مبادىء القانون!!!!

[اجمل ملاكـ]

السلام عليكم ورحمة اللله وبركاااته

هذي اول مشاركه لي فالمنتدى ,,وبصراحه مرررره اعجبني التعاون بين الطلاب والطالبات

اولا انا اخذ مبادىء قانون مع الاستاذه ليندا ,,وطلبت بحث عن اي موضوع فالكتاب

انا حاسه اني مرررررررررررررره ضايعهمني عارفه ايش ممكن اكتب او ايش الكتب الي ممكن تساعدني



بلييييييييز بليييييييييز اللي سبق وسوى بحث في دي الماده يفيدني والله يجزاكم كل خير


وبس,,,سلامتكم

[بنت الجامعه ^_^]

والله حتى انا حااايسه بالبحث وعندي كمان قانون دستوري واصول فقه كمان طالبين بحوث وماني عارفه شي ولا حددت موضوع لسه !!

[القـانون السعـودي]

اختي اجمل ملاك

مواضيع المبادئ كثيرة وممتعة وفيه موضوع كويس ممكن تبحثين فيه

انا وهو اصدار النظام كيف يتم

طبعاً اول شئ الاقتراح بعده المناقشة والتصويت وبعده الاصدار وبعده التصديق وبعده النشر

فا انتي تكلمي عنها بأسهاب

وفيه موضوع اخر جميل انا وهو

على اي اساس قسُم القانون العام والقانون الخاص فيه عدت اراء تكلمي عنها

موفقه ان شاءالله

[اجمل ملاكـ]

مشكووووووووووووووووووووور <<القانون السعودي>>>

والله ماتتخيل قد ايه استفدت من مشورتك

لانه تقريبا دا اكتر شي فهمته من الكتااااب,,,,فشاله

الله يجزاك خير ونخدمك فالافرااااااااااااح...

[زمردة]

والله انا كمان مررررة حايسة وانا تخصصي ادارة عامة مو قانون..
سالت الاستاذة أقدر اكتب عن القانون الإداري قالت لا اكتب عن شئ فيه مو موضوع عام.؟؟

مرررة محتارة ... ومو عارفة كيف حيكون اختبارها ؟ الله يستر كمان

[اجمل ملاكـ]

الله يستر ويعيننا ..

والله السنه التحضيري كانت رحمه ولابحوث ولا تكاليف ولاشي

مجرد اختبارات وبس لا وكمان كلها اختااري ,,,ااخ بس

ربنا يوووووفقنا جميعا ويكتب لنا الخير في كل خطووووه

[THE LAWYER]

الله يوفقك ان شاء ويسهل لك
قسم القانون يبغاله شغل يا اختي

عندي لك موضوع حيوي وراح ينفعك في القادم من المواد
ابحثي في نظام القضاء الجديد وقارني ( بصوره موجزه ) بينه وبين القديم
لأمي اذكر يوم اخذت مبادئ القانون درسنا النظام القديم مع ان النظام الجديد كان صادر من فتره
موضوع مميز راح يفيدك بس يبغاله شوية شغل

وبالتوفيق يارب

[no limit]

1- الحق - حق الاسرة -
-القانون العام والخاص وتقسيماتها والفرق بينهم مع شرح كل قسم من الاقسام (الموضوع جدا واسع وسهل)

[اجمل ملاكـ]

the lawyer..no limit

جزاااااااااكم الله خير’’اعطيتونني افكاااار

بس ايش الكتب الللي متوسعه فدا المجال’’’لو تعرفوها

والله كنت متوقعه القسم اسهل من كدا

يلا الله معانا

ومشكوووووووووووووووورين على مساعدتكم ..

[ماستر كي]

بحث على مبادئ قانون ؟؟؟؟
كان الله في عونك
هذا فهرس اختاري موضوع وابشري بسعدك

تعريف القانون –التميز بينه وبين القواعد الاخري
اقسام القانون –معيار التفرقه بين القانون العام و القانون الخاص
اقسام القانون العام ( الدولي العام –الدستوري-الاداري-القنون المالي –القانون الجزائي )
قسم القانون الخاص ( المدني-التجاري-البحري و الجوي –المرافعات الشرعيه-نظام العمل-القانو الدولي الخاص )
نظرية الحق –تعريف الحق
تقسيمات الحقوق (سياسه - مدنيه –خاصه-عامه-ماليه-غيرماليه-حقوق اصليهو غير اصليه)( الملكيه-الانتفاع-السكني –الارتفاق-الرهن الرسمي و الحيازي
اركان الحق
مصادر الحق