.:: سؤال عن مواد المستوى الخامس إدارة أعمال ::.

[عطر الغلا]

إخواني وأخواتي

السلام عليكم ورحمة الله وبركاته

حابة أسأل عن هذي المواد وهي :

إدارة استراتيجية bus 331
إدارة موارد بشرية bus 231
تخطيط وتنمية موارد بشرية bus 335
نظم معلومات إدارية bus 351
إدارة عمليات bus 221

أي هذي المواد أسهل .. وكيف د. منى الرفاعي في نظم إدارية ؟؟

لأني في المستوى الرابع وموادي هي :
تسويق
محاسبة 102
سلوك إنساني
اقتصاد جزئي
مالية شركات

وحابة أنزل أي مادة من المستوى الخامس بدل إدارة أعمال بالانجليزي لضيق الفترة بين الدورة التأهيلية والاختبارات

وجزاكم الله كل خير

[ملك المتعه]

اختي المواد السهله هيه
1.ادارة الموارد البشريه
2.تخطيط وتنميه الموارد البشريه
3.نظم معلومات اداريه
اما المواد التاليه
4.ادارة العمليات(مادة فيها مسائل حسابيه وانتي عندك محاسبه واقتصاد
وماليه شركات فلاتاخذينها)
5.ادارة استراتيجيه(المنهج طويل وممل ويحتاج وقت طويل)
والله يوووووووووووفقك

[أم رنيم]

إدارة موارد بشرية bus 231 تخطيط وتنمية موارد بشرية bus 335

نصيحة خذي المادتين هذي معا لأن الكتاب واحد للمادتين والدروس متشابهة ، يعني ماحتتعبي في المذاكرة ، والوقت ضيق
وألغي سلوك انساني لأنها ماهي متطلب لأي مادة ، وممكن تاخذيها حتى آخر مستوى في الجامعه

بالتوفيق

[رزان فهد]

هلااا عطر الغلااا نصيحة خذي ادارة عمليات مرة سهلة واحلى درجة جبتهااا فيهااا منهجهااا مرة مفهوم ويدخل راسك بسهولة والمسائل قليلة لان موكل المسائل يعطونهااا الاستاااذات انااا ركزت على المسائل السهلة وجات كلهاااا ونفس الارقام الي في الكتاب ماااغيروهاااا ساعتين بالكثير وانتي مخلصة المسائل والاختبار دايم موحد وعلى فكرة انااا ماحضرت الدورة بس حفظت الكتاب والله يوفقك

[maroko]

اختي عطر

انتي عندك هالسيمستر اقتصاد جزئي ولا كلي ؟؟

[ريم الشمري]

الله يوفقك يالغالية

[عطر الغلا]

ملك المتعة ، أم رنيم ، رزان فهد
جزاكم الله خير على الافادة
فكرت فيها تمام وقلت أضيف ثقافة 103 أسهل وأحسن

بس عندي سؤال لما أجي أضيف الثقافة في شعب بالحروف مثل BA وفي شعب بالارقام مثل 03

ما يقبل إني أضيف الشعب اللي بالارقام مع انها مناسبة لأوقاتي وما اتقفلت لسه
وش السبب ؟؟؟؟؟؟!!!!

أختي maroko

بالفعل أنا اقتصاد كلي وليس جزئي بس غلطة مطبعية

عزيزتي ريم الشمري

الله يوفقنا وإياكي

[أم رنيم]

ما يقبل إني أضيف الشعب اللي بالارقام مع انها مناسبة لأوقاتي وما اتقفلت لسه وش السبب ؟؟؟؟؟؟!!!!

لأن الشعب الي بلأرقام خاصة لطالبات كلية الآداب
أما الشعب الي بالحروف خاصة لطالبات اقتصاد وادارة

بالتوفيق

[عطر الغلا]

شكرا لك أم رنيم على المعلومة الجديدة

وجزاكِ الله كل خير

[ع ـطر]

..

وكيف د. منى الرفاعي في نظم إدارية ؟؟

ماأقدر أفيدك إلا في نظم معلومات إدارية لأن تخصصنآ مختلف

صاحباتي أخذوها مع منى قبل سمسترين
اسئلتها موضوعيه وركزت كثير على المصطلحآت
علشان كذآ البنات لخبطوآ الدنيا ونصحوني ماأخذ المآده
عندهآ مع أنو ولا عمري جربت اسئلتهآ
والسمستر الماضي نزلت مع ريم مشاط وكانت اسئلتها
حلوه


إذا مو مستعجله عليهآ أجليهآ بعدين
وإذا نزلت مع ريم مشاط اسئلتهآ ماتخرج عن تأشيرهآ

وثقافة 103 سهله وممتعه
بالتوفيق

..