بنات بحث وتدريب + اماكن للتدريب؟؟؟

[نارا]

طيب صح منجد التدريب كيف يكون ايش تسوو يعني وانا سمعت انه ممكن الوحده تتدرب في مدينتها والله اعلم

[jolya]

ما اعرف اذا الانتساب لهم تدريب والا بس بحث كل وحده على حسب الاستاذه اللي معاها

[كت كات كات]

ياناااااس يااااعلم لسى مافي معلومات كافيه
نبغى احد يقولنا فين ممكن نتدرب احنا مانعرف شي احس مااحد متحمس يقولنا تجاربه ليش ؟؟؟؟
آآآآآه بس والله بجن ماني عارفه فين اروح ؟؟؟
اتمنى اشوف اماكن التدريب في رد احد الاخوات
ولكم شكري

[E7sasBanota ~]

7
7

سالت بنات اتدربو السمستر الي فات

بعضهم في الغرفة التجارية او مستشفيات لازم حكومية طبعا او مستشفى الجامعة

او مدارس حكومية و في بنات اتدربو في بنك الجزيرة

بس طبعا حسب الاستاذة بعضهم يشددو في موضوع ان لازم جهات حكومية

[دانـ الدنياءــة]

هذه مشاركة للعضوهأحبني أموت فيني ارجوا ان تفيدكم

رد: استفسار عن مادة البحث والتدريب للموارد البشريه

مساء الخير دايم العز

بقولك اللي عندنا الطالبات واكيد إنتم مثلنا ,,

* بحث وتدريب تختار مكان تدربه فيه لمدة 60 ساعه

هذه عليها درجااااااااات لأن بعضهم على بالهم إنو مو لازم ,,

* قبل ماتبدأ التدريب إحنا لازم نسأل الدكتورة عن المكان توافق علي المكان او لا ,,

لان عندنا بعضهم ماترضى الطالبات يتدربوا بمعاهد كمبيوتر تبغى شركة او بنك وبعضهم لا عادي

في بنات يتدربوا بالغرفة التجارية اللي أعرفهم قالوا لي بالحرف الواحد إنو من جد يعطوك شغل هناك وشي حلو لصالحك يعني تخرج من المكان وإنت مستفيد // بس والله العظيم ماادري بالنهاية كيف الدرجة اللي أخذوها انحرجت اسألهم ..

فلازم تسأل دكتورك ..

* قبل ماتروح للجهة التدريب في اوراق تطبعها من النت 3 اوراق من صفحة الجامعة

إحنا نطبعها ونختمها من الشؤن عندنا ..

إنت قبل عبي البيانات اللي فيها اسمك تخصصك والجهه اللي بتدرب فيها ..الخ

* بعدها التدريب لمدة 60 ساعه وتكون خلاص اتفق مع الجهه إنك بتدرب معاهم تشوف في مكان شاغر او لا
المهم تعطيهم الاوراق اللي قلتلك عليها لان بعد ماتخلص يقيموك (كدرجات) ويعطوك الاوراق بظرف مقفل ومختوم الظرف ضروري ,, الدكتورة ماتقبل الظرف وهو مو مقفل ومختوم


انتبه وقت التدريب حتى لو مااعطوك شغل إنت اسألهم تبوا مساعدة /في شغل اليوم أسويه/ في واحد قاعد يسوي شغلة تعرفها سهلة عليك قول له أعطيني عنك اساعدك ,, ,,الخ

قلتلك هالكلام لان وربي وربي بعضهم أنذال طول الوقت ساكتين ومايتكلموا بعدها تنفجع من الدرجة اللي معطينك هيا ماأبغى اخوفك وربي بس حبيت انبهك لان في من صار لهم كذا /

نصيحتي روح جهه تدرب فيها في احد قبلك جربها من الشباب اسأل هنا او اللي تقابلهم بالجامعة ..

* اما البحث تتكلم فيه عن مشكلة لاحضتها بالشركة بوقت التدريب شوف المشكلة مو من قبل تقول الدكتور لا لا /
وبيني وبينك لاتتكلم عن مشكلة صعبه بعدين تتورط بالبحث خخخخخ

ترى في أبحاث بالنت طبعاً خذ منها المفيد واللي يناسبك شوف عن ايه المواضيع
مو تاخذ البحث كله لان خوفك تنكشف وتروح فيها

تكلم عن مشكلة ضمان تحصل كتب عنها .. مثلاً الحوافز وآثرها عالموظف / دوران العمل ... الخ

* عندنا طول ماالطالبة تروح عند الدكتورة تسألها ترى عليه درجاااااااااات ؟
عاد لو طلع حتى إنتم كذا >> حتى لو ماعندك اسأله حفر اسئلة من تحت الأرض خخخ
طبعاً لو الدكتور حبوب مو شراني مايحب الأسئلة ..

بعضهم يبغى تسوي البحث وتعطيه وإنت خلاص مخلص منه وبعضهم لا يبغوا تراجعهم


على حسب أسلوب الدكاترة هو يقولك كييييييييييف ..


إذا تراجعهم حلو عشان يقولك اش أخطائك وتعدلها كل مابدأت بجزء خلي الدكتور يشوف بحثك
الأسئلة بتكون طريقة البحث ومحتواه من إلى ,,

* ممكن وقت ماتدرب تسوي البحث مو شرط لما تخلص وأضل عشان تخلص بدري مو تخلي آخر الترم لان يحتاج وقت شوي,,

* يفضل من بداية الترم تروح عند دكتورك وتسأله :
عن المكان اللي بتدرب فيه الجهه اللي حاط ببالك تدرب فيها + شوف اش يقولك من معلومات + تقسيم الدرجات كيف عالبحث وعلى ساعات التدريب وعالتقييم +طريقته , ,الخ

* عندنا بعد مانخلص البحث بعضهم تنااقش الطالبة لوحدها / بعضهم لا يكون مجموعه قدام الطاالبات المناقشة .. كلاً وعلى حسب طريقته ,,
غير كذا في دكتورات تطلب عرض باورباون يكون ملخص للبحث نفس الكلام بشكل تلخيص
وبعضهم ماتهتم ماتبغى عرض .


هذا اللي عندي وإن شاء الله استفدت
وبالتوفيق لك .. والله يوفقنا كلنا ..

[E7sasBanota ~]

بنات يالي اتدربو في الجامعة فين؟؟

وكيف نظام العمل

للان ماني عارفة فين اتدرب رحت الغرفة التجارية قالو مكتفيين ورحت اكثر من مكان

محتارة :(

[مها ناصر]

طيب ياحلوات أنا موظفة حكومية بمديرية الشؤون الصحية ممكن يكون التدريب في مجال عملي
ولا لازم أروح مكان أخر ياريت تفيدوني وشكرا لكم

[كونتيسه]

بمدرسه
وبعضهم يرضوا انك تدربين في بنك

ممكن تدربي في الجااااااامعه مثلا عمادة القبول والتسجيل -التعليم عن بعد - المبنى الي خلف 420 الي هو 62

الله يووووفقنا ويخرجنا على خير

[كونتيسه]

في مجال عملك يامها ناصر ينفع واريح لكي

[ميمي2008]

أنا صديقتي كانت انتساب تخصص علم نفس وكانت من سكان الطايف
تدربت في مستشفى شهار للأمراض النفسيه إللي بالطايف