القانون و الواسطة !

[a6Ł8 иƒяĥ]

السلام عليكم ..
بدرعم بالموضوع على طول مالي بالمقدمات :) ..
حكايتي مع القانون حححكاايه !!
حاولت آحول للقانون على ترم ثاني و كآن معدلي 4.29
قالولي مافي تحويل للقانون على ترم ثاني آنتظري على نهاية السنه ؟ بس آكتشفت آنهم قبلوآ طالبات
على ترم ثاني و درسوا ! طيب ليه يكذبوا علينا و يقولوا مافي تحويل ؟ ايش بيستفيدوا !
اوك عديناها و آنتظرنا نهاية السنه جينا لهم آول مافتح التحويل للكليات قالوآ لنآ آنتظروا مو الحين
و على هذا الححال ظلينا معهم و كآنت ترد علينا الرئيسه بكل برود * على ايش مستعجلين هوا بيقفل بالتاريخ كذا و كذا * :) !
جاى هذا اليوم و القانون مافتح ! رحت لهم قالوا ماندري من عند الرجال رحت العماده قالت لي الحقوق مابيفتح تحويله من النت
بيكون عن طريق الورق بشعبان بعد مايطلع معدلك *هذا كلام الاستاذه ناديه * اللي غرفتها مقابل للغرفه 2 :) !
آنا طالبه مغتربه مو من جده آنتهت اختباراتي يوم الاثنين يومها رجعت لتبوك و معدلي طلع يوم الجمعه و آنتظرت لين
شعباان كلمت وحده من صديقاتي تروح لأنوآ صعبه ارجع ماقدرت تروح واحد شعبان راحت 2 شعبان اللي هو اليوم
ردت عليها الاستاذه ناديه آنوآ خلاص قفل التحويل للحقوق !!!!!!!!!!!!!!!!!!!!!!!!!!!!!!!! متى آمدآه يقفل و آنتي قولتي بلا بلا
قالت عاد ايش اسوي في بنات جووا وسجلوا و من ذا الكلمه و الكليه تفسها قالت قفلوا لا تقبلوا احد و خلاص آنآ مآآقبل آحد !
راحت صديقتي للكليه نفسها قالوا لها لا للحين مفتوح بس لازم تقدمي اوراقك للعماده !! رجعنا للاستاذه ناديه و قلنا لها هذا الشي
قالت لا اعطونا شروط من اول ومشينا عليه !!!!!!!!!!!!!!!!!!! و انا الحين مستحيل اقبل اي اححد !!

زبدة الموضوع متى امداه يقفل التسجيل و هو مالوا يوم تقنعوني 30 طالبه جووا بهذا اليوم و كلهم معدلاتهم اكثر من معدلي * انا معدلي 4.16*
مو المفروض التحويل للكليات يكون فاتح اسسسبوع ؟
الححين ايش الححل ايشش ممكن اقدر اسسوي بخصوص ذا الشي ؟ + في اححد قبل صارت له ذي المشكله !

و مشكوريين ..~

[لآ اله الا الله]

ياليت اقدر افيدك ياختي

لكن انا ولد وماعندي اي خلفيه عن نظام البنات


البنات ان شاء الله يفيدونك

بالنسبه للواسطات فهي في كل مكان ولاحول ولا قوة الا بالله

الله يعينك ويسهل امرك

[نواف النباتي]

هلابك اختي

اعتقد اللي حصل معك غريب !

اتكلم بالنسبة للمعدل فالمعدل ما شاء الله تبارك الله ممتاز
واعتقد بالمعدل هذا تدخلين كلية الحقوق بالراحة
ولكن بالنسبة للاجراءات اعتقد ما حصل فيه نوع من التعقييد
لانه من الاستحاله ان يكون تقديم على كلية في يوم واحد فقط !
اعتقد ليس منطق ان يتم بالصورة تلك !
ان كنتي متممة الشروط او الطلبات وكل اوراقك جاهزة
ومع هذا لم يتم قبولك او فتح المجال للتحويل لك
فهذه كارثة بحق من يعمل هناك .
ولكن انتي حاولي في هذه السنة من بدري وجربي
وباذن الله يتحقق لك المراد
بس حاولي وكرري واتعبي بالمحاولة
يعني خلك هناك قد ماتقدرين واعرضي موضوعك
على اي موظفة هناك او اي دكتورة
تحاول تساعدك او تدلك على طريقة للوصول هناك
ولكن حاولي الترم هذا ولا تفقدي الامل


الله يسهل طريقك يارب .

[Patricia]

يمكن فعلا هما كلهم معدلاتهم أعلى منك..!
لا تنسي إن القسم عليه إقبال ومعدلات البنات نـااااار..!

بالتووفيق

[ساكو]

نصيحه لك ولكل البنات اي شئ تبغين تسويه بهالجامعه الجئي لله ثم قسم الرجال افضل من النساء
لا تقولين ماعندي اب ولا أخ وووو انتي بنفسك خلصي امورك حتى لو هالتحويل مايخص قسم الطلاب
على الاقل ممكن يتفاهمون بين بعض ويخلصونك او يتعاطفون معاك خصوصا انك منتي بجده الله يسهل امورك يارب

[rival soul]

نففففففففففس مشكلتي تقريبا ...جيت في التيرم التاني ابغى احول من هندسة للقانون معدلي 3.94وراجعت قسم القانون نفسه قالو غير مسموح التحويل من كلية علمية للقانون لكن دا النظام قديم الان في اجتماعات لانه بتصير كلية حقوق لوحدها وإن شاء الله يوافقو ...راجعت بعدها بمدة اسبوعيين تقريبا قالو خلاص اعتمدو وراح يكون التحويل لعشرين طالب فقط من الكليات العلمية بس او ككل مدري ماحدد لكن قال 20 طالب و اعتمدو التحويل قال ومسموح للعلمي يحول وراجع وكيل كلية الادراة والاقتصاد ورحت قال نفس الكلام بس قالو ابتداء من السنة القادمة الان مافي. ليش ياهووو التحويل شغال في النت بس مافي قانون عندي يقول ماينفع اعتمدنا لكن حنبدأ السنة الجاية حلو وسيبتهم فترة كبيرة...بعدين سمعت واحد طلب تحويل لكن ادبي واستغربت راجعت قسم القانون السبت اللي راح قالو روح عمادة القبول والتسجيل ورحت وهنا الصدمة يقولي كان التحويل موجود عادي لكن قفل قلت له في النت مافي كلية الحقوق عندي وهما قالو مافي يقولي الا كان موجود وتقدمه يدوي ورقة من عندي -_- لكن راحت عليك ...بعدها قدمت معاملة لمدير القبول والتسجيل عشان اشرح ايش صار والهبل حق الجامعة وراجعتهم امس الربوع في النهاية القى المعاملة رجعت لنفس الموظف اللي قالي مافي تحويل وقال نفس الكلام مافي تحويل ...بعدها دخلت على مدير مكتب العميد حق القبول والتسجيل واشتكيت عالقسم وفهمته المشكلة قالي انتظر السبت بيداوم دكتور تركي مدري هو العميد ولا ايش ههههه بس يعني اجيه ويوجهني عليه وعنده الكلام الاكيد وإن شاء الله تزبط ....المسألة مو واسطات لكن الجامعة شررررررررربه

[rival soul]

بس نصيحة انا شفت اكثر من واحد قدامي يجي يشتكي ويقول له اختي وبنتي الموظفيين يقولو له مالنا صلاح ومابيدنا شي هيا تراجع القسم عندها ...فاذا مايمديكي تراجعي احد اكبر من المسوؤله حقتكم ...خلي اخوك ابوك اي احد يراجع عند الرجال بس يدخل عالعميد على طول لايكلم موظفين كلهم نكد وتصريف

[a6Ł8 иƒяĥ]

أول ششي حابهه آقوله يعطيكم آلف عافيه كل ششخص رد علي
و الله ينور دربكم و يحقق مبتغاكم
ماتدروا قد ايش ساعدتوني حتى لو بكلمه وحده
آستفدت جداً منكم .. و اليوم رحنا للإستاذه ناديه من جديد
قلنا له نفسس الكلام اللي كتبتوه ليا و طلع كلامكم صحيح
الصدمه آنهآ غيرت كلامها اللي قبل و قالت التحويل اصلا مافتح للحين !!!!!
تقول اذا فتح تعالي قدمي اوراقك سلامات ي بو و كلامك اللي قبل و آنوآ قفل !
المشكله الكليه نفسها تقول فاتح و هي الحين غيرت كلامها و تقول لا ؟
المهم غسلت ايدي منها قلت بكره بأتصل على الجامعة و اطلب تحويلة قسم الححقوق ..
و إن ششاءالله تتيسر لي و للأخ اللي بيحول من الهندسسه ياااارب ..
و جججزاكم ربي الجنهه قولوآ آمييين ق1 ..

[a6Ł8 иƒяĥ]

#شطحه ..
آخوي اللي بالهندس مآفهمت عليك انت بتحول الححين و الا الكلام ذا زماان
عالعموم ايش ماكان الله ييسر لك و يسهل لك ..
و عققبال مآتتيسر ليا و آغير التخصص ببياناتي من تحضيري لحقوق

[Amer Bin Saleh]

دائما م استغرب من طلاب وطلابات الحقوق وعدم اخذ حقوقهم كامله ...
دائما في المشكلات التي تواجهك الإعتماد على الله ثم الإصرار على حقك ...
اتجه مباشرة الى عميد الكلية ودعك من الموظفين الذين لا يفقهون اي قول ...
دائما كن مبادرا واتخذ الخطوه الأسرع فـ جميع من في ادارة الكلية وجدو لخدمتك ...

اختي الفاضله لماذا لم تتجهي الى اعلى الهرم مباشرة ؟
واصرارك على حقك بإذن الله سيسهل طريقك

وسابقا كان لدي مشكله واتجهت مباشره الى رائيس القسم ولم ينصفني
فـ اتجهت مباشره الى عميد القبول والتسجيل وتم انصافي ولله الحمد