Urp130 ابغا فكرة مبدئية عنها

[ahmed 19]

السلام عليكم ورحمة الله وبركاته

كيفكم ؟؟

جا وقت السؤال عن مواد الترم الثاني

المهم

انا عندي خلفية بسيطة عن la141 و ar191 << (الرمز ماله صلاح بس عجبني وحطيته)

بس urp130 ما عندي فكرة عنها مرررا

واحد قلي فيها 11 مشروع
واحد ثاني قلي فيها مشروعين
واحد ثالث (متخرج وماخذ المادة زمااان) قلي بعض الطلاب عندكم فاهمين كلمة مشروع غلط
يقولكم سووا حاجة بسيطة تخلوها مشروع !!
بس ممكن يطلب منكم كم صورة وخلاص
(بس قلي يمكن يكون انلظام اختلف)


فعشان كذا يا دكتور ابراهيم ممكن تعطينا من خبرتك العريقة ما شاء الله
او اي طالب اخذ المادة قبل كذا
بس يعطينا المادة بالتفصيل الغير ممل

[ROBOT]

اهلين احمد ... صراحة هذه المادة غريبه مرررة ... المقياس والدرجات كلو عند الدكتور ... يعني ما تضمن فيها ولا نص درجة ... يمكن تاخذ 100 ويمكن f
بالنسبة لمشاريعها ... فصراحة كلمة مشروع كبيرة شوي ... بس هي عبارة عن تقرير مصور عن منشأه او مكان تاريخي او اي شي وغالبا ما تخرج عن مدينتي جدة ومكة يعني ما تروح بعيد ... لكن عددها كبير ايضا حوالي 10 تقارير ... هذا غير الاشياء المطلوبه بشكل فردي ... طبعا هذه المادة لا يوجد فيها اي اختبارات سوى النهائي فقط وغالب هذا الاختبار يكون رسم يدوي بشكل مبسط ...صراحة المادة كانت لي ممتعة لأن الدكتور قاعد طول المحاضرة 3 ساعات وانت تسمع حكايات زمان كأنك مع جدك ...لكن الدرجة مخيبه للأمال ... عالعموم حاولوا بقدر المستطاع تستفيدو من عقلية الدكتور هذا لأنه نابغة في تخصصه ... وقل ما تجد دكتور متمكن في تخصصه مثلة ... لكن توزيع الدرجات عنده غير معلوم واستعصى على الطلاب هذا السؤال طوال فترة تدريسة لهذه المادة ...في نصائح اخرى راح ادرها في وقت اخر ... (فاهمين يا طلابي ( دكتور متواضع :))

[ROBOT]

معليش على التأخير ... بس حبيت اضيف ان هذا الدكتور نظامي جدا جدا
وفي امور غير ممكن تعملها عنده
1- الدخول بعد الدكتور ممنوع ولو كنت عند الباب
2- اذا رن جوالك ... انت وجوالك برا :)
3- اذا غبت يمديك تعوض في اي شعبة
4- اذا ما غبت لازم تحضر له عذر خطي بيدك تكتب فيه الظرف اللي حصل عليك
5- الاخطاء الاملائية من اكبر الكوارث عندة
6- حاول بقدر المستطاع تكون في الصف الاول لأن لك معاملة خاصة في الدرجات
7 - شارك مع الدكتور نهاية المحاضرة لأن اذا عرفك تكون لك معاملة خاصة فيالدرجات ... لكن الله يعينك عالمحشات اللي تجيك طيران :)
8- تبغى تخرج من المحاضرة لأي ظرف لا تفكر ترجع مرره ثانية
هذا اللي حاضرني الان ... وفي انتظار اي استفسار منكم

[ROBOT]

وهذا cv تبع الدكتور عبدالمجيد

الاســـــــم : عبدالمجيد إسماعيل عبدالمجيد إسماعيل داغستاني.
لجنسيــــــة: سعودي (التابعية رقم 42231 في 12/3/1384هـ سجل مكة المكرمة ).

الحالة الاجتماعيـة: متزوج وله أولاد.
محل وتاريخ الميلاد: الطائف 1/7/1364هـ

التخصص الدقيـق: التخطيط الحضري والتنمية والتطوير في المملكة العربية السعودية .
الوظيفة السابقـة: (نقلاً من وظيفة مساعد رئيس بلدية جده) مدرس ثم أستاذ مساعد ثم أستاذ مشارك بمدرسة تصاميم البيئة (كلية تصاميم البيئة فيما بعد)، جامعة الملك عبدالعزيز بجده اعتباراً من 21/1/1398هـ

الوظيفة الحاليـة: أستاذ بمدرسة تصاميم البيئة (كلية تصاميم البيئة فيما بعد) ، جامعة الملك عبدالعزيز بجده اعتباراً من 27/7/1417هـ .

الخبرات السابقة:
1900 - 1900 : مساعد رئيس بلدية جده, بلدية جده, جده, المملكة العربية السعودية
المواد والمحاضرات:


URP 580 : ادارة المدن

URP 130 : تقييم البيئة المبنية

URP 502 : تخطيط قروي

URP 231 : مقدمة في التخطيط
معلومات الاتصال:
هاتف العمل: 6402000 تحويلة. 68162
البريد الالكتروني : ADAGHISTANI@KAU.EDU.SA
صندوق البريد : 80210
الموقع الشخصي : http://adaghistani.kau.edu.sa
الفاكس : 6836461
الجوال : 000




طبعا هذه المعلومات عنه ... وطبعا الدكتور عبدالمجيد لا يوجد لديه جوال لذلك لم يضعه في الخانه
وايضا كما هو مكتوب كان مساعد رئيس بلدية جدة بجانب طيب الذكر الفارسي بس اعتقد التاريخ فيه خطأ

[ahmed 19]

ما شاء الله يا ابراهيم كفييت ووفييت الله يعطيك العافية

بس ما صارت جامعة ذي,, قلبها استخبارات هههههههههههههههه

شكلو معقد مررا

وبعدين ايش دخل الاخطاء الاملائية ؟؟
ندرس املاء عنده ولا ايش؟؟

احنا بنكتب وراه ولا ايش بالضبط ؟؟

[ROBOT]

المشاركة الأصلية كتبت بواسطة ahmed 19 ما شاء الله يا ابراهيم كفييت ووفييت الله يعطيك العافية بس ما صارت جامعة ذي,, قلبها استخبارات هههههههههههههههه شكلو معقد مررا وبعدين ايش دخل الاخطاء الاملائية ؟؟ احمد ... الدكتور عنده انطباع ان الطلاب فكرهم تغريبي ... وان لغتهم مع مرور الوقت راح تصبح الانجليزية ... لذلك هو يهتم جدا باللغة العربية ... حتى الارقام ما يحب انك تكتبها بالانجليزي ندرس املاء عنده ولا ايش؟؟ احنا بنكتب وراه ولا ايش بالضبط ؟؟

طبعا الدكتور من النوع اللي يشرح شفوي وما يكتب اي شي على السبورة ... بس المشكلة انه يبغاك تكتب معاه اللي تفهمه بطريقتك الخاصة ...وطبعا الكتابة معاه مو الزامية لكن المفروض انك تكتب عشان تكون فاهم المادة ككل وانا اقصد بالاخطاء الاملائية في اعداد التقارير المصورة فقط لأن الدفتر لك ولا يطلبه منك سواء كتبت معاه او لا