عاجل ،، وصلت .. صفحة التسجيل لمكافأة الملك عبدالله بن عبدالعزيز

[TWISTER]

المشاركة الأصلية كتبت بواسطة دنيا غريبة يسعد صباحكم بكل خير انا دخلت امس وسجلت البيانات وطبعت الاوراق بس ابغا اسال انا سجلت رقم الحساب الايبان وهم طالبين رقم الحساب العادي ذا لحين اخلص الاوراق وارسلها ولا ارجع اعاد كتبت البيانات واكتب رقم الحساب العادي ارجوا الرد في اقرب وقت الله يوفقكم

عادي رقم الايبان هوا موجود فيه رقم الحساب

بالتوفيق للجميع

[TWISTER]

الاخوة والاخوات الكرام

انا ذهبت الى الأحوال المدنية وقدمت لهم الخطاب المحول من الجامعة الى إدارة الأحوال المدنية

واخذت البرنت والله ما اخذ الموضوع 5 دقايق

واتركوكم من الخرابيط والهلس اللي البعض جالسين يقولوه هنا

وبعدها رحت البنك واخذت خطاب فيه رقم الحساب ومختوم من البنك

وقدمت المعاملة في الدي اتش ال مجانا من دون رسوم

تحياتي للجميع

[abo_nawaf]

شباب انا سجلت وطبعت الاوراق
بس في التعهد و الخطاب الموجه للأحوال المدنية مو مكتوب اسمي بالكمبيوتر هل اسجله انا بالقلم عادي ولا كيف

[mare5421]

يشباب ممكن احد يفهمني الموضوع لإني بصراحة ما ادري من المستفيد من هذه المكافأة بالظبط هل كل طلاب الإنتساب الموظف اوغير الموظف ولا ايش بالظبط.
الله يوفقكم ويجزاكم خير

[AL_HATTAN]

المشاركة الأصلية كتبت بواسطة abo_nawaf شباب انا سجلت وطبعت الاوراق بس في التعهد و الخطاب الموجه للأحوال المدنية مو مكتوب اسمي بالكمبيوتر هل اسجله انا بالقلم عادي ولا كيف

ايوه اكتبه بالقلم ..

[زهرة تشرين]

إخـــــــــواني الكرام :

1- الرابط مايفتح عندي من أمس

2- عندي برنت من الاحوال المدنيه من سنتين ينفع ؟؟

3- فهمت من كلامكم المطلوب ( طباعه أوراق من الصفحه المعنيه + برنت الاحوال + ورقه من البنك )

وترسل بالدي اتش ال .. صح

الله يـــــــوفق الجميع ..

[AL_HATTAN]

المستندات المطلوبه من الطالب :

1 / تعهد الطالب
2 / برنت من الاحوال المدنيه موضحه به المهنه
3 / صوره من الهويه الوطنيه
4 / خطاب برقم الحساب مختوم من البنك
5 / في حال ان الحساب بأسم شخص اخر يقدم مستند يوضح صله القرابه

تسلم جميع المستندات اعلاه مع التعهد والاستماره الى اقرب فرع دي اتش ال وتسلم (( مجانا ))


في الاوراق المطبوعه يجي خطاب رسمي الى مدير الاحوال .. على اساسه تروح الاحوال ويطبع لك البرنت .. ويكون موجه الى جامعه الملك عبدالعزيز وعلهي الختم الرسمي للاحوال المدنيه . ..

[احساس واثق]

الغريب اني يوم سجلت بياناتي وحطيت رقم الحساب طلع لي رقم الارساليه (مادري وش القصد)
غير كذا مالقيت ايه شروط او طباعه مستندات او تعهد

[سـ ـ ـ ـاب]

المشاركة الأصلية كتبت بواسطة al_hattan الموقع شغال دحيييييين .. انا سجلت امس وطبعت الاوراق ومن الصبااح وانا من مكان لمكان اللين خلصت رحت الاحوال وانا واقف دخلت على المدير وقلت له ابغى برنت وماقصر والله على طول طبعها واعطاني هيا .. ورحت البنك واخذت ورقه من عندهم برقم حسابي .. باقي بكره ان شاء الله الصباح اروح الدي اتش ال واعطيهم الاوراق .. ونشوف اخرتها معاهم .. دمتم ..

المشاركة الأصلية كتبت بواسطة twister الاخوة والاخوات الكرام انا ذهبت الى الأحوال المدنية وقدمت لهم الخطاب المحول من الجامعة الى إدارة الأحوال المدنية واخذت البرنت والله ما اخذ الموضوع 5 دقايق واتركوكم من الخرابيط والهلس اللي البعض جالسين يقولوه هنا وبعدها رحت البنك واخذت خطاب فيه رقم الحساب ومختوم من البنك وقدمت المعاملة في الدي اتش ال مجانا من دون رسوم تحياتي للجميع

كما ترون الموضوع سهل جدا ً من جهة الاحوال المدنيه

صوره (مع التحيه) لكل من يريد إثارة البلبة

الموضوع للفائده و تبادل التجارب و الانتفاع من هذه المكرمه و ليس للتذمر و إطلاق الإتهامات




الله يسهل عليكم جميعا ً و تنصرف لكم في أسرع وقت

[سـ ـ ـ ـاب]

المشاركة الأصلية كتبت بواسطة زهرة تشرين إخـــــــــواني الكرام : 1- الرابط مايفتح عندي من أمس جربي مره ثانيه أختي زهرة و بيفتح ،، فيه ضغط كبير عالسيرفر 2- عندي برنت من الاحوال المدنيه من سنتين ينفع ؟؟ ما أعتقد ،، لأنهم محتاجين اثبات مهنتك الحاليه ،، و بالتالي التاريخ القديم ما راح يكون مقبول 3- فهمت من كلامكم المطلوب ( طباعه أوراق من الصفحه المعنيه + برنت الاحوال + ورقه من البنك ) وترسل بالدي اتش ال .. صح صح ،، صح و الدي اتش ال مجاني بعد الله يـــــــوفق الجميع ..

الرد في الاقتباس


بالتوفيق لك أختي زهرة