انتبهو يا بنات ..... الحاضر يعلم الغائب >>> مهم جدا <<<

[x_bioc]

Wellcome Back Noody




We realy missed u



مع اني ما فهمت اخر جملة قلتيها


كلامك صحيح 100% و انا احترم رأيك و رأي الاخ نضال

و ازيدكم من الشعر بيت

جارت خالتي في الرياض نفس الي قالتو نودي عن الحرمة مع زوجها و زيادة على كدا تغطي على الحريم

و غير كذا عيب عندهم تقول اسمها ، يعني دحين تقريبا 10 سنوات من الجيرة و خالتي ما تعرف اسمها

تناديها يا ام فلان

بس يا جماعة الخير الناس هادي مستحيل تكون من جدة او مكة او المدينة او حتى ساكنة في المدن من الاساس


اكيد جايين من قرى ، و هادي حياتهم و هما مرتاحين فيها


و احتمال 100% ان حياتنا ما تعجبهم ولا تناسبهم و مستنكرينها كمان


كل منطقة لها عادات و تقاليد خاصة بيها و عاجبة اهلها


و هذي تعتبر حرية خاصة بكل منطقة


يعني لو افترضنا ان العادات و التقاليد اجبارية .... حيكون فيه كلام ثاني



مادام ان العقيدة وحدة القبلة وحدة و الصلاة و الصوم زي ما قالت نودي فما عليهم اي اشكالية


بنفس العين الي احنا نشوفهم بيها هما كمان شايفيننا و بزيادة كمان


بالعكس هما شايفين عاداتنا غلط في غلط و الدين في جهة و احنا في جهة و يمكن معاهم حق


زي حجاب البنت او كشفها لولد عمها او ولد خالتها


زي حجاب او كشف البنت لاخوان زوجها


زي حجاب او كشف البنت لاولاد اخو زوجها


صلاة الرجال في بيتو


تبرج المرأة و تعطرها و هيا خارجة مع السواق او في السوق


غير اعياد الميلاد و الام و الاب


يعني اشياء كثيرة


و العادات بتتطور مع الزمن


يعني بدأ في جدة خروج البنات كاشفين شعورهم و عباياتهم مفتحة و تحتها جنزات ضيقة و برمودات و شورتات


و احتمال تنتشر العادة هذي في مكة و المدينة



برايكم و بصراحة من ناحية الدين و الشرع ايش الحرام و ايش المباح عاداتهم والا عاداتنا ؟

[عــــامـــر]

لوووووووووووووووووووووول نودي فكرتيني
مره امي راحت زواج اهل العريس من الكويت اخت العريس تحلف بالله انه ما عمرها شافت وجه امها
ولا تعرف كيف شكلها وووين يعني انتي قلتي على رجالها وهذه شفنها وسمعنا عنها كتير بس كمان على بناتها والله قويه هيه حتى على رجالها قوووووويه وين اتزوج وحده ما تخيليني اشوفها ما باقي غير تقلي لا تلمسني حرام
وقتها اعرفها الحرام في بيت امها هناك مو عندي لووووووووووووووووووووووووووووووووووووووووووووول

[NooDy]

والله يابايوك مرررررررررررررررررره وحشتني , كنت اقول لمناكيشو تسلم عليك .. ليك مكان في المنتدى لاتعيدها ;) , انا غبت عشان انشغلت شويه بالاختبارات, لانه بعيد عنك ادمان ماعرف ادخل شويتين واخرج الصق فيه واليوم كله يروح وانا عالنت .. عموما شكرا ..

مافهمت الجمله الاخيره؟ قصدي عشان الفلسفه ودخلت بين نقاشك انته ونضال , اسمها فلسفة برج العذراء...

مااعتقد انه تغطية الوجه على الحريم او على الزوج عادة او تقليد , مع احترامي للكل ده تخلف. عارف ليه ؟ لانه اول شي بيحرموا شي حللوا ربنا وده بحد زاته حرام,, اغطي على حريم؟؟؟ :-o و بنتي ماتعرفني؟ يعني لو يوم اتخطفت ولا ضعت يروحوا يقولوا للشرطه حرمه ببيرقع ,كيف شكلها مانعرف بس ببرقع .. واذا عالاسم لو انه حرام ينعرف , اولى بالصحابيات ماقالوه,, كان احنا ماعرفنا اسامي الصحابيات الى الان , والسيده عائشه كانت تنقل احاديث....
وغير كده بالعقل والمنطق في رجال مهما كان, يرضى بده الوضع .. يعني لازم تغض نظره , ممكن بده الشكل تخليه يتزوج عليها, بجد خلينا نفكر بطريقه واقعية مافي احد يتحمل يعيش مع شخص بلا وجه.. بدل مايشوف مرته كل يوم بشكل جديد , يشوفها سنييين ببرقع حديدي.. مافي دين يقول كده, يعني بدي الطريقه هما اخترعوا اشياء في الدين غير صحيحه وبيخلوا اجيال تكبر على شي غلط,, الصحابيات والرسول عليه الصلاة والسلام افضل الناس ماعمل كده , جابوه من فين ؟ من العادات ...

[x_bioc]

يا نوودي انا معاكي في كل كلمة قلتيها بس هما عاجبهم كذا ، رجالهم اتعودو و مهي فارقة معاهم


و تلاقيه كمان متزوج اربعة حريم و الحريم مهي فارقة معاهم كل وحدة راضية بقسمتها



زي ما حياتنا عاجبتنا و مرتاحين فيها و متأقلمين هما كذا


انت ترضي احد يتدخل في حياتك و يغير طبعك و عاداتك ؟ ترضي ان ابوكي يزوجك لولد عمك غصب ؟ ترضي ابوكي

يمنعك عن التعليم ؟ ترضي انك تنحبسي في البيت و ما تطلعي منو ؟


هما نفس الشي ، صعبة انهم يمشو على نمط حياتنا ، و هذا يعتبر عرف عندهم ماله علاقة بالدين


يعني مثلا مثلا سويت موضوع في المنتدى كل واحد يكتب اسمو بالكامل عشان نتعرف على بعض


تتوقعي كم بنت حتكتب اسمها ؟


لا نقدر نقول حرام لو ما كتبت و لا حرام لو كتبت


زي ما قلتي كلنا عارفين اسماء الصحابيات و عايدي ما فيها شي لو عرفنا اسمائكم صح والا لاء ؟


بس احنا عاداتنا انه مافي داعي البنت تنشر اسمها في منتدى او شات



و زي ما قال نضال فيه عادات و تقاليد مالها دخل في الدين و تعتبر اشياء مباحة مثل

ان العريس يدفع فوق المهر مبلغ لام العروسة و يدفع كمان لعمة العروسة او خالتها ( سمية العروسة ) الي اتسمت العروسة على اسمها

هاذي العادات معروفة عند بعض القبايل ، و في واحد من الشباب يدرس معانا في الجامعة خطب بنت من ديرتهم

بمهر 70 الف و ام العروسة 20 الف و عمتها الى اسمها زي اسم العروسة 10 الاف غير الشبكة و الزواج


و قلتله طب ليش ما تتزوجلك وحدة من جدة ، و محا يكلفك الزواج حتى 100 الف


عارفين ايش رد عليا يمزح طبعا


انت دافع شي من جيبك ؟!!!!!! الخير واجد و الفلوس تروح و تيجي و ثاني شي يفداهم اكثر من كذا

الفلوس راحت لأهلي ما راحت لاحد غريب و انا عندي اخوات و حيكون مهرم بنفس الطريقة


و دا شي عادي عندنا و متعودين عليه و راضيين بيه

[نضال]

يعني كانه يقول نتبادل الفلوس !!!


طيب انا اسوي جردة


ازوج اخواتي و بعدها اتزوج من بره


او اني اجيب 5 بنات كلهم اسمهم " زرعة "


يالله خد


خمسين الف ريال عشان السميات

اضربهم في خمسة

لان كل واحد حيتزوج لازم يدددددددفع


يلعن ام الربح

[x_bioc]

يا نضال الموضوع مو كذا


مو حكاية تجارة ، مجرد عادات و بس


و المعروف ان العالم هادي مترابطين و عايشين كعائلة وحدة و مستحيل حتسير حركات نذالة زي ما بتقول

[نضال]

اعرف واحد يا بايوك

كلفه المهر مع البدلات اللي صرفها 200 الف ريال

و عاش معاها سنتين و طلقها !!


الرسول صلى الله عليه م سلم يقول " خيرهن ايسرهن مؤونه " فيما معنى الحديث

جي دحين تقولي عادات و عيلة وحدة ؟؟

[x_bioc]

و هذا صاحبك يا نضال ما دفع الفلوس بمزاجو و طلق بمزاجو

محد ضربو على يده و قالو اتزوج البنت دي

و بالمهر الي دفعو كان مداه يتزوج 4 بنات من جدة

بس هوا عاجبتو التقاليد حقتهم

و لو يبغا يتزوج ثاني حيتزوج بنفس طريقة البنت الاولى


هذه حياتهم و عاجبتهم و هما احرار لا يكون انت دفعت المهر لصاحبك


و بالنسبة للحديث و اضح

الرسول عليه الصلاة و السلام فضّل وحدة عن الثانية

بس ما حرم الاكثر مؤونه

[mooon_14]

الله يرحم المسلمين وايهديهم ..
ولكـــــــــــــــــــــل ابتكار .....,, سلبيات و ايجابيات
وللأسف نتجه للسلبيات أكثــــــــر..
مشكوووووووووووووور موضوع مهم بالفعل ..
وأصلاً بالأفراح ما صارو يدققو على الجوالات بكاميرا .. والله يستر

[NooDy]

صح كلامك يابايوك, هيا عادات.. بس بردو حرام الجنان دا الي بيعملوه في المهر, لو واحد قبلي واهله مايرضوله غير يتزوج واحده زيه ,وهوا احواله عاديه يعني مايقدر على كده .. يعمل الحرام من ورا اهله احسن؟ ولا يتزوج عادي وبمهر معقول. دا في تعجيز للشباب والشباب مو ناقص انحراف .

وعلى حكاية الاسامي تفرق يابايوك لما جارتي ماتعرف اسمي وهيا حرمه زيي زيها, ولما اكتب اسمي في منتدى كل العالم والخلق يشوفوه وبالكامل , مو مشكله لو الاسم الاول سواء لبنات او في منتدى, بيقولك حتى حريم زيها مايعرفوا اسمها..