للتوضيح فقط !

[.. Shosho A ..]

السلام عليكم ورحمة الله وبركاته ..


بخصوص اللي صار بالنسبة لموضوع تغيير موعد اختبار الجنائي لكم مني القصة ولكم الحكم ..
الموعد الاساسي لاختبار الجنائي زي الموجود في الجدول هو بتاريخ 11-7-1432 هـ وكانت رغبتنا يصير موعده 2-7-1432 هـ وتم توقيع طالبات الشعبة بناءً على هذه الرغبة وقدمناه لمشرفة القسم د/ نجاح سلامة ووافقت بشرط أن تتم موافقة أستاذة المادة د/ ماجدة فؤاد واخطارها بخطاب بالموافقة .. وبعد أن تم توقيع د/ ماجدة وموافقتها قُدمت ورقة الموافقة بخط اليد الى د/ نجاح وقالت ( خلوها عندي ونشوف ) .. بعدها رحت أنا وطالبة معانا في الشعبة يوم السبت تاريخ 25-6-1432هـ لـ د/ نجاح نسأل عن موضوع تغيير موعد الاختبار وماذا حصل عليه .. قالت بالنص ( انا ما اقدر اغير لكم الموعد وكثير طالبات جوني يبغون يغيرون مواعيد اختباراتهم ورفضنا ... ولكن مراعاة مني راح اوافق بس بشروط :
1- احضار ورقة باسماء طالبات الشعبة وتوقيعاتهم وعددهم + الكشف الأساسي لأسماء طالبات الشعبة من د/ ماجدة .
2- خطاب رسمي مطبوع وليس بخط اليد يتضمن موافقة أستاذة المادة وتكتب الآتي
( أوافق انا الدكتورة ماجدة بتقديم موعد الاختبار من تاريخ كذا الى كذا وأتحمل أنا الأستاذة ماجدة كامل المسئولية في حال تغيب اي طالبة عن الاختبار بحجة عدم علمها أو اعتراض أي طالبة على الموعد الجديد ) .

ورحنا أنا واربعة بنات للدكتورة ماجدة وعلمناها باللي صار وقالت طيب وكتبت الخطاب وقارنت كشف الاسماء الاساسي بورقة اسماء البنات وتوقيعاتهم بالموافقة وطلع العدد كامل والكل موافق الا طالبة وحدة ورحنا الشؤون التعليمية واخذنا رقمها وكلمناها ووافقت وادرجنا اسمها ورقمها الجامعي من ضمن البنات الموافقات ورحنا مع الدكتورة ماجدة عند الدكتورة نجاح وسلمناها الاوراق المطلوبة بالشروط المطلوبة وتأكدت من الاوراق وقالت بالنص ( اوكي انا موافقة ) وسألتها ( يعني خلاص اكيد ابلغ البنات يادكتورة ؟) قالت ( ايه بلغيهم واحنا بنحط اعلان بالمبنى ) وتطوعاً مني وايضاً من الاربعة طالبات اللي كانوا معاي رحنا للشؤؤون التعليمية واخذنا ارقام جميع طالبات الشعبة وقسمنا الاسماء بيننا بحيث كل طالبة من الاربعة تتصل على مجموعة من البنات وتبلغهم وفعلا في نفس اليوم بلغنا كل البنات وايضا في نفس اليوم نزلت الاعلان بالمنتدى .. واليوم وصلني خبر انو العمادة رفضت تقديم الاختبار مع العلم اننا حصلنا أيضاً على توقيع وكيلة كلية الاقتصاد والادارة د/ زينب ومع العلم بوجود قاعات متاحة ..
يعني انا مثلكم تفاجأت .. والموضوع اللي حطيته بالمنتدى بناءً على كلامهم واللي حاب يروح يتأكد من د/ نجاح يروح ..

مجرد توضيح لاني مع الاسف رغم رغبتي انو كل الطالبات يوصلهم خبر التقديم ولا يفوتهم الاختبار وجدت نقد وملامة. .

وموضوعاتي مازالت تحمل نفس المصداقية

عذراً عالاطالة .. والله الموفق

[طآلبهـ جآمـع ــيـة]

وعليكم السلام ورحمة الله وبركاته

لاااااااااااااااااااااااااااااااااااا

نبغاااااااااه السبت

مرااااا الأسبوع الثاني ضغغغغغط ومواد ورا بعض وكل شئ :"""""""""""(

حرااام عليهم يعني المفروض يحطوا الشئ اللي ف مصلحة الطالبات

تحطييييييم
مرا فرحت لما قلتوا السبت .. خسااارة

مشكووورة شوشا انتي وصحباتك سويتوا اللي عليكم
والله يعيييين

[s.wael]

يعطيييك العافيه شوشو والاغلب شاهدلك تعبك في الموضوع ..الله يجزاك الف خير ومايحرمنا منك وامثالك عزيزتي

[Patricia]

انتي ياشوشو ماقصرتي والله يعطيك الصحة والعافية ..

وحسبي الله على جامعتنا وخصوصا الي وقف في طريق الموضوع ..

مايدروا ااننا مضغطوين في الفترة ما بين 10 و 12 / 7

عندنااا اختبارااااات الهم ..

الله يتولاهم بمعرفته .. .. ..

[.. Shosho A ..]

اليوم رحت الجامعة كنت ابغى اكلم د. ماجدة لكن مع الأسف
لي ثلاث ايام اثنين وثلاثاء واربعاء اروح مكتبها ولا القاها بساعاتها المكتبية ..
ولقيت اعلانين معلقين عند باب المكتب ..

الاعلان بالمرفقات ..
ولكن لفت انتباهي أن تاريخ توقيع د. نورة ( وكيلة عمادة القبول والتسجيل ) -اسفل الورقة -
كان يوم السبت 25-6-1432هـ أي بنفس تاريخ صدور القرار من د. نجاح ( مشرفة قسم الأنظمة )
بالموافقة على تقديم موعد اختبار الجنائي والذي كان أيضاً يوم السبت بتاريخ 25-6-1432 هـ ..
ولم يتم نشر اعلان قرار د. نورة الا يوم الثلاثاء اللي هو امس !

[LUJAIN92]

حسسسسسسسسسسسسسسسسسسسبي الله على من كان السبب