هذا ماحدث لي يوم الثلاثاء في جده باالتفصيل

[saudi-airlines]

السلام عليكم ورحمه الله وبركاته
كيف حال الجميع ان شاء الله تمام والاختبارات تمام التمام
هذا قصتي ومعانتي يوم الثلاثاء في جده
السالفه:صحيت الظهر يوم الثلاثاء وحسيت با الم في ضرسي وكل ماله ويزداد طبعا قبل 5ايام كان في الم يجي ويروح وبعدها حسيت الالم يزود علي قمت قلت خلني اروح اقرب مستوصف اشوف وش اللي فيني نزلت من الشقه رايح على سيارتي الا واتفاجئ ان القزاز اللي ورا على اليسار مكسور با الكامل وداخل السياره كل شي مبعثر قلت مالي الا اكلم المرور واكلمهم ويرسلون لي دوريه وقال لي وش اللي حاصل قلت نزلت ولقيت موتري مكسوره القزازه اللي ورا قال في شي ثاني قلت مدري قا فتش موترك وشف في شي مفقود وافتح الدرج كنت حاط حوالي ناسيه وولافه بشال يعني مو واضح
قلت له جوالي اللي انصرق مافي شي غيره عاد جوالي في اشياء خاصه وارقام اخوياي كلهم با المطار والجوزات وكل اللي ااعرفهم قال لي تبي تسوي محضر ولا تتنازل قلت لابسوي قال الحقني للقسم
واروح ويسجلون بياناتي وكل شي صار من الالف الى الياء قالوا تبي نشوف بصمات قلت ياليت وسوو البصمات واشوا لقو بس يقلون مانقدر نطلعه الا كان له سوابق وقد امسك قال عطنا رقمك ونكلمك اذا صار شي قلت اوكي واروح اقرب مستوصف ويسون لي اشعه وقال لي الدكتور في خراج بادي يطلع لك قلت وش الحل قال تجيني بكره وافتح لك ضرس مع الاعصاب وهذي مسكنات خذه الى بكره قلت بكره بعد اختبار الاحصاء بمرك قال اوكي واطلع من المستوصف قلت خلني اروح اركب قزاز للسياره ورحت لقطع الغيار واحصله وكاله 1400ريال وركبت وبعدها قلت خلني اروح للشقه يوم وصلت في مقابل الشقه اللي ساكنه فيها مجمع اتصالات خلني اورح اشوف يمكن احصل جوالي وفعلا حصلت جوالي قال لي المصري ان المغرب جاني عبد اسود طويل قلت المفروض ماتبيعون الا با اثبات واطلع واروح للشقه وصارت الساعه 12 قلت ارجع للشقه وانسدح وماقدرت انام من قوه الالم اللي فيني جت الساعه2ونص وطلعت لمستشفى اهلي قالوا بنعطيك ابره في الورك قلت وبعدها ماقدرت اتحرك من شده التعب يالله سقت السياره ورجعت للشقه وانام واصحى الساعه10ونص جلست وحسيت الالم خف شوي ثمن فتح الاحصاء من الباب الاول الى الباب الثالث ومريت عليه قرايه وبعده جت الساعه 3الاربع وطلع من الشقه واشيل عفشي <كنه عفش مطلقه وبعدها رحت للجامعه واختبرت وقعدت اشخبط شخابيط والاختبار احس انه صعب مدري عشاني ماذاكرت والمصايب تهلهلت علي قلت ماهمني انجح ولالا بي العافيه ابي اطيب
بعدين رحت للمستوصف وعطاني بنج الدكتور وفتح ضرسي وفتح الاعصاب وقال باقي الخطوات كملها اذا وصلت الرياض قلت اوكي وطلعت ورحت البسامي الدوليه للشحن السياره والحراره تزود علي والتعب والصداع يالله اسوق السياره ووصلت عندهم وسلمت السياره وبعدها ركبت مع ابولمبه
وقلت قبل ماتوديني المطار ابي اقرب صيدليه واخذ خافض للحراره ومسكن للالم
وبعدها اتجهت للمطار وصلت الساعه 9ورحتلي الساعه 12ونص الاقلاع يعني بوصل الرياض 2الاربع وانا تبعان مافيني اتحمل قلت خلني اروح للمشرف التفيذي واكلمه واطلع على الرحله اللي قبل
دخلت عليه وسلمت وشرحت له اللي صار معي واني تعبان وقلت اني زميلكم بمطار الملك خالد وموظف با الخطوط السعوديه وهذي بطاقتي ابيك مساعتك اطلع على الرحله الساعه10قال لا رح انزل تحت وسجل انتظار قلت يصير خير واطلع وزقت معي واروح مكتب الرعايه الخاصه
والقى لي موظف شايب شرحت له حالتي وقال ابشر وكنسل لي البوردنق على الساعه12ونص وعطاني على الساعه 10
طبعا اخوياي بمطار الرياض قايلين لي ان حقين جده الموظفين مايتعاونون معك حتى لوانك موظف
بس اشوا لقيت لي واحد شايب وحبيب والله يجزاه الجنه
المهم ركبت الطياره ووصلت الرياض الساعه11وربع وركبت مع اخوي ووصلت البيت سلمت على الاهل وعلى ماما وقالت لي ماراح اخليك تروح مره ثانيه جده اختبر هنا
قلت ابشري وخلاص توبه اروح جده يازين الرياض زيناه يالبيه بس
انا قلت تغير جو في جده وقلت الاسئله تكون سهله
لكن س/هل فعلا الاسئله في الرياض مختلفه وصعبه ؟
س/متى تطلع النتايج؟
واشف على الاطاله واتمنى محد يزعل من كلامي او اي كلمه طلعت مني باالغلط
بس اللي صار لي مهوب شوي
لكن الحمد لله على كل حال
وفمان الله