لو سمحتوا من هذا الشخص الغريب

[ايمي الحلوه]

السلام عليكم ورحمه الله وبركاته :
شييييييييي خطـــــــــــــــــــــير جدا
لوسمحتوا انا بقولكم شي بس ماتتريقون علي تقولون هاذي شكلها مسويه القصه من عقلها
ترى هالشي حقيقي بيحصل معي والله بس يمكن انتوا ماعمركم عايشتوا الوضع
او احد منكم صار معه هالسالفه وقدر يسيطر عليها
الرجاء قراءه الموضوع بهدوء عشان تشوفون لي حل
انا في مره كنت قاعده اقراء جريده وبعد ماخلصت حطيت الجريده على جنب , وقمت قفلت اللمبه ورحت نمت المهم حطيت راسي على المخده وماجاني نوم وقعدت افكر تفكير عادي قلت يمكن يجيني نوم وبعدها جاني النعاس بعد تفكير دام ساعه الا ربع وبعد ماقفلت عيوني وبعدها بشويه يمكن خمس دقائق
والله ماكذب عليكم الا واحس بشخص راكب فوقي وانا نايمه تخيلوا ومسكني من عند رقبتي وقاعد يخنقني
والله اني بغيت امــــــوت ابغى اصرخ ابغى اتكلم ما قدرت والله حاولت اقاومه بس والله العظيم اني ما اكذب الا احس جسمي ممسوك فيه احد ماسكه مدري مين يمكن هم مجموعات جايين عندي مااقدر اتحرك ولا اتكلم والغرفه كانت مررره ظلام بس كان فيه نور جاي من الشباك وحاولت وحاولت ولا فيه فايده والله ياناس حتى كلمت اعوذ بالله ماهي راضيه تخرج من حلقي من قوه الخنقه وقعد يمكن كم ثانيه وهو خانقني
والله رجعت اقول بسم الله والله شويه واختفى ماادري وين راحوا قسم بالله شغلت اللمبه وما كان فيه اثر في الغرفه انه فيه احد داخلها والله العظيم مانمت بعدها من الخـــــــــــــــوف وما قلت لاحد هالسالفه الغريبه ومر يمكن اسبوعين ولا جاء شي ونسيت السالفه هاذي بعد هالفتره الاسبوعين دخلت الغرفه وكنت تعبانه مرررره وقفلت اللمبه ومشيت شوي الا واتذكر السالفه ورجعت بسرعه فتحت اللمبه وقلت في نفسي يعني ماراح انام من هالشي الغريب ورحت عند مخدتي وجلست اقراء كتاب على فكره تراه كتاب ديني انا عارفه انكم تقولون خرافات ولا جني المهم قراءت صفحتين وجاني النوم بس مااقدر انام اخاف كمان يجيني وحطيت راسي على المخده ومانمت وقعدت يمكن الى الساعه ثلاثه وخمس دقائق فجر وانا مفتحه عيوني وكنت مره نعسانه وتعبانه ابغى انام المهم قريت اذكار النوم و غمضت عيوني يمكن دقيقه وشوي الا واحس بشخص راكب فوقي وماسكني ولا حاجه تتحرك من جسمي من المسكه بس المره هذي مو خنق انا فتحت عيوني وشفت عشان اللمبه كانت مفتوحه والله لو اقولكم كيف شكله والله تخافون زي ماخفت كان لونه اسود مايل للشفافيه يمكن ماتفهموا النقطه هذي يعني لو شفتوه تقدرون تشوفون اللي وراه يعني هوا اسود وشويه شفاف وكان مررره مفجع شكله والله اللي خلقني انه اعطاني هذاك الكف القــــــــــوي على وجهي والله قمت وانا مرررره مفجـــــوعـــــــه والغريب انه اختفى والغرفه ماكان فيها احد وكانت الغرفه جدا عاديه ورحت والله عند اخواتي كانوا قاعدين بالصاله وقلتلهم فيه احد دخل الغرفه قبل شوي قالوا لا انا ماخبرتهم عشان ماينفجعوا والله اني مرره خايفه ومتوتره مين هذا الشخص اللي لونه اسود مايل للشفاف ؟؟؟؟؟؟؟؟؟؟؟؟؟؟
هل تعتقدون انه الجــــــــاثوم ؟
وهل شكله كذا اسود مايل للشفاف ؟
انا كنت احسبه افريقي دخل من الشباك !!!
ترى من جد اتكلم والله حقيقيه صارت معي شخصـــــــيا انا
انا عارفه اني طولت بس وش اسوي ؟
الرجاء الرد
الله يحفظكم جميعا من شرور الجن والانس
ايمي الحلوه