قِطافُ السَّنة التَّحضِيريَّة بيْنَ أيدِيكُمْ | دُفعَة 15 ♥

[رفّات حُلم]

+ لحد يُردّ لين أخلِّص !

[رفّات حُلم]

بسْم الله الرَّحمن الرّحيم ، سلامٌ كريمْ، من ربِّ غفُور () الحمدُلله حمدًا كثيرًا طيّبًا، انهينا السَّنة التحضيريَّة ، بقي التّسكين .. وياربّ اكتُب لنا ما فيه الخير * مُمكن الموضوع بدري مرّة الحين، بس خُفت تضيع منِّي الملفَّات وأنشغل .. فقُلت أنزِّله قبل حوالي سنة! كُنت في هذا الموقِف، ما كُنت أعرف بعد قُبولي ماهي الخُطوات؟ ، طريقة الدّراسة و ... ! " سكاوْ " كان لهُ الفضل بعد الله في كثير من خُطواتي في السَّنة التَّحضيريَّة ! وحانَ وقتُ ردّ الجميل مُحتوى الموضوع : * قبل بدء السَّنة التحضيريَّة! * نُبذة عن السَّنة التحضيريَّة! * تجرُبتي وملفّاتي في السنة التحضيريَّة! * الاختبارات وما يتعلَّق بها في السنة التّحضيريَّة! * ماذا بعد السَّنة التحضيريَّة! * نصائح! + لحد يُردّ لين أخلِّص !

[رفّات حُلم]

قبْل بدء السَّنة التحضيريَّة : في البداية؛ تقدّم/ـي طلب تسجيلك إلكترونيًا لأي برنامج دراسي " انتظام، انتساب، تعليم عن بُعد " هِنا بعدها تضغط/ـي على الإقرار وتسجيل جديد ( اذا كان أوّل مرّة ) أو تسجيل دخُول ( إذا تمَّ التّسجيل قبلها )! تُدخل/ـي البيانات المطلوبة، وتختار/ـي البرامج بالتّرتيب واذا بقيت لكِ معلومات فاضغط/ـي على حفظ وليس إرسال! مثل أن يبقى لك درجة اختبار التّحصيلي، الشَّهادة، الصُّورة وهكذا! إلى أن تكتمل المعلومات فتضغط/ـي على " إرسال " لا تنس أن تضغط/ـي على " إرسال " قبل انتهاء فترة التّسجيل! ( 23 شعبان حسب قول الأسْتاذ حُسام على حسابه في تويتر ) بعدها تتمّ مرحلة الفرز من الجامعة، ويتمّ قُبول أعلى النسب المُركبة وهكذا المعدل الموزون للعلمي : " 50 % نسبة تراكميَّة، 30 % قُدرات، 20 % تحصيلي " لحسابها : هِنا صدر قُبولك؟ تُسجل/ـي دخُول، وتجد/ـي القُبول، في أي برنامج .. هنُالك ملف أو صُورة ( لا أتذكَّر ) .. فيها اليوم الذي تأت/ـي فيه للجامعة، والموعد لإصدار البطاقة! تطبع/ـي الملف، ومعاه الطّلبات تجيبوها معاكُم " في الملفّ موجودة " وحيتمّمُوا لكم الأوراق كاملة هِناك! نجي لميزة انَّك تكون من الطُّلاب/الطالبات الأوائل اللي قُبلوا في الجامعة؟ * احتمال تبدأ بـ " خطَّة أ " الأسهل نوعًا ما! * تختار الفرع اللي تبيه! فمثلًا لو اكتفى فرع السِّليمانية " المقر الرئيسي " فـ ينتقل قبول البنات مثلًا للشرفية وهكذا. هي مقرَّات، الأقرب لكِ فقط، ليس لطلاب وطالبات السِّليمانية الأولويَّة في القبول مثلًا في الطبّ لأن الطبّ في السِّليمانية بل حسب النسبة التي تحصل/ـي عليها أثناء التحضيري! بعد ما تختار/ي الفرع، وتستلم/ـي البطاقة، حيطبعُوا لك الموعد لاختبار المستوى في اللغة الانجليزيّة! وغالبًا يكون اليوم التّالي الاختبار أعتقد 45 سؤال أو أقلّ! حاول/ـي تحلُّوا فيه بكلّ تركيز وكويّس، لأنه حيعتمد عليه المُستوى اللي حيحطُّوك فيه في الانجلش! وبالنسبة للاودس، تسجلّ/ـي دخُولك بالرقم الجامعي، والباسوورد : رقم الهويّة بدون أول رقم. + لحد يُردّ لين أخلِّص !

[رفّات حُلم]

نُبذة عن السَّنة التحضيريَّة : سنة مصيريَّة، ليست مُستحيلة أبدًا! وليس من المُستحيل أن تأخذ/ـي فيها درجات مُرتفعة! بالعكس، سنة مُمتعة .. خاصَّة لو معك أصحابك أو صحباتك أو حتّى بدونهم! ، وغير النَّاس اللي مُمكن تتعرَّف عليهم.

طبعًا؛ بعد ما تدخُل/ـي في الأودس، حتعرف/ـي خُطّتك اللي حتبدأ/ـي بها. في البداية كُلّ المواد بالانجلش ما عدا " اتّصال، حاسب " بالنسبة للعلمي. خُطّة أ : " فيزياء، رياضيَّات، مهارات اتّصال، حاسب " خُطة ب : " أحياء، كيمياء، إحصاء " والإنجلش في الخُطتين حسب المُستوى اللي تحدّد لك! حنبدأ في المادة المُشتركة : الانجلش 4 مُستويات كاملة، كل ترم مُستويين! لمّا تختبروا اختِبار تحديد المُستوى، حيتحدّد أي مُستوى حتبدأوا فيه، الا في حال لغيت الانجلش! #بالنسبة للي يبدأوا من المستوى 1 : كلّ السنة التحضيرية حيدرُسوا انجلش. # بالنسبة للي يبدأوا من المستوى 2 : نهاية الترم التاني ما حيدرُسوا انجلش. # بالنسبة للي يبدأوا من المستوى 3 : الترم الثاني كلُّه محيدرسوا انجلش. # بالنسبة للي يبدأوا من المستوى 4 : الجُزء الثاني من الترم الأول يدرسُوا بس. الانجلش دوامُه طوييييل بمعنى: مُمكن جدولك يكون 3 أيّام عندك انجلش من السَّاعة 8 - 10:50، ويومين 11 - 3:50 أو العكس بالحظّ بعد الدوام الطويل دا كُله يتحسب لك بس بساعتين في المُعدل والنّسبة! الكِتاب : Headway plus المُستوى الأول: المُستوى الثاني: المُستوى الثالث: المُستوى الرَّابع: بالنّسبة للمُستوى الأول هُوّ الوحيد اللي ما يدخُل في النسبة، والبقيَّة تدخُل! ولو مثلًا دخلت المُستوى الرَّابع على طول، فالمُستوى الأول والثاني والثالث ما ينحسبُوا في النسبة والمُعدل، ويُعتبر : مُعادلة المستويات السابقة! مُمكن تلغوا كلّ الانجلش، كيف ؟ اختبار ايلتس 4.5 أو أعلى أو اختبار التوفل 400 وما فوق! طبعًا كانُوا يدرّسونا في كل ليفل، أستاذتين! بالنّسبة للتوزيع، الأفضل تتأكدوا وتسألوا أستاذكم/أستاذتكم عن توزيع الدّرجات! بالنسبة لنا أعتقد كان: * 20 درجة = الميدتيرم ( الاختبار النصفي الوحيد ) * 40 درجة = الفاينل ( الاختبار النهائي ) * 10 درجات = السبيكنق النهائي * 10 درجات = الرايتنق النهائي * 20 درجة في الكلاس مُوزعة على : 5 الوورك بوك ( كتاب النشاط )، 5 ريدنق بروقرام، 5 رايتنق بروقرام، 5 سبيكنق بروقرام. + لحد يُردّ لين أخلِّص !

[رفّات حُلم]

نُبذة عن السَّنة التحضيريَّة : خُطّة " أ " : - الفِيزياء : كُل مواد التّحضيري أشياء نعرفها قبل وأخذناها في الثانوي، الفيزياء بالنّسبة للبنات مُكوّن من الشابترز : " 1،2،3،4،5،6،7،9 " والأولاد " 1،2،3،4،5،6،7،8،9 " أعتقد! مرّة مُمتعة الفيزياء بالنِّسبة للكتاب؛ هوّ الكِتاب أصلًا مرّة كبير، وما نأخذه كُله. فمكتبة خوارزم ( موجُودة في مبنى 13، 7،12 ) تبيع بس الشباتر اللي معانا في ملزمة. توزيع الدّرجات : 30 = دوري أوّل 30 = دوري ثاني 40 = نهائي " فيه 10 درجات زايدة ( بونس ) مُقسَّمة على : 3 درجات مع الدوري الأول، و3 مع الدّوري الثاني، و 4 مع النّهائي " لو جبت متلًا في الدوري الاول 33، الـ 3 البونس تترحَّل للدوري الثاني والنهائي، بمعنى لك 10 درجات بونس تسدّ عشرة أغلاط في اختبارات المادّة نفسها! - الرِّياضيَّات : الرِّياضيّأت مادة مُكثّفة نوعًا ما، يبالها اجتهاد، وما تراكمُوه على بعض! لأنه مُرتبط ببعضه أصلًا! عبارة عن 4 شباتر بس : " 2،3،4،5 " .. وآخر درس من شابتر " 1 " الكِتاب ضروري جدًا، يُباع في المكتبات اللي تكون قُدّام الجامعة وفي خوارزم! توزيع الدّرجات نفس توزيع درجات الفيزياء. - الحاسب : مادّة سهلة مرّة :$ بالعربي، وكلّ الاشياء نعرفها تقريبًا .. " اوفيس أكثر المنهج " كلّ الكِتاب " 8 فُصول " طبعًا هيّ المادة الوحيدة اللي فيها اختبار نظري واختبار عملي! من الكِتاب + السّلايدات. توزيع الدرجات: الاختبار الدّوري الاول: 25 درجة عملي، و 10 درجات نظري. الاختبار الدوري الثاني: 25 درجة عملي، و10 درجات نظري. الاختبار النهائي: 15 عملي و 15 أعتقد نظري. الاختبار النهائي العملي حتختبروه قبل الاختبارات النهائية، وبس يبقى لكم مع الاختِبارات النهائية الحاسب النظري! - مهارات الاتصال : مادّة مُمتعة ومُفيدة للحياة! كلَّ الكِتاب معانا " 6 فُصول " من الكِتاب فقط. توزيع الدّرجات: 30 درجة على الاختبار النصفي 40 درجة على الاختبار النهائي 30 درجة على التكاليف. + لحد يُردّ لين أخلِّص !

[رفّات حُلم]

نُبذة عن السَّنة التحضيريَّة : خُطّة " ب " : - الأحياء : الأحياء لو راكمتوه ع بعض حتصير " طامَّة " ! مرّة طويييييييييييييييل وما ينفع ليلة الاختبار يتزاكر! طبعًا نذاكره من سلايدز. الشّباتر اللي معانا بالنّسبة للبنات، وما أعرف الأولاد يختلفُوا عنها أو لا : " 1،2،3،4 ( مع 4 شابتر 20، و31 بس كُلها تُعتبر 4 )، 5،6،7،8،9،10،11،12،16،21،22،23،25،27 " توزيع الدّرجات : 30 = دوري أوّل 30 = دوري ثاني 40 = نهائي " فيه 10 درجات زايدة ( بونس ) مُقسَّمة على : 3 درجات مع الدوري الأول، و3 مع الدّوري الثاني، و 4 مع النّهائي " لو جبت متلًا في الدوري الاول 33، الـ 3 البونس تترحَّل للدوري الثاني والنهائي، بمعنى لك 10 درجات بونس تسدّ النقص عن كل الاختبارات! - الاحصاء : المادّة اللي عجبتني صراحة :$ مرّة مُمتعة، كأنِّك تحلِّي ألغاز! اللي معانا شابتر : " 1،2،3،4،5،6،10&درس من 13 " معلُوماتها بعضها جديدة علينا، وبعضها أخذناها في الرياضيات في الثانوي " احتمال، تباديل، توافيق، المين، الميديان ... " الكِتاب شي رئيسي في المُزاكرة، والمادّة كُلها على بعضها سهلة وحلوة مرّة توزيع الدّرجات: 30 درجة الاختبار الدّوري الأول 30 درجة الاختبار الدّوري الثاني 40 درجة الاختبار النهائي - الكيمياء : مادّة سهلة باختصار معلومات ثانوي + بعض البُهارات بس :$ ما يحتاج تشتري الكِتاب، سلايدات ليلى الحربي تكفِي وتوفّي! ويمدحُوا سلايدات نُها الوزَّان! ومُهمّ جدًا التست بانك لليلى الحربي. الشّباتر اللي معانا بالنسبة للبنات : "1،2،3،4،5،7،8،9،14،15،24،25 " توزيع الدرجات زي الاحصاء ! + لحد يُردّ لين أخلِّص !

[رفّات حُلم]

تجرُبتي وملفَّاتي في السنة التّحضيرية : * تجرُبتي حتفيد البنات خاصَّة :$ لمّا انقبلتْ، لقيت خُطّتي " أ " لما فتحت الأودس ! أوّل يُوم رُحت أنا واتقابلت مع صحبتي اللي معايا في الثانوي - ومعايا كانت في كلّ شي الا الانجلش :( - ودوّرنا على القاعات! ما أخفيكُم كيف تُهنا أوّل يوم، كلّ شويّا نسأل بعد شهر أو أقل حفظنا المكان خلاص :$ وصِرنا نمشي وندلّ النَّاس كمان طبعًا؛ للأسف يُوم اختبار تحديد المُستوى جيت وأنا مُواصلة وما فيَّا أحل فحطُّوني في المستوى الثاني كان جدولي مُرهق جدًا مع الانجلش كُل يوم من 8 - 3 أو 3:50 - الانجلش : طبعًا؛ شُفتو التوزيع؟ حبدأ أشرحُه =) . * بالنّسبة لدرجات الكلاس: # 5 ريدننق : فيه قصَّة حتحمِّلُوها ( مُمكن تجيبوها ع آيباد بدل ما تطبعُوها أو على جوّال )، أهمّ حاجة لما أستاذكم أو أستاذتكم تقولكم جيبُوها، تجيبُوها وتحضرُوا الكلاس دا لا تحاولوا ما تحضروا الكلاس اللي فيه الريدنق، عليه 5 درجات، على انك جبت القصة، وحضرت، ولما يسأل تجاوب، لانه فيه تمارين نهاية كل فصل في القصة! # 5 رايتنق : في الكلاس نفسه حتكتبوا الرايتنق، كل واحد لحاله .. لمّا تخلص كتابة، تروح عند أستاذك/ أستاذتك وتصحّح معاكِ .. بعدها في ورقة اسمها : first draft ، حتكتبوا الرايتنق فيها ( مُراعيين الكابتل، والمسافة ودي الأشياء ) .. والأستاذ/الأستاذة حيأخذوها معاهم! ( فيه أساتذة يخلُّوك تكتب الـ first draft = وتكون أوّل تصحيح ) وبعدها تصحّح الأخطاء في الـ second draft، وآخر شي تصحح أخطاء الـ second draft في الـ final draft ! " يعني كُلّ مرّة تصحح الخطأ " # 5 الوورك بوك: الكِتاب، يحدّد لكُم تمارين متلًا تحلُّوها، أو على آخر ليفل عندنا لغُوا الوورك بوك، وخلُّونا ندخل في الـ lms .. الـ lms تروح لاب مع الأستاذ/ة .. وتفتح موقع اكسفورد لكم، وتسجُّلوا الدُّخول وهيَّ معاكم وتحلُّوا التمارين، وتكمِّلوا في البيت! # 5 سبيكنق : يعطوكم موضوع ويقُولولكم اتكلَّمُوا عنه في الكلاس :$. طيّب الاختبار النهائي والميدتيرم كيف أزاكرها؟ القرامر يكون نهاية الكِتاب، يشرحها بالتّفصيل والفوكابلري تحمّليها! الرّايتنق، والسبيكنق فاينل: الرّايتنق أي موضوع شبيه باللي كتبُوه، حيجي وتكتُبي عنه وقتها بدون أي قواميس! السبيكنق فيه مواضيع، تكون موجودة في الموقع - ومرّات البنات يجيبوها مدري من فين - وتسحبي ورقة وتخلِّيكِ دقيقتين تفكّري ومُمكن تكتبي هامش .. وتتكلَّمي :$ طيّب من فين أحمِّل الأشياء ؟ هِنا بالنّسبة لـ " ليفل 3، 4 " : فيه مُلخّص استفدت منُّه لـ خالد السيِّد من هِنا . طبعًا، نصيحة لوجه الله ألغُوا الانجلش .. يتعِّب ويضيِّع يُومك كله وفي النهاية بس عليه ساعتين في المُعدل! ومُمكن تنزلي بسببه، زيّي بالنّسبة لاستاذاته الأفضل ابحثي عن أستاذتِك لما تنزلك، لأنُّي ما أفتكر أسماء اللي درّسُوني صراحةً :( . - الفِيزياء : في البداية، الفِيزياء دلللع، مُتعة وكلّ شي :$ خلُّوني أكون صريحة شويّ أنا مو من النَّاس اللي يزاكروا أوّل بأول، قبل الاختبار بأسبوعين أبدأ أزاكر، ما أقدر .. أتعب نفسيًا لما كل أسبوع ولا كُل يوم أزاكر وكِدا .. امكِن لانه الطبّ مُو طموحي والتخصّص اللي أباه، ما فيه التنافس مرّة كُنت أعتمد على فيديوهات يُوسف زويل بس سحبها من النت للأسف لو شُفتو جدولكم فيه ساعة 12 - 1 فاضية كل يُوم سابُوها عشان السكشن! السّكشن مُحاضرة إضافية، للفيزياء والاحصاء بس، ينحلّ فيها التّمارين. المفروض تجي وانتِ حالة التّمارين! بالنّسبة لي، كُنت أجي وأنا مو حالتها صراحة أفضل أستاذة سكشن : مها دفتردار .. طبعًا حينُزل أسماء اللي يُعطوا السّكشن كل بداية ترم في موقع مُنسّقة المادة ( كانت ريْم الوافي، تأكدوا هيا أو لا من أستاذتكم ) أ/ مها دفتردار مرّة جيّدة للناس اللي نفس حالتي ما يحلُّو الاختبار الدوري الاول : شابتر " 1،2،3 " .. الاختبار الدّوري الثاني : شابتر " 4،5،6 " .. الاختبار النّهائي : كُل المنهج! الكِتاب تستفيدي منُّه في : الأسئلة حق السكشن عشان تحلِّيها بس تقريبًا درّستني د/ سناء أباظه شديدة، بس تفهّمم مرّة .. الله يسعِدها يمدحُو : لبنى سِندي، ريم الوافي، هناء فرحان، كمان فيه ناس بس ما أفتِكر أساميهم :$ . فيه في خوارزم أسئلة الدوري الأول، والثاني والنهائي، لهناء فرحان .. حق السنين الماضية : مُفيدة جدًا بالنّسبة لملفّي .. يحتوي على: أسئلة السّكشن، والقوانين لكلّ المنهج تقريبًا .. ومُقسم حسب الاختبارات وفي كل مُجلّد اختبار فيه مُلخصات هناء فرحان، ويوسف زويل وأسئلة! مُلخصات هناء فرحان + يوسف زويل + أسئلة = a+ باذن الله. المُلّخصات مُمكن مُلخص أشرف بركات كمان، صراحةً ما استعملته الا في الدّوري الثاني! لكن مُلخصات هناء فرحان + زويل + مع المُحاضرات اللي كُنت اكتبها + أسئلة هناء فرحان مرّة كاافية! الملفّ : هِنا . - الرِّياضيَّات : طيّب! أنا زي ما قُلتلّكم ما أزاكر أول بأول + أستاذتي كانت تشرح الفِكرة زي ماهيّ في الكِتاب + كمان طيّبة لابعد حدّ .. لدرجة انّه البنات يمسكوا الجوّالات في كلاسها >< فكُنت انصدم في الاختبار صراحةً ! الرّياضيات أنا راكمتُه صراحةً، قبل الاختبار جيت زاكرت، وطبعًا الوقت ما كفّاني انِّي أحل التمارين الهائلة هذه " اللي ورا كل درس " + الورك شوب + ولا أشُوف المُلخصات! درجتي في أوّل اختبار اتحطّمت منها، خلاص كرهت المادة >< الرّياضيات يباله حلّ الى مالا نِهاية! ربِّي ستر والحمدلله البُونس، وكمان درجات دُفعتنا كانت واطية فعملوا كيرف أب في الرياضيّات! والاختبار النهائي كان سهل الحمدُلله :"" عمومًا؛ مُلخص أشرف بركات مُهم! ليندا الزبن، أنصحكُم بها .. حاولت أحضرلها، بس كان لازم أغيِّر كُل جدولي، وما أقدر ألعب عشان الانجلش >< ! بالنّسبة لملفي يحتوي على: السِّيلابس ( منه التّمارين، والأسئلة اللي معاكِ في الدّرس ونهاية الدّرس )، حلُول الأسئلة الزّوجية من موقع رانيا الحربي، وليندا الزبن، الورك شوب ( مرّة مرّة مرّة مُههم ) .. وأسئلة طبعًا المُلخصات الأفضل ما تحمِّل من النت، ترتيب الكتاب والدُّروس تغير عن السنين اللي قبلنا، فالمكاتب اللي قُدام الجامعة اشترُوها نُسخة جديدة حسب المنهج الجديد! الملفّ : هِنا وهِنا ملفّ أسئلة .. حطّها شخص .. الله يسعدُه () . - مهارات اتِّصالْ : مادّة مُمتعة جدًا سهلة جدًا، مُزاكرتها قراءة .. أهمّ شي تقدروا تفرّقوا بين التّعاريف .. وركِّزوا وقتها الشّي مُتفرع من فين؟ ايش الفكرة الرئيسية! درستها مع د/ أميرة النِّمر .. ربي يسعدها حقيقي، يا بختُه اللي يدرس عند د/ أميرة النِّمر اعتبروا نفسكُم في دورة بعيدة عن الدِّراسة! طبعًا بالنسبة للتّكاليف؛ تختلف من دكتورة لـ دكتورة: يعني د/ أميرة النّمر .. خلّتنا نعمل عرض كامل، نتكلم عنُّه ( قروبات ) .. مع ملفّات كأننا في دورة وكان عليه 10 درجات أعتقد، وسلَّمناها سيرة ذاتيّة، واختبرتنا اختبار قراءة بسيط، واختبار انصات بسيط مرّة بالنّسبة للاختبارات للأعوام الماضية، الكِتاب جديد كان، فمُمكن فيه اختلاف شويّ =$ . - الحاسب : الحاسِب كتير استصعبُوه، مع انها مادّة لزيزة وسهلة الحاسِب مرة بسيط، أقرأوه بتركيز .. والأهم ازا كان اختِبارك نظري : زاكروه عملي ونظري! يعني: ممكن يقُولك كيف نسوّي كدا؟ من أي قائمة؟ فمع العملي تركز المعلُومة! المُزاكرة سلايدات والكِتاب! وبالنسبة للعملي، فيه تدريبات كمان =$ . كُلُّه من هِنا تحت كل شابتر، فيه السّلايدات، والواجبات والتّطبيقات وكدا ما كان فيه واجبات، لنا يعني في المُزاكرة نستفيد منّها! درستني : أ. بسمة السُّلمي .. الله يسعدها صح صُوتها واطي شويّه، بس جيّدة .. والمادّة عمومًا تعتمد عليك بشكل تامّ! الكِتاب جديد برضُو، فنماذج الأسئلة قديمة غالبًا اللي موجودة في النت . + لحد يُردّ لين أخلِّص !

[رفّات حُلم]

تجرُبتي وملفَّاتي في السنة التّحضيرية : - الأحياء : أنا قُلتلّكم انِّي ما أزاكر أول بأوّل الأحياء المادّة اللي كسّرت رجولي، وصِرت أتكلَّم كأني مدري إيش كسّرت رُجولي عشاني ما أقدر أحفظ إلا وأنا أمشي الأحياء كمّيته كبيرة جدًا، طبعًا زي الثانوي يعتمد على الحفظ! وبما انِّي ما أزاكر أوّل بأول، فآكلها ع رأسي قبل الاختبار الأحياء يحتاج مُزاكرة أوّل بأوّل، تتعبوا وانتُوا تحفظُوا بس قبل الاختبار خلاص ارتحتُو! بالنّسبة للسّلايدات مُترجمة، الكلام اللي بالعربي لكم عشان تفهموا، أما اللي بالانجلش هوّ اللي معاكم وتختبروا فيه! المادّة سهلة.. عيني كانت تطلع قبل الاختبار " كميَّة كبيرة، حفظ، وقت قصير " لكّن الاختبار سهل سهل سهل درّستني د/ حنان الشاذلي .. الله يسعِدها ملفِّي يحتوي على : " السّلايدات المُترجمة، مُلخّصات ( للمُراجعة وليست للمُزاكرة ) " الملفَ : هِنا - الإحصاء : أقدر أضمن لكُم ان شاء الله الـ 100 بشرط؟ ما يمرّ عليكم شي وانتُو مو فاهمينه .. الاحصاء مُمتع كأنُّه ألغاز :$ الاحصاء نِهاية كُل درس " ما عدا شابتر 1 " فيه أسئلة تكون بعضها عليك ( من السيلابس تعرفيها ) ونهاية كل شابتر فيه شابتر كويز، ومُراجعة أعتقد! كُلها من السيلابس تعرفيها مصدرك الأساسي زي ما قُلت الكِتاب .. طبعًا هوّ زي الفِيزياء فيه سِكشن .. من 12 - 1 .. التّرم الأول كان سِكشن سماح اللي البنات عليه كأنهم في حجّ ، لكنّ على التّرم التاني وقتنا ما كان فيه الا اثنين، فحمَّلت الكِتاب بالحلول وخلاص ما صِرت أحضر سِكشن درّستني أ/ دُعاء بُوقري .. مرّة مرّة عسل الاحصاء ما ينفع تخلِّوا كومة الأسئلة هذه ليلة الاختبار، أو قبل الاختبار، مُستحيل تخلِّصوها .. مرّة مرّة كتيرة! للأمانة.. أنا مرّات يادوب أخلِّص المنهج، وما أحلِّها، مافيها مرّة أفكار جديدة .. الأهم كل حرف في الدّرس تفهموه ! والحمدلله جبت درجة مرّة حلوة ملفّي يشتمل على: الكِتاب بالحُلول، وورك شيت أ/ دُعاء بُوقري، نماذج اختبارات، سلايدات، مُلخّص للمنهج، وواجبات حمَّلتها من النت بس ما فتحتها. الملفّ : هِنا - الكِيميَاء : أنا كانت د/ ليلى الحربي تدرّسني، كُنت اكتب اللي معاها، بس مُو مرّة مهم .. بمعنى كُنت أزاكر من السلايدات وما كان يكفيني الوقت ازاكر اللي كتبتو. أهم شي : التّست بانك الاختبار نُسخة من التِّست بانك :$ ملفِّي يشتمل على : سلايدات د/ ليلى، سلايدات د/ نُها، ويُوسف زويل، والتّست بانك، وأسئلة .. وكم مُلخّص ع كم شابتر الملفَّ : هِنا + لحد يُردّ لين أخلِّص !

[رفّات حُلم]

الاختِبارات وما يتعلَّق بها في السَّنة التَّحضيريّة : في البداية؛ أي شي يتعلَّق بالتّحضيري " جداول الاختبارات، مواعيد ... " هِنا الاختِبارات: في البداية الاختِبار الكتروني، يعني .. قدَّام كمبيوتر تجلسي " البنات " ويعطوكِ ورقة بيضاء A4، وانتِ معاكِ أدواتِك كاملة " آلة، مرسام، مساحة، قلم ... " ولا تنسي بطاقتِك الجامعيَّة بالنسبة للآلة الحاسبة المُطوّرة مُمكن تدخّلوها في اختبار " الفيزيَاء، الكيميَاء، الاحصَاء " فقط! حتسجّلي دُخول في البرنامج زي الأودس بالزّبط، وحيفتح لكِ اختبارك .. الوقت يختلف من مادّة لمادّة طبعًا .. ففيكُم تسألُوا المُنسقة قبل أو أستاذاتكم أو تشوفوها من التّفويج ! الورقة البيضاء اللي تحلوا فيها تعطوهُم هيّ وانتِ خارجة ، وفيكِ تنهي الاختبار قبل لا ينتهي الوقت! إيش يعني تفويج الطّالبات؟ يعني كل كم شُعبة يدخُلوا كلاس ومنها يشيلُوهم للمعامل عشان يختبرُوا. طبعًا مو لازم تلتزمي بالوقت، بس أهم شي ما يخلص وقت التفويج وانتِ ما جيتي. # الكيرف أب والبونس : يتعلَّقوا بالدرجات، البونس زي اللي في الرياضيات، والفيزياء والأحياء بس تأكّدوا انه موجود أما الكيرف أب .. لما كانت درجات دُفعتنا سيئة في الرّياضيات، والاحصاء عملُوا كيرف أب يعني يرفعُوا الدّفعة كلها بمقدار ثابت درجات مُعينة بدون أي حل أسئلة البُونس تحلِّوا أسئلة وتأخذوا عليها درجات! عمومًا لا تعلِّقُوا نفسكم لا في البونس ولا الكيرف أب .. الوضع ما يستاهل وانتُو قدَّها + لحد يُردّ لين أخلِّص !

[رفّات حُلم]

ما بعد السَّنة التّحضيريّة : لكلّ مادة عدد ساعات مُعين، كل المواد عدد ساعاتها 3 ما عدا الانجليزي بكلّ ليفلاته! نِهاية كُل فصل دراسيّ ينحسب مُعدلك! اللي هوّ عبارة عن تقادير المواد .. فلو جبت متلًا A+ في كل المواد فـ أخذت 5 أما النسبة هيّ اللي تدخّل الكُليات. فيه نسبة خاصّة ونسبة عامّة : النّسبة الخاصّة لبعض الكُلّيات/ متلًا الطبّ، الحاسب، الهندسة لها مواد مُعيّنة تحسب " درجتك في المادة * عدد السّاعات + درجتك في المادة * عدد الساعات .... / مجموع عدد الساعات " طبعًا كيف أعرف المواد؟ وكم أقل نسبة خاصّة موجود في الدّليل اللي في صفحة السّنة التحضيريّة اللي حطّيتها قبل كِدا :$ طيب إيش الفايدة من النسبة الخاصّة؟ النّسبة الخاصة بس ازا اجتزت أقل مُعدل فيها فانت دخلت في المُفاضلة * وهذه فايدتها * أما النّسبة العامة الأهم : درجتك في كل المواد بمعنى تُحسب : " درجتك في المادة 1 * عدد الساعات + درجتك في المادة 2 * عدد الساعات ... / مجموع عدد الساعات " الفرق بس النسبة الخاصّة، مواد مُعينة، اما النسبة العامة كلّ المواد ! وبالنسبة العامّة يتمّ الفرز! بالنّسبة لتقادير المواد : التّسكين حيعملُوا برنامج لكُم تتعرَّفُو فيه ع الكُليَّات =$ فيكُم تختبرُوا نفسكم في أي تخصّص من هِنا . + لحد يُردّ لين أخلِّص !