وزارة العمل تشدد : لايحق لصاحب العمل فرض شرط كشف الوجه للفتاة المنقبة!!

[سكون الورد k.a.u]

المشاركة الأصلية كتبت بواسطة mshal bin fahad سكون الورد k.a.u صاحبنآ .. آللي درعمت ورى رآيه هآلمرهـ دخل مشكلة آلبطآله ونقص آلوظآئف عشآن يبرر تنآزل آلبنت عن حجآبهآ وهذآ هو آلأصطيآد بآلمآء آلعكر :) تلميذ مسئول عن آرآءهـ وتصرفاته ، ومايعني اني وافقته بالرآي فأنا مسئوله عن أي رآي طرحه .. أحنآ .. مآ قلنآ تقعد بآلبيت أحنآ مع أنهآ تتركـ وتطلب ربي يعوضهآ أحسن وأفضل وتبحث وأكيد رآح تلآقي ربي مآرآح ينسآهآ أبد أبد وهذآ آلشيئ لآبد تكوني وآثقه فيه أولاً وأخيراً . وأقولكـ قصه بسيطه بآلمرهـ .. أنآ أعرف وآحد من أخويآي يشتغل في مستشفى كبير ومعروف في شؤون آلمرضى 4 سنوآت عندهم أنوآع آلإنحرآف كل يوم وحدهـ وكل يوم جنسيه وكل يوم شكل هذي دكتورهـ وهذي مرآجعه وهذي إدآريه وهذي مرآفقه وهذي سستر ... آلخ مآ قدر يمسكـ نفسه كره نفسه حس بغلقه مهب طبيعيه يبي آلفكه خلآص مل وطفش من نفسه مع انو كل شي متوفر رآتب كويس وطهبله بكل وقت مو عمل على قولته دشرهـ في دشرهـ كلم شيخ وقآله .. عن وضعه وأنه مو مرتآح مع أنو كل شي متوفر له بس ممحوق آلولد قآله اتركهم ورح دور غيرهم جلس معهم ويدور بآلتليفونآت وبآلجرآيد يعني مو بجديه صح مآلقى وظآيف كرهـ نفسه آخر حآجه وجآء ذآكـ آليوم " أستخآر " وتوكل على آلله وأستعآن به ودخل عليهم وقدم " أستقآلته " ليش وشفيكـ وش آلسآلفه قآل خلآص أنآ مآ عآد أبي اشتغل عندكم ورآح وخلآهم مآ جلس .. له أسبوع إلى هو محصل وظيفه أحسن منهآ رآتب وآحسن منهآ ميزآت وفي أول سنه عندهم تزوج وزآنت أمورهـ ونفسيته وحيآته وجآهـ آلآن ولد ومبسوط انبسآط يقول عمرهـ مآ مر فيه طول مآ كآن عند هذوليكـ بآلمستشفى " وش رآيكـ " ..؟ حآجه انآ أطلعت عليهآ شخصياً " لآ إله إلآ آلله محمد رسـول آلله "

لااله الا الله محمد رسول الله
يامشعل انا والله معك باللي تقوله .. وانا قلت من اول انا مو من مؤيدين هالشي ولو يصير معي مااقبل به ..
بس انا نظرت بحال البنت ..
وابي اقولك قصة خويتي اللي بأرامكو المدينه ..
هذي البنت سلمك الله ابوها اعمى وكبير بالسن .. وماعندها غير 3 اخوان ..
الاول .. سآفر لكندا بحجة الدراسه ومايعرفون عنه شي من رآح بعثه بعد الثانويه ومارجع للحين وماخلوا باب ماطرقوه الا ومحد يدري عنه وحتى السفاره تجهل امره .. اعتبروه مات .. وصلوا عليه غيابي وفتحوا له عزا ..
الثاني .. غضيب والدين .. تزوج وصار لحرمته بس .. ومايبي اهله ، ولو اهله تكلموا ضربهم مايفرق بين ام واب ولا اي احد كلن يضربهم عسى ايدينه للشلل .. راحت البنت وجرت ابوها لقسم الشرطه وقالت نبي نشتكي على اخوي العاق .. وفعلاً تم القبض عليه وهذا هو مرمي بالسجن إلين يعفو عنه والديه ..
الثالث .. مدمن مخدرات وصابته هلوسه وضاع عقله .. وصار يمشي بالشوارع وطلع برا الديرهـ وكان يأشر للناس ويطلعونه بالسيارات .. الحاصل إلين وصل منطقة تبوك .. وصار يمشي على رجلينه هنا وهناك .. وهو مو مستوعب شي وآخرها مات غرقان يقولون طاح من فوق مكان مرتفع وطاح بالبحر ومات (الله يرحمه ويغفر له)

من بقى بالبيت ؟؟؟ الأم اللي مريضه بمرض نفسي تخاف من اي احد يدخل عليها وتصرخ وتبكي ، والشايب الاعمى ، و 4 بنات صغيرات ، والبنت (خويتي)هذي معها بكالوريوس انقلش .. الله يعلم شلون خذته ونجحت فيه ..
كان لهم عم يصرف عليهم .. والعم هذا خسر كل امواله بالاسهم وصار هو يدور من يصرف عليه .. وماهم عآيشين غير على التقاعد حق ابوهم اللي كان شغال حارس امن بالاتصالات ، وبعد ماانعمى قاعدوهـ ..
راحت وقدمت على كل مكان .. محد قابل فيها .. وهالكلام من 4 سنين بالضبط .. قبلتها آرامكو بالسكرتاريه واشترطت عليها تكشف وجهها ..
البنت شارتني .. وانا قلت لها يغنيك الله من فضله .. وانا كنت بالثانويه العامه وقتهااا ..
المهم رفضت السالفه وقالت مآآبي خلاص .. ويتقدم لها جارهم مدمن مخدرات ومايعرف الليل من النهار وكان يبتز ابوها بالاموال علشان يتزوج البنت .. وابوها بغى يوافق من قلة الحيله .. قالها : يايبى انتي شايفه ماحنا لاقين عشانا .. قالت : لامااتزوجه هذا بكره شرفي يروح بالارض هذا موبـ صاحي .. طبعاً البنت درت عن سبب موافقة ابوها .. ورجعت لأرامكو وترجت اللي مايسوى علشان تتوظف .. وهذا هي الحين متوظفه فيها وكشفت وجهها ، وماتزوجت الواطي المبتز .

نسأل الله السلامه

[دارس1431]

أعيد للمرة المليون ^^

والله من ضعف الأنظمة عندنا

المفروض أي شركة تتلاعب ببنات الوطن وبما شرعة رب العالمين توضع في القائمة السوداء مع إستعادة كامل حقوق بنت الوطن


ياحسافة في بلد الحرمين وقبلة المسلمين تحارب المسلمة عند حجابها !!


سوف يسئلون يوم لا ينفع لا مال ولا بنون
سوف يسئلون

[JuStice]

.

كلام فارغ يا وزارة العمل !

أين الإلزام بـ تطبيق هذه المادة الرابعة التي تشددون عليها ؟

.

[سكون الورد k.a.u]

المشاركة الأصلية كتبت بواسطة justice . كلام فارغ يا وزارة العمل ! أين الإلزام بـ تطبيق هذه المادة الرابعة التي تشددون عليها ؟ .

نفس تطبيق وزارة التجاره !
كلهم بنفس السيناريو كلام وبس !!

[new-aman09]

النقاب هو ابتلاء وهو من اكثر ما شوه صوره الاسلام لا اعلم لماذا الاصرار عليه لو كان القرار بمنع النقاب لكان انفع ...

[JuStice]

المشاركة الأصلية كتبت بواسطة new-aman09 النقاب هو ابتلاء وهو من اكثر ما شوه صوره الاسلام لا اعلم لماذا الاصرار عليه لو كان القرار بمنع النقاب لكان انفع ...

.

الله عزّ وجل الذي شرع الحجاب هو أعلمُ بما ينفع عباده .

.

[new-aman09]

المشاركة الأصلية كتبت بواسطة justice . الله عزّ وجل الذي شرع الحجاب هو أعلمُ بما ينفع عباده . .

طيب الله لسانك .... انا لم اتحدث عن الحجاب عزيزي ,,, الموضوع بالنسبه للنقاب يحتاج لخطوه جديه كالخطوه التي قام بها الأزهر بمنعه

[JuStice]

المشاركة الأصلية كتبت بواسطة new-aman09 طيب الله لسانك .... انا لم اتحدث عن الحجاب عزيزي ,,, الموضوع بالنسبه للنقاب يحتاج لخطوه جديه كالخطوه التي قام بها الأزهر بمنعه

.

أنا أتحدث عن الحجاب الكامل .. ومنه النقاب وهو تغطية الوجه .

.

[عُلا]

المشاركة الأصلية كتبت بواسطة new-aman09 النقاب هو ابتلاء أحسنت , أصبت فيما كتبت هو ابتلاء لكن لمن ؟ ابتلاء لأصحاب النفوس الضعيفة وهو من اكثر ما شوه صوره الاسلام هو مايشوه الإسلام برأي من قصر نظره لا اعلم لماذا الاصرار عليه لسنا مصريين عليه و حسب بل ندفع حياتنا ثمنا رخيصا لعفتنا و عزتنا و سمونا لو كان القرار بمنع النقاب لكان انفع ...

حقا ؟!
من قال ذلك ؟

[Mshal Bin Fahad]

المشاركة الأصلية كتبت بواسطة عُلا هذا و الله أعلم و الله المستعان

المشاركة الأصلية كتبت بواسطة عُلا حقا ؟! من قال ذلك ؟

+1000

أهنيكـ على هآلمدآخله
بيض آلله وجهكـ وربي يزيدكـ من علمه
بجد نفخر بهيكـ عقليآت لآ عدمنآكـ يآأستآذهـ
ربي يفرحكـ بشبآبكـ ويجـزآكـ عن آلجمــيع كل آلخير إن شآء آلله