بحث وتدريب موارد بشرية استفسار عن الاستاذات

[غدا نلتقي]

اليوم رحت الجامعة....
تصوروا من 10إلى 1.30من باب لباب ومن أستاذة لموظفة..

أنا عند خديجة حريريbb
حضرتها ماهي في ولا حتى في ساعاتها المكتبية!!!!

نقلت شعبتي beطبعا ماقدامها أي اسم بس قلت على أمل إنها تكون أحسن من خديجة ...
رحت شؤو الانتساب قالوا لي ..هذه الشعبة مالها أستاذة..
قلت يابنت خليك على خديجة أحسن!!!

رجعت عدلت الشعبة وقلت أسمع كلام توشي وآخذ ورقة وأتدرب ومالي فيهم..

مارضيوا يعطوني كل وحدة تقول استني الاستاذة توافق!!!

رحت عند د.إقبال رئيسة القسم قالت استني لين يوم السبت حيصير في تعديل محتمل..

وانتظري استاذتك...

والله قهر!!!!!!!!!!!!!

[دلوعة الجامعه]

شفتوا شلون

مو قلت لكم ننتظر موافقة الاستاذة

انا قالت لي استاذة عايدا اللي بمكتب الوكيله السحيمي

والله صادقة

لانه في اوراق تاخذينها اذا وافقت الدكتورة عالمكان حقت البحث

او التقرير مثل ماهي طالبة

[toshi]

طيب نعطيهم مهلة هذا الأسبوع
ونبدأ الأسبوع الجاي نحدد يوم وساعة معينة نروح ونتقابل في الكلية عشان موضوع الدكتورات اللي محنا لاقينهم

[الماسه]

انا في شعبه be الي ما ادري مين استاذتها والله يعين

بس نصيحة يا بنات الي في شعبه لا تغير لان في ضغط مو طبيعي على المادة هذي


الظاهر كل البنات يبغون يتخرجون ههههههههههههه


والي انا متاكده منه لاحد يتدرب قبل ما توافق الدكتورة لان الحركة هذي بتسبب مشاكل اكيد

خلونا نصبر ونشوف ايش راح يصير خصوصا ان عندنا وقت كافي تقريبا شهر على الدورة حقتنا

[ريما الدلوعه]

والله انهم حيرونا وتعبنا معاهم الان يابنات انا تخرج ان شاء الله ونزلي الجدول بس مانزلولي بحث وتدريب وانتوا شايفيين كل الشعب مليانه وتقول دكتورة اقبال انو الاسماء يعني الدكتورات ممكن يغيروهم يعني مافي شي مؤكد للان انا خايفه والله ينزلولنا امل او فايزة دمنهوري والله ساعتها رحنا فيها لانو السمستر اللي راح نزلتلي عند امل وماعجبها اتدرب في بنك قمت حذفتها والان ماني عارفه ايش اسوي بس اهم شي ياحلووين انه لازم نتدرب قبل الدورة حقتنا انتوا عارفين مافي وقت ولسه قدامنا كمان بحث يعني مثل ماقالوا الاخوات تكون كلمتنا وحده ياجماعه بعد الدورة بيكون باقي شهر وبعدين امتحانات الله يعينا وييسرلنا امرنا يارب

[غدا نلتقي]

آخر الأخبار..

اليوم رحت الجامعة ..طبعا بعد ماأرسلت ايميل للدكتورة خديجة واتصلت بالتلفون ولاأحد يرد الين ماتعبت يدي من السماعة...

قلت لازم ما أسمع كلامهم وأستنى إلى يوم السبت...

المهم

الحمدلله لاقيت الدكتورة وشرحت لي ايش المطلوب ووافقت اني اتدرب في بنك..وأعطتني أوراق عن كيفية عمل التقرير وقالت لي لازم تتواصلي معايا لأن مهم في الدرجات..
وكتبت اسمي واثبات حضوري..
ماشاء الله عليها مرتبة أمورها ومركزة..
انطباعي الأول عنها..محترمة والله يطرح فيها البركة ويسخر لنا الطيبين من خلقه..

أنا اللي مرددني منها كلام البنات في المنتدى لكن الله يجعله خير..
وعملت أوراق التدريب والحمدلله..

[سمـ الأنوثـة ــو]

المشاركة الأصلية كتبت بواسطة غدا نلتقي آخر الأخبار.. اليوم رحت الجامعة ..طبعا بعد ماأرسلت ايميل للدكتورة خديجة واتصلت بالتلفون ولاأحد يرد الين ماتعبت يدي من السماعة... قلت لازم ما أسمع كلامهم وأستنى إلى يوم السبت... المهم الحمدلله لاقيت الدكتورة وشرحت لي ايش المطلوب ووافقت اني اتدرب في بنك..وأعطتني أوراق عن كيفية عمل التقرير وقالت لي لازم تتواصلي معايا لأن مهم في الدرجات.. وكتبت اسمي واثبات حضوري.. ماشاء الله عليها مرتبة أمورها ومركزة.. انطباعي الأول عنها..محترمة والله يطرح فيها البركة ويسخر لنا الطيبين من خلقه.. أنا اللي مرددني منها كلام البنات في المنتدى لكن الله يجعله خير.. وعملت أوراق التدريب والحمدلله..

الف مبرووك غدا
ما شاء الله عليك
يا الله عاد حاولي تخلصي قبل الدورة البحث والتدريب
علشان ترتاحي
وبالتوفيق لك يارب

[غدا نلتقي]

الله يبارك فيك حبيبتي..
الله يسمع منك ويسهل لنا ...
وإذا احتجتي أي شي من أستاذتك احنا في الخدمة..

[toshi]

يلا بشارة الخير هلت علينا الله يوفقنا كلنا ونقدر نقابل دكتوراتنا بدون تعب وان شاء الله ما يغيرو شعبنا ولا دكتوراتها لانه بصارحة أزمة لو حصل شي زي كده
الله يعين

[دلوعة الجامعه]

يابنات نصيحتي لكم لابد اخذ موافقة الدكتورة

ومبروك للاخت غدا بصراحه انا كان ودي مع خديجة

نها ذوق واخلاق

بس تحب البنت الدافوره يعني كل شوي تنطين بمكتبها

سوي نفسك مو فاهمه

صدقيني يمشي حالك بقدرة الله

والله يوفقك ويوفقنا واياكم