اليوم ناقشت عند الدكتور طلعت الدمرداش تعالو اقول لكم وش صار

[ابي اتخرج 2014]

السلام عليكم ورحمة الله وبركاتة
اليوم ناقشة مع الدكتور الساعة 11 صباح انا ماسويت البحث يعني سواه لي المكتبة زي اكثر الطلاب وكان بعنوان الجودة في الصحة وجايب معاي ذاك المجلد تقول كاني نابغة الذبياني ولا جرير الي يشوفة في في يدي يقول لله درة وش هالادمي الي فوق راسة 100 قيقا ومناك 2قيقا ودخلت وسلمت علية وكنت مجهز أجابات المناقشات الطلاب الي قبلي يعني الافتراضيات وأهمية البحث والمشاكل الي واجهتك في البحث الشباب ماقصرو منزلين الاسئلة حافظ منها كم نقطة قالي انت الي سويت البحث قلت افا عليك قال انتبة اذا مو انت تاخذ صفر قلت في قلبي يبي يخوفني قديمة وقام يتصفح بحثي والاسئلة كانت 1عدد نقاط الجودة قمت احك راسي 2 الاسلوب الي استخدمته جاوبت الوصفي الحمد الله جاوبنا السوال 3 و4 ماجاوبتة ونسيت السوال المهم الرجال قالي كيف سويت البحث ولا تعرف تجاوب قلت مع الاختبارات المهم الرجل يبي يكرمني بس انا مو مساعدة الاسئلة جديدة علي مو الي مرتب لها جاب سوال في البداية في المجلد في المقدمة كاتب اهدي العمل لاسرتي قال تهدي البحث لمين قلت لاسرتي باركولي جاوبت المهم فتح الصفحة ويعطيني 75 وقالي مبروك بغيت اقوله على
ايش بس خفت يرسبني المهم ياشباب والله اني متضايق اخر ترم ودي 90 ولا 85 وش رايكم 75 مقنعة ولا لا

[مسايس العبرة]

طلعت حبوب بس شديد شوي دامك طلعت منه انتهى الموضوع مناقشة الدرجة ماينفع تطلع وترجع له
احمد ربك دام بحث مكتبه وعطاك كذا بركة كريم

[ابي اتخرج 2014]

مسايس ماعرفت قصدك طلعت حبوب لايكون شايف شي ترا الكبر شين ولاتواخذني مرفوع القلم عني

[مسايس العبرة]

الدكتور طلعت الدمرداش حبوب بس شديد شوي
انت زين الي فكك الله هههه

[مــنــTـســب]

وعليكم السلام ورحمة الله وبركاته ,,,

أنا بحثي وأنا أخوك مسويه من الجلدة للجلدة بنفسي , والله العالم كم تعبت فيه , يارجل تعلمت برنامج أسمه ( IBM spss ) كله عشان اسوي الإحصائيات , والمتوسطات والانحرافات المعيارية , والحمد لله عطاني 85 , وكنت أستحق أكثر لكن قدر الله وماشاء فعل , غلطت بأنني قدمت البحث بدون تجليد وبدون غلاف ,

على العموووم 75 كأنها 79 ماتفرق بالمعدل , لأن المعدل طريقته غير منصفة صراحة يعتمد على الاوزان , يعني 60 = 64 و 65 = 69 و 70 = 74 ..... إلخ

بالتوفيق لك أخي

[ابي اتخرج 2014]

منتسب الله يجزاك خير ويعوض عليك

[طالب الحوار]

الله يجزاه خير ماقصر الرجال معاك

يا اخواني ابي نصيحتكم لي وخبرتكم في البحث انا السنة القادمة الترم الاول عندي بحث وش تنصحوني تكفون ابي واحد يعلمني

[مشعل الدوادمي]

هل البحث هذا هو مشروع التخرج اللي يقولونه ؟ وهل هو الماده اللي في الخطه الدراسيه اسمها بحث وتدريب ؟

[عقبالي]

المشاركة الأصلية كتبت بواسطة ابي اتخرج 2014 السلام عليكم ورحمة الله وبركاتة اليوم ناقشة مع الدكتور الساعة 11 صباح انا ماسويت البحث يعني سواه لي المكتبة زي اكثر الطلاب وكان بعنوان الجودة في الصحة وجايب معاي ذاك المجلد تقول كاني نابغة الذبياني ولا جرير الي يشوفة في في يدي يقول لله درة وش هالادمي الي فوق راسة 100 قيقا ومناك 2قيقا ودخلت وسلمت علية وكنت مجهز أجابات المناقشات الطلاب الي قبلي يعني الافتراضيات وأهمية البحث والمشاكل الي واجهتك في البحث الشباب ماقصرو منزلين الاسئلة حافظ منها كم نقطة قالي انت الي سويت البحث قلت افا عليك قال انتبة اذا مو انت تاخذ صفر قلت في قلبي يبي يخوفني قديمة وقام يتصفح بحثي والاسئلة كانت 1عدد نقاط الجودة قمت احك راسي 2 الاسلوب الي استخدمته جاوبت الوصفي الحمد الله جاوبنا السوال 3 و4 ماجاوبتة ونسيت السوال المهم الرجال قالي كيف سويت البحث ولا تعرف تجاوب قلت مع الاختبارات المهم الرجل يبي يكرمني بس انا مو مساعدة الاسئلة جديدة علي مو الي مرتب لها جاب سوال في البداية في المجلد في المقدمة كاتب اهدي العمل لاسرتي قال تهدي البحث لمين قلت لاسرتي باركولي جاوبت المهم فتح الصفحة ويعطيني 75 وقالي مبروك بغيت اقوله على ايش بس خفت يرسبني المهم ياشباب والله اني متضايق اخر ترم ودي 90 ولا 85 وش رايكم 75 مقنعة ولا لا

الف مبروك .. الف مبروك

[muslah]

ماشاء الله تبارك الله

الف مبروك أخوي