شكر لجامعة الملك عبدالعزيز

[حلم قريب]

المشاركة الأصلية كتبت بواسطة نبض الحنان ههههههههههههههههههههه الله يوفقك والى الامام مع جامعه الملك عبد العزيز

شي حلو إني أضحكتك عشان آخذ أجر إدخال السرور إلى قلبك

[ماكنتوشه]

المشاركة الأصلية كتبت بواسطة SeЙorita ماكنتوشه جامعتنا تبغى وحده اعصابه بارده بالها طويل تتحمل معاملتهم <<بنسبه لى كفايه الى حصل لى الترم الاول اذا لنا حق خليه فى ذمتهم ماعرف انتم ايش الى مزعجكم فى مواضيع هذى خليهم براحتهم المنتدى للجميع وهذى فتره نتائج واغلب اقسام المنتدى نفس المواضيع يشتكون وجهة نظر

ياقلبي والله اني متنرفزه اكثر منك وبكيت بعد
ليه ياامي مو ع كيفهم معاملتهم كذا انتي اذا لك حق دقي راسهم بالجدار وماعليك خلي معاملتها شينه مع نفسها بس اهم شيء انتي تكونين منتصره بالاخير <~ حسيت اننا بحرب ><

وانا والله مو مزعجني هالمواضيع لكن حبيت افيدهم ان هالمواضيع ماتودي ولا تجيب

وجهة نظرك ع راسي خيتي :)

[لمار عزوز]

بالنسبه لي ما شفت منهم الضرر الكثير بس بالنسبه للجامعه ككل هي قاعده تضر نفسها بأشياء كثير
و أول حاجه كانت بأول مرحله للشخص لألتحاقه بالجامعه وأكيد كل اللي قدم بدري يتذكر سالفة أيقونة الطباعه !!
كيف تصير بجامعه كبيره (بالمملكه)؟؟
وغيره فيه أشياء كثييييييره بس هذا الشي بالبدايه وكل شي له عيوب
وبعدين أشكرها كل هذا الشكر ليش !!
شكراًفقط
أنا دافعه فلوس
يعني أشكر زوجي أو أبوي

[بدري عليك]

ههههههههههههههههههههههههه
اذا خلصتو مضاربه علموني اشكر معاكم
كل موضوع لازم هوشه ارحمونا ياهووه

[لمار عزوز]

^^
ههههههههههههههههه
أصلاً أول التجمعات لخطه أ ببداية السنه كانت تتقفل كل شوي وهم متضاربين

[SeЙorita]

ياقلبي والله اني متنرفزه اكثر منك وبكيت بعد ليه ياامي مو ع كيفهم معاملتهم كذا انتي اذا لك حق دقي راسهم بالجدار وماعليك خلي معاملتها شينه مع نفسها بس اهم شيء انتي تكونين منتصره بالاخير <~ حسيت اننا بحرب >< وانا والله مو مزعجني هالمواضيع لكن حبيت افيدهم ان هالمواضيع ماتودي ولا تجيب وجهة نظرك ع راسي خيتي :)

لى تجربه معهم ماتشجع
وانا عصبيه شوي قد تهاوشت معهم من قبل الترم الاول
بدون فايده

[ماكنتوشه]

^
اجل ربي يعيينك ويعطيك طولت البال :)

[lightman]

المشاركة الأصلية كتبت بواسطة بدري عليك ههههههههههههههههههههههههه اذا خلصتو مضاربه علموني اشكر معاكم كل موضوع لازم هوشه ارحمونا ياهووه

هذه حلاوة الإختلاف و الرأي و الرأي الآخر
تخيلي الدنيا تمشي على كيفك و الله تكون مملة .. لكن يوم كذا و يوم كذا ..
نقاشات ، و حوارات ، و آراء ، و تقريب وجهات نظر متباعدة ، و نقاط إختلاف و نقاط إلتقاء ..
و الله يعينا بالصبر بس ..

[لزوم نبلغ الشيخ بالسالفه]

شتان بين هذا وذاك < قسمبلاه متعووووووووب عليها الجمله .. والله ي إن الجامعة ما قصرت معاكم و أحمدو ربكم على كل شي .. اللى ذاكر و رسب أكيد سوى شي غلط في الاختبار لان مو معقول يرسب من الباب للطاقه .. و انا عن نفسي اقول الحمد لله على كل شي و قسمبلاه انهم ما قصروا معي بالدرجات .. كنت ضامن الرسوب في الاحصاء بس الحمد لله عطوني فوق المتوقع .. طيب وش معنى انا عطوني درجات و انت لاا ؟ سؤال يطرح نفسه!! و بخصوص الأنقلش ما ادري ليه يقولون صعب الاسئله كانت مررررررررررره عاديه و اي شخص يحلها ما اشوف فيها ذيك الصعوبه إللى تخلي الواحد يسب و يلعن و يسوي من الحبه قبه .. و قسمبلااه ان الاسئله ما يحتاج الواحد يذاكر الماده لانها جدا عادي .. وعلى فكره لا انا خريج امريكا ولا عمري دخلت معهد لغه .. كانت الاسئله اسئله بديهيه يحلها اي شخص .. على العموم اذا انت باول الطريق ولا عندك صبر أنصحك انك تدور جامعه ثانيه هي إللى تصبر عليك مو انت إللى تصبر عليها ولا اضن انك بتلاقي .. و تذكروا مشوار الميل يبدأ بخطوه .. والحمد لله والشكر على كل شي ..

[غازي الطريقي]

المشاركة الأصلية كتبت بواسطة بسه :6 7: الشكر الممنون لجامعة الملك عبدالعزيز على الأسئلة الحلوه والدرجات المرضيه (ولكل مجتهد نصيب) بصراحه أنا في الترمين ماأنظلمت في الدرجات بل جاءت أكثر من المتوقع والأسئلة كانت جدا رائعة تراعي جميع الطبقات ... الكل يشارك بالشكر للجامعة والمنسوبين وبلاش نكون ناكرين للمعروف....

الأخت الفاضلة / بسه


جزيل الشكر لسمو روحك وكرم أخلاقك ,,,

أضم صوتي لصوتك لأقدم جزيل الشكر لجامعتنا الحبيبة وللأخوة الدكاترة وفقهم الله ,,,


الحمد لله الإختبارات كانت ميسرة ومراعية لظروفنا وإن شاء الله سنقدم ما يثبت جدارتنا وحرصنا ,,,


أشكرك أختي لنبل أخلاقك ولعقليتك الرزينة ولأدبك في الحديث , وأسئل المولى أن يوفقنا وإخوتنا لما فيه الخير والسداد ,,,


كما اقدم شكري لكل من ساهم في هذا المنتدى الرائع بما يفيد من ملخصات او توجيهات او نصائح


والله ولي التوفيق ,,,


بالغ ودي