احسن دكتوره للبحث والتدريب .. اعطوني آرائكم

[فانتوكا جيرل]

السلام عليكم ورحمة الله وبركاته
اتمنى يابنات تساعدوناااا مين عندوا فكرة عن استاذة حياة صوفي
في البحث والتدريب وطريقتها وطلباتها وكيف درجاتكم معاها
الله يسعدكم بسرررعه عشان اذا مو كويسه احذف الماده
واخذها الترم الجااااي ارجووو افادتي

[ام دنيا]

الله يسعدكم يابنات اللي اخذو البحث والتدريب فيدونا لو بالشي القليل ... في انتظاركم

[فانتوكا جيرل]

للرفع
الله يسعدكم اسألوا صديقاتكم المتخرجاااات
محتاجين مشوراتكم

[أم نوال]

صباح الخير,,,,,
هلا أم دينا أسفة ياعمري مارديت عليكي لاني ماكنت أدخل أولا الدكتورة أسماء باهرمز ماتشرط اي شئ يعني لامكان تدريب ولاموضوع تقرير فقط لازم يكون ضمن مزاولتك الفعلية تكتبي
تانياا ترا ماتحب الكلام الكتير وانا كتبت موضوعي وماشافتة غير يوم المناقشة وبس بصراحة انصحك بيهااااااااااااا

[ام دنيا]

المشاركة الأصلية كتبت بواسطة أم نوال صباح الخير,,,,, هلا أم دينا أسفة ياعمري مارديت عليكي لاني ماكنت أدخل أولا الدكتورة أسماء باهرمز ماتشرط اي شئ يعني لامكان تدريب ولاموضوع تقرير فقط لازم يكون ضمن مزاولتك الفعلية تكتبي تانياا ترا ماتحب الكلام الكتير وانا كتبت موضوعي وماشافتة غير يوم المناقشة وبس بصراحة انصحك بيهااااااااااااا

الله يسعدك ويخليكي يااارب
معليش طولت عليكي ...
لكن انا مسافره بعد كم اسبوع ( حأتدرب واسافر ) ومااقدر ارجع غير ايام الاختبارات
حابه اعرف متى تكون المناقشه ايام الاختبارات ولا قبلها ؟؟؟؟
والتقرير نكتبه بالكمبيوتر ولا بخط اليد
ومشكووووووره

[غدا نلتقي]

أعتذر أخواتي عن التأخير ، كنت خارج جدة ومافي كمبيوتر..مادة البحث والتدريب يبغى لها طولة بال وتنظيم وقت واهتمام..
نصيحة مني لكل أخت معدلها مرتفع وهي راضية عنه لاتنزله بسبب هذه المادة..
كل المواد تقدروا تتحكموا فيها بالمذاكرة والجد والاجتهاد ، لكن هذي لازم تحطي في بالك أشياء كثيرة منها اهتمامك بالتواصل مع الدكتورة ورضاها..


أعذروني حطول عيكم بس من جد حابة أفيدكم..

أنا حتكلم عن الدكتورات حسب ما سمعت عنهم وعن د. خديجة حريري من خلال تجربتي..
1: فاطمة جاد الله( تهتم بالمكان اللي تتدربي فيه وهل هو مناسب أولا ، تتابع معاك وتعدل كثير وممكن تتعبي وفي النهاية ما تعطيك الدرجة اللي انت متوقعتها ماعندها مناقشة)
2:بثينة(مشكلتها الفوضى وعدم التركيز يعني وإن كانت حقانية مثل مايقولوا البنات بس تضطري كل ماتروحي لها تعيدي نفس الكلام لأنها ما كتبته عندها وممكن تمشي في بحثك وترجعك لنقاط عديتي منها، عرض الباوربوينت عندها دقيق وتركز عليه وعلى طريقة آدائك) يعني هي تركز مع انها ما توضح بالتفصيل للبنت هي ايش تبغى بالضبط وطبعا احنا كطالبات يهمنا التفصيل لأننا نبغى الدرجات..
3:أسماء باهرمز(طبعا هي بروفيسور وعلمها عالي وهي الوحيدة اللي تطلب تقرير من 10صفحات ولها طريقة معينة )
4:خديجة حريري
حقيقة أنا تعاملت معاهم كلهم (أسماء وهي رايقة مافي أحسن منها-فاطمة وبثينة ماتعرفي كيف تتعاملي معاهم خاصة فاطمة الكلام يطلع منها بالعافية-د.خديجة إنسانة جدا جدا راقية الأخلاق والتعامل والتقدير والاحترام ومهما قلت يمكن قليل في حقها..)أنا تخرجي نهاية العام الماضي ..وقتها الدكتورة مرت بظروف صعبة جدا وغابت عن الجامعة أسابيع ..
وطبعا أعصابي كانت تعبانة جدا الوقت يمشي وأنا موظفة دوامين وأدرس وعندي مسئوليات أسريةووو
وكنت أروح مكتبها أنا و وحدة معايا ونحط أوراق تحت الباب ونرسل ايميلات وزعلانين..
ايش تتوقعوا لمن رجعت؟؟

لاقيناها عاملة لكل وحدة فينا ملف خاص فيها وفيه كل ايميلاتنا وقصاصات الأوراق اللي من تحت الباب وكل شي، ومسجلة متى أول مرة شافتنا وكل شي تكلمنا فيه وفين وصلنا..
باختصار
إنسانة ماشاء الله منظمة جدا وأجمل شي انك تشعري ان كل جهدك مسجل عندها ..
طبعا نروح لها كل أسبوع مرة أو مرتين في الساعات المكتبية بعد الاتفاق معاها و والله كانوا البنات يروحوا مايلاقوا دكتوراتهم
لكن احنا نلاقيها وإذا مالاقيناها في المكتب نلاقي ورقة خارج الباب توضح لنا كل شي..
نسيت أقولكم
إنها اعتذرت عن فترة غيابها مع انها كانت حزينة جدا وتعبانة..
مافي شي نسألها عنه إلاتوضحه بالتفصيل وعرض الباوربوينت كان جدا مبسط والمناقشة كانت جدا حلوة واستفدنا منها
كانت في كل خطوة تقول أنا ما أبغاها مادة وخلاص أنا أبغاكم تستفيدوا من كل شي تعبتوا فيه..
وفي النهاية ماظلمتنا الحمدلله..

نصيحة عامة..أنا نقلت لكم اللي صار معاي ومع غيري
بس أنا وجهة نظري
حبي المادة وانظري لها بإيجابية واحترمي الدكتورة وتواصلي معاها ولاتترددي انك تسألي عن أي شي مانتي فاهمته،،
ولاتهملوا وفي آخر شهر تقولوا نبغى نعمل البحث.. ولاتعتقدوا ان اللي تروح من أول الترم عند الدكتورة زي اللي تروح في آخره..


سامحوني على الإطالة
وأي استفسار أنا حاضرة..

[ام دنيا]

المشاركة الأصلية كتبت بواسطة غدا نلتقي أعتذر أخواتي عن التأخير ، كنت خارج جدة ومافي كمبيوتر..مادة البحث والتدريب يبغى لها طولة بال وتنظيم وقت واهتمام.. نصيحة مني لكل أخت معدلها مرتفع وهي راضية عنه لاتنزله بسبب هذه المادة.. كل المواد تقدروا تتحكموا فيها بالمذاكرة والجد والاجتهاد ، لكن هذي لازم تحطي في بالك أشياء كثيرة منها اهتمامك بالتواصل مع الدكتورة ورضاها.. أعذروني حطول عيكم بس من جد حابة أفيدكم.. أنا حتكلم عن الدكتورات حسب ما سمعت عنهم وعن د. خديجة حريري من خلال تجربتي.. 1: فاطمة جاد الله( تهتم بالمكان اللي تتدربي فيه وهل هو مناسب أولا ، تتابع معاك وتعدل كثير وممكن تتعبي وفي النهاية ما تعطيك الدرجة اللي انت متوقعتها ماعندها مناقشة) 2:بثينة(مشكلتها الفوضى وعدم التركيز يعني وإن كانت حقانية مثل مايقولوا البنات بس تضطري كل ماتروحي لها تعيدي نفس الكلام لأنها ما كتبته عندها وممكن تمشي في بحثك وترجعك لنقاط عديتي منها، عرض الباوربوينت عندها دقيق وتركز عليه وعلى طريقة آدائك) يعني هي تركز مع انها ما توضح بالتفصيل للبنت هي ايش تبغى بالضبط وطبعا احنا كطالبات يهمنا التفصيل لأننا نبغى الدرجات.. 3:أسماء باهرمز(طبعا هي بروفيسور وعلمها عالي وهي الوحيدة اللي تطلب تقرير من 10صفحات ولها طريقة معينة ) 4:خديجة حريري حقيقة أنا تعاملت معاهم كلهم (أسماء وهي رايقة مافي أحسن منها-فاطمة وبثينة ماتعرفي كيف تتعاملي معاهم خاصة فاطمة الكلام يطلع منها بالعافية-د.خديجة إنسانة جدا جدا راقية الأخلاق والتعامل والتقدير والاحترام ومهما قلت يمكن قليل في حقها..)أنا تخرجي نهاية العام الماضي ..وقتها الدكتورة مرت بظروف صعبة جدا وغابت عن الجامعة أسابيع .. وطبعا أعصابي كانت تعبانة جدا الوقت يمشي وأنا موظفة دوامين وأدرس وعندي مسئوليات أسريةووو وكنت أروح مكتبها أنا و وحدة معايا ونحط أوراق تحت الباب ونرسل ايميلات وزعلانين.. ايش تتوقعوا لمن رجعت؟؟ لاقيناها عاملة لكل وحدة فينا ملف خاص فيها وفيه كل ايميلاتنا وقصاصات الأوراق اللي من تحت الباب وكل شي، ومسجلة متى أول مرة شافتنا وكل شي تكلمنا فيه وفين وصلنا.. باختصار إنسانة ماشاء الله منظمة جدا وأجمل شي انك تشعري ان كل جهدك مسجل عندها .. طبعا نروح لها كل أسبوع مرة أو مرتين في الساعات المكتبية بعد الاتفاق معاها و والله كانوا البنات يروحوا مايلاقوا دكتوراتهم لكن احنا نلاقيها وإذا مالاقيناها في المكتب نلاقي ورقة خارج الباب توضح لنا كل شي.. نسيت أقولكم إنها اعتذرت عن فترة غيابها مع انها كانت حزينة جدا وتعبانة.. مافي شي نسألها عنه إلاتوضحه بالتفصيل وعرض الباوربوينت كان جدا مبسط والمناقشة كانت جدا حلوة واستفدنا منها كانت في كل خطوة تقول أنا ما أبغاها مادة وخلاص أنا أبغاكم تستفيدوا من كل شي تعبتوا فيه.. وفي النهاية ماظلمتنا الحمدلله.. نصيحة عامة..أنا نقلت لكم اللي صار معاي ومع غيري بس أنا وجهة نظري حبي المادة وانظري لها بإيجابية واحترمي الدكتورة وتواصلي معاها ولاتترددي انك تسألي عن أي شي مانتي فاهمته،، ولاتهملوا وفي آخر شهر تقولوا نبغى نعمل البحث.. ولاتعتقدوا ان اللي تروح من أول الترم عند الدكتورة زي اللي تروح في آخره.. سامحوني على الإطالة وأي استفسار أنا حاضرة..

مشكوووووره حبيبتي وماقصرتي وربنا يجعلها في موازين حسناتك
بس حبيت استفسر عن اسماء باهرمز لو عندك معلومات اكثر عنها
لاني ناويه اخذ البحث معاها لانها ماتحدد المكان وتطلب تقرير فقط
من ناحيه ( الدقه في كتابه التقرير - مناقشه التقرير - مراجعتها - تقدر المجهود ام لا يعني لو ماعجبها التقرير تقول اعيدي كتابته ...)
الله يسعدك انا في انتظار ردك

[أحلى جامعيه]

غدا نلتقي مشكووورة ويعطيكِ العافيه ماقصرتي

[النوفي]

أنا ماخذت الماده والله يسهلها على الجميع
:)

[ام دنيا]

اااااااب