تخرجـي + تدريبي لما بعد التخرج كـ ( اخصائية نفسية )

[حسن الهاجري]

المشاركة الأصلية كتبت بواسطة لقيت روحي بسم الله الرحمن الرحيم ... اولا احب ازف البشارة لكل اخواتي واخواني في المنتدى بتخرجي من الجامعة الحبيبة بعد مشوار 4 سنوات ونص اتخللتها كثير من الصعاب .. والحمدلله توفيق من ربي ثم دعوات من امي عديت بسلامة وبمعدل يرفع الراس .. منجد واجهتني كثير من الصعوبات خصوصا اني كنت انتساب وحولت انتظام .. و اتغير تخصصي .. وكنت افكر بجدية اوقف من الجامعة بس الحمدلله ربي ما اراد ... وجاتني ظروف جدا صعبة وخارجة عن ارادتي ومنها قطعت عن المنتدى العزيز لاكثر من شهر الموهيم : طبعا انا بعد تخرجي من الجامعة مثلي مثل اي خريجة شايلة هم مستقبلها .. وايش نوع و طبيعة العمل اللي براسها .. وهل بتلاقيه اولا ,, ولا ح تكون مثل الطوابير الباقيين بانتظار الوظيفة .. اتذكر يوك جت قريبتي عندنا و وريتها وثيقتي وانا مبسوووطة حدي الا تقولي مبروك وهنيالك جلسة البيت زي اللي قبلك ...........؟!!! ما قلت في قلبي غير حسبي الله على كلامها ليا ... حرام دوبي متخرجة تحطني في دوامة من كلامها ذا .. بس ما عليا منها انا (بشاير) وكلي اصرار .... وابتسمت .. وبس يا حبايبي انا طبعا ابغى مجالي (باذن الرحمن) اكلينيكي يعني تبع المستشفيات وكذاا .. لاني شايلة تماما من راسي فكرة التدريس او الحمعيات الخيرية .. على قول دكتورة نسرين يعقوب قتل عملا .. ااتوكلت على ربي ورحت لهيئة التخصصات الصحية .. وقدمت اوراقي .. (طبعا وثيقتي الاصل+ الصورة +هويتي الاصل والصورة + شهادة الـ cbr اللي هيا (الانعاش القلبي الرئوي) الاصل والصورة) ملاحظة : طبعا لازم يكون الاصل معاكي عشان يسووا لكم مطابقة في نفس الوقت عشان ما يضيع عليكم شي .. وبعدين وقت ما كان الرجال يطابق اوراقي وعرف اني انتظام حسيت الامور مشيت بسهالة لانه لو انتساب كانوا اتمرمطوا مدري ليه والحمدلله .. اخذت ورقة ( طلب التصنيف المهني ) موقعة ومختومة من الهيئة ,, وطلبوا مني اروح لادارة التدريب والابتعاث وهيا موجودة بمستشفى الملك فهد .. والحمدلله بس كذا توقيع وقالوا لي لاني انتظام لازم تدريبي يكون لمدة 3 شهور اقل شي .. و اذا زاد مافي مشكلة بس عشان اخذ رخصة مزاولة المهنة لازم التدريب هذا .. وطبعا انا ما عندي مانع وعلى حسب ما قال لي انه الانتساب تدريبهم لمدة سنة و طبعا اخترت مستشفى الصحة النفسية ( بامكانك تختاري المستشفى اللي فيها قسم نفسي زي فهد \ عرفان \ السعودي الالماني \ الصحة النفسية مستشفى الامل .....) و كل شهر التدريب بالف ريال يعني 3 الالاف ريال لثلاثة شهور .. قلت يالله ماعليه .. قال لي الموظف بعد ما ختم لي الاوراق .. اني لازم اجيب من المستشفى الموافقة على تدريبي .. و اول ما اخذ الموافقة ارجع لهم عشان اسدد الفلوس ,, ورحت على مستشفى الصحة النفسية في قسم التدريب والتعليم المستمر ( مع اوراقي الجاهزة والمختومة ) ضروري جدا يكون معاكي قالت لي ما شاء الله اوراقك كاملة بس القبول عندنا يكون بعد عيد الفطر ان شاء الله عشان نسوي حصر تام للمتدربين ويكون في وقت لقبول المتدربين ,, (التدريب عندهم يكون مرتين في السنة من شهر 1 و كمان شهر 6 ) اتمنى اني اكون افدتكم ان شاء الله .. الرسول صلى الله عليه وسلم قال : حب لاخيك ماتحب لنفسك .. وان شاء الله ربي يعطينا ويفتح لنا ابواب رزقه .. اللي حابة تتدرب معايا تقدم من دحين في رمضان على الاقل بس الاوراق الاولية ترى مافي زحمة يمكن في يوم او يومين بالكثير اوراقك تجهز .. ومعليش حبايبي لحد يرسلي اسئلة على الخاص .. اللي تبا تسال كل في العام عشان كمان اللي يبغى يستفسر يستفيد

================================================== ==============================

كلامك جميل وصحيح بالنسبة لمنطقتكم جدة .

انا بحكم عملي في منطقتي الباحة .
1- يعامل المنتظم عندي والمنتسب بنفس الشئ وبدون تعقيد نهااااائي .
2- التقديم على التدريب مباشر وبأي وقت مايحتاج حجز بالاشهر ولا هم يحزنون .
3- تدريب المنتظم والمنتسب عندنا بحكم تعاملنا بالمعاملات مع هيئة التخصصات منتسب علم النفس او علم الاجتماع انتظاااااااااااااام انتساااااااااااب جميعهم ثلاث اشهر لأجتياز التصنيف المهني .
4- الرسوم على الثلاثة الاشهر 2100 يعني عن كل شهر 700 وبأمكانه يسددها كاش بالموارد الذاتية (اقتصاديات الصحة ) او اقصاد يعني كل شهر يجيني ونرسله يسدد 700 حتى يكمل من باب المساعدة للمتدربين .
من جد طيبين و سهالاات هههههههههههههههههههههه الله يحفظنا بس لانتغير .
وصراحة كنت اظن صحة الباحة معقدة لكن نظراً عما نقلتي تغيرت نظرتي وشفت التعقيد بصحة جدة .

[mash31]

طيب والتعليم عن بعد لهم تدريب ميداني ولا كيف .؟!

[goood man]

المشاركة الأصلية كتبت بواسطة mash31 طيب والتعليم عن بعد لهم تدريب ميداني ولا كيف .؟!

بتاكيد لكم تدريب ميداني

عن طريق مادتي التدريب 1 والتدريب 2 خاصة التدريب 2


والحديث في هذا الموضوع عن التدريب مابعد التخرج للحصول على رخصة اخصائي اكلينيكي

وفقك الله

[حسن الهاجري]

14,841 مشاركات قود مان .......... مااقول إلا ماشاءالله لاقوة إلا بالله كم واحد دعا لك بظهر الغيب كم

صراحة كتبت حبيت اشكرك لأن مافيه أحد هنا تقريبامسجل بالمنتدى او ليس مسجل إلا انت قدمت النفع له فأنا اشكرك صراحة الشكر الجزيل لما لك من بصمة لم ارى مثلها في منتدى

واتمنى من الجامعة مكافئتك وحسن المكافئة ولو بيدي لكافئتك لما رأيت فيك من اخلاصك لأخوانك واخواتك الطلاب .سباااااااااااااااااااااااااااااااااااااااااااااق بكل خير .

فالله يجزاك خير الجزاء ويوفقك افضل توفيق .

[لقيت روحي]

الحمدلله واتمنى حتى لو شخص واحد يستفيد

[الجودي123]

جزاك الله خير وكتب لك الأجر ...