لاتعليق!!!

[PiNk]

ان شالله ربنا معاكي
عاارفة افتكرت بنت خالتي وصحباتها
فـ قسم السكرتارية الطبية
يختاروا مستشفى يطبقو فيها
اسبوووع كامل وهيا كل يوم تدور مستشفى يسمحوا فيه انها _تغطي_ وجهها!!
أغلب صحباتها بدؤو قبلها واتنازلو عشان يخلصووو ...
بس فعلا ما شاءالله صبرت ودورت ولقيت وهيا اللي أخدت من بين المجموعة 95
لاتفقدي الأمل وشي سخيف زي كدا يحطمك
ان شالله ربنا معااااكي

[miss chocolate]

روح اقلك ربنا يعوضك خير
اتعرضت لموقف يشبه دا قبل ما اتخرج بسن لما رحت تدريب كانت مسؤولة التدريب هندية وكانت تحاول تقنعنا انو نكشف وجههنا بعذر للمرضى الرجال عشان كيف يفهمو تعابير الوجه واللي بيسوو صح ولا غلط طبعا رفضنا وكلمنا احد المسؤلين انو هادي حرية شخصية والمفروض تحترم هي تعاليم بلدنا وديننا مو نحترم دينها ومشي اللي كنا نبغاه بالعكس دائما اقول حجابي فرض احترامي ولا اقلل من وحدة تكشف وجهها وهي محترمة في طريقة لبسها وتعاملها
حتى حاليا في سنة الامتياز الحمدالله ماشي حالي وحتى لما الاجانب بيسؤولني عن سبب لبسه او حتى بنلبسه في البيت او حتى قدام كل الرجال بفهمهم واشرحلهم انت عارفة مرة تقولي حتى في الحفلات بتلبسوه ولمن ترقصي مت ضحك وورتيها صوري انو عايشين زي العالم بنلبس وبنتمكيج وبنرقص فكت فمها لمن شافتني
لا تزعلي وربنا يعوضك خير حاولي تدوري في المستشفيات الحكومية افضل انو زي م اقالوالبعض انو المستشفيات بيشرطو دا الشئ
معوضة خير

[الشــامخ]

الله يعوضك خير منها

وبعدين فيه مسؤلين تقدرى تقدمي شكوه عندهم ... وعندك وزارة الصحه وامارة جده وووووووووووالخ اذا هذا الشرط ماعجبك روحي قدمي شكوه هناك . وخاصه ان بلدنا هذا حفظه الله تحكمه الشريعه الاسلاميه يعني راح تحصلي قبول لشكوتك

انا اشوفك انك ماتسكتي اذا فعلا انتي محتاجه هذا الوظيفه

بالتوفيق

[فتفوتة سكر]

هنيئا لك روح على ثباتك
(طوبى للغرباء ) وما تقلقي الخير ايضا مستمر
ربي يثبتك ويزيدك من فضله

[me 4 islam]

يالله

معقولة !!
حاجة تجنن وربي..الله يسترنا بسترو الجميل

وربي يعوضك خير روح ..الحياة كفاح !

[روح البنفسج]

المشاركة الأصلية كتبت بواسطة مغادر الحياة اختي روح البنفسج هذا ليس غريب ولم يكن جديدا ما تعرضتي له لو تستطيعي اثباته تقدمي به للجهات الرسمية وتستطيعين ان تحصلي على حقوق قانونيه وافيه لانه لم يثبت الى الان قانونونيا وعمليا ومهنيا ان الحجاب يعيق عمل المراة .. فلما يصرون على كشف حجابك ويزعمون انه الشرط الاساسي ومن حقك ان ترفعي قضيه تطالبي فيها بحقك وما لحق بك من اذى نفسي .. واذى في تطبيق تعليمات القران والسنه وثقي ان هناك من سياخذ الموقف بكل جديه وسيحاسب.. امامك مكتب العمل .. اذا كان مستشفى خاص .. او اذهبي لمنظمة حقوق الانسان في حي المحمديه لدكتور الشريف واذا رغبتي راسليني على الخاص واعطيك رقم جواله وهو رجل متعاون رجل فاضل وله مواقف جميلة وحقانيه.. ولديه حكمه وسيرشدك على الطريق ىالصحيح ولكن عليك ان لا تكوني متردده او انفعاليه فقط

هلا مغادر

مشكور على اهتمامك وصدقني والله لو كنت فاضية وكنت فعلا محتاجة التدريب دا والله اني بتوظف في نفس المكان اللي ابغاه وانا مغطيه وراح يقبل وراسه فوق رجله

[روح البنفسج]

المشاركة الأصلية كتبت بواسطة رنــــا ياعسل ياروح استنكرتي رفضتي الوظيفة ماهيأثر فيهم!! انتي رفضتي في غيرك بنات كثير بيقبلو لو صح تكاتف المجتمع يرفض ذا الشي كان ممكن الإستنكار يجيب نتيجة على فكرة فيه بنات كثير كاشفين ويشتغلو في مستشفيات الكل يمدح في اخلاقهم احترامك وهيبتك تفرض الكل يعمل لك حساب ولو بدون حجاب الشي الداخل يعكس ع الخارج

حبيبي الله يهني اللي تقبل بالوظيفة
وشوفي ياقلبي انا ماقلت اللي كشفت مو محترمة او شككت بأخلاقها
بالعكس في كثير كاشفات بس محترمات
انا جالسة اتكلم عن مبدأ ودين
اللي من البداية اتنازلت عن مبدأها ورضيت تشيل حجابها دي محد راح يحترمها لان مالها سخصية وكلمة تجيبها وكلمه توديها
صح ولا؟

[روح البنفسج]

المشاركة الأصلية كتبت بواسطة علي العسيري ياناس وماتبغوني ادعي عليهم من قلبي !!! يعني ماهمهم لوكانت بنت سعوديه وحدتها الظروف المعيشيه الصعبه لطلب الرزق بيسغلون حاجنها ويجبرونها على التبرج والسفور ,, ولو جت واحده سافره ساقطه من برى البلد يرحبون ويعتمدوا لها الوظيفه من اول يوم ,, المفارقه العجيبه ان انتشرت اشاعه قبل يومين تقول ان وزارة العمل بتحتسب توظيف المراه السعوديه الواحده في القطاع الخاص بشابين سعوديين وهذا لو صحة هذه الاشاعه ,, ان معناه ان صاحب الموسسه الطبيه هذه ماهمه الربح المادي ولا كيف يحسب له عن اثنين في صندوق الموارد البشريه وكذالك يزدا فرصته من الاستقدام والفيز الي تتباع عينيعينك ,, المسئله ان يهدف للتدمير الاخلاقي فقط لااكثر ,, واعتذر من الجميع على الانفعال والدعاء في المشاركه الاولى

ااااااااااه بس الحمدلله

وماعليك اخوي كلنا بننفعل

[روح البنفسج]

المشاركة الأصلية كتبت بواسطة memoooo.2008 روح البنفسج .. يعطيكي ألف عافية على وقفتك الشجاعة.. وتخليكي عن وظيفة عشان رضا الله.. ولو كل فتاة رفضت هذا الشرط ماكان أحد إتجرأ وطلب منها هذا الطلب.. عزيزتي (سيري ونحن ورائك)

هلا ياعسل نورتي

واتمنى فعلا ان كل وحده تتمسك بمبدأها

[سفير الحنان]

حسبي الله ونعم الوكيل
عوضك الله