازم مراجعة الخطة و التأكد من إكتمال ساعاتها مع المشرف و توقيع أوراق التخرج من الجامعه
الله يوفق :)