بالنسبه لبحث مادة أصول الفقه !!

[بنت من الجامعه]

السلام عليكم ورحمة الله وبركاته
كيفكم ؟؟
الموهم
انا عندي بحث في مادة اصول فقه
صراحه أحترت ابحث عن ايش
وكيف تكون طريقه البحث ؟؟؟
يعني المصادر من فين ؟؟
وكم صفحه المفروض البحث !!!
بليز اي احد عندو اي معلومات يفيدني
مع العلم اني اخد الماده مع مازن بخاري
يسلموو مقدماا ^^

[sosoana121]

حتى انا حايسة
بس ماني شايله همه قد ماني شايلة هم الدستوري
انا ارسلت للدكتور موضوع بحثي اذا يصلح اولا و ما رد علي
بس أنا خلاص ان شاء الله راح اعتمده

وهو كان من الاشياء الي قد قالنا عليها
في الشرح << مسويه سريه انا ووجهي
و اتذكر انه قال ما ياقل عن اربع صفحات
وبصراحة المصادر وصلت لها بسرعه اكثر من الدستوري

[no limit]

لاحول ولاقوة إلا بالله

والله قلبتو المواجع ياهووووه

قبل اسبوع معطي الدكتور بحث القانون الدستوري والان ببدا في اصول الفقه ،شكلنا بنطلع علماء في البحث العلمي.

يارب تهونها علينا.

وكـــــــــل عـــــــــــــــــــــــام وانتــــــــــــــــــم بخــــــــــــــــــــــــير.

[بنت الجامعه ^_^]

طيب نتكلم عن اي موضوع صح ؟ او شرط بس من المواضيع الي تكلم عنها في المحاضرات مع اني فهمت منه انه اي موضوع عادي عنده

[خلدونة]

إنتي لازم أولاً تختاري موضوع مناسب من المنهج لكن لا تختاري موضوع الإعجاز في القرآن لأني لما جيت أختارو الدكتور مازن رفض قال هذا يعتبر بحث للثقافة الإسلامية مو أصول فقه ولما تختاري الموضوع هتلاقي على طول المصادر وأنصحك بأحد المصادر في المكتبة شبيهه جداً بكتابنا (كتاب اسمو الحكم الشرعي أقسامه ومتعلقاته للمؤلف محمد عبد العاطي)اختاري موضوع وبعدين شوفي هذا الكتاب اذا كان يتضمن موضوعك واشتريه.
لا تذكرووووووووووووووني ببحث القانون الدستوري لأنو مسببلي أزمة نفسية وما قدرت أختار موضوع للحين ولا أنا لا قية حتى مصادر زي الناس.

[بنت من الجامعه]

طيب والبحث المفروض كم صفحه ؟
ولازم مصدر من كتب في المكتبه ؟؟
يعني مو عادي اطلع من النت ؟؟

[اسير الحزن]

الله يعينكم يارب

انا منزل الماده مع الدكتور هشام ازهر لابحث ولاهم يحزنون
الله يخلي لنا الدكتور
والله يقويكم على البحوث يارب
موفقين خيررررررررر

[خلدونة]

البحث مو لازم عدد معين من الصفحات الدكتور قال حتى لو أربع صفحات لكن إنتي لا تفكري في الصفحات إنتي لما تختاري موضوع هتلاقي نفسك منتي مهتمة بعدد الصفحات.
وبالنسبة للمصادر ما ينفع تعتمدي بس على النت لازم كتاب من المكتبة وكمان ينفع تستخدمي كتابنا حق عبد الكريم كمصدر.

[Miss.law]

اما دا البحث مسوّي لي زحمه ..

خخخخخ

..

البحث ممكن من كتاب .. أو نت .. يعني أي شي تبغيه ..

و لا يقل عن أربعة صفحات .. يعني أربعة ما فوق ..

و الموضوع يكون موضوع فقهي .. مو ثقافة إسلامية ..

.
.

أي خدمة أنا حاضرة

=)