نظم معلومات e مع أستاذه رهف ~

[حايسه بدنياي]

يســـــلمو سوسو ياقلبي

الا بسألك سوسو المحاظره اللي فاتت سألت عن المحاظره اللي قبلها ولا بدأت ع طول بالشرح .. ووبعدين هي ماأرسلت الباس واليوزر لان انا ماوصلني شي ع الايميل ؟

[susu MIS]

ايوة سألت

لا ما وصلني انا كمان

[حايسه بدنياي]

سوسو .. كيفك حضرتي اليووم ؟
اذا حضرتي هاه ايش رايك في محاظره اليوم انا اشوفها احسن من اللي قبلها
بس شلت هم مررا يوم قالت عن اسئله الاختبار انه في مقالي :(

[Rahaf_F]

الصراحه انا ما قريت كل الردود بس بقلكم شي رهف معيده حاليا بالجامعه اول سنه يعني جايه بحماسها و للاسف انا اخدت معاها ادارة اعمال بالانجلش جدااااا متعبه .. لانها غير متعاونه ابدا ولا تراعي الفروق الفرديه .. يعني هي محضره ماستر في بريطانيا تبغى الكل زيها .. فلو وحده بس منكم تفهمها دا الكلام يمكن تتعاون شويه ولا هي مو سيئه وحتى في الاختبارات كانت احسن من غاده اللي نص الاسئله مافي وضاع والوقت ورفضوا يعطوهم وقت زيادة والتصحيح كان زفت .. تصحيح رهف جداا كويس .. بس هي انها مو متعاونه ابدا وترفض اعربي جملة وتفصيلا مع انها من طالبات عبدالعزيز وعارفه البير وغطاه ..

[susu MIS]

ايوة حضرت صح احسن بس برضو ماني مرتاحه

مدري ليش حاسه بخوف نفسي اجيب احد يدرسني ويفهمني الماده كويس ما ابغا انزل عن البي بلس

وهيا كل شويه تهدد بالزيرو في البرزنتيشن

شكرا رهف استفد من كلامك وعرفت شي عنها

[حايسه بدنياي]

رهــــــــــف ...جيتي والله جابك
بصراحه من اول ابي اي وحده اخذت عند هالاستاذه
فياحلوه ياريت تقوليلنا كيف مستوى صعوبة اسئلتها وهل من جد تجيب مقالي ؟ والاسئله تجي بالفهم ولا من الموجود في الورق بس
وكمان البرزنتيشن كيف كان يعني اعطتكم فيه درجات كويسه ولا خسفتكم
ياريت تفيدنا لو سمحتي ومرا شكراا

[my hero]

up
up

[Rahaf_F]

اهلين حبايبي ما طلبتي غالي يا قلبي زي ما قلتلك هي ما عندها شي تذاكري منو يعني مهي عامله لنفسها شي واتفقت هي وغاده انو نذاكر من البوربوينت حق دكتورة غاده.. دا اول شي
تاني شي .. كانت تاخد ايميلاتنا على اساس تبعتلنا العرض اللي بتشرح منو ولكن ما بعتت اي شي ..
تالت شي .. هي فاهمه مادتها لكن شخصيتها ماثره كتييييييييير عنادها مثلا في انو تتكلم انجلش .. تصميمها انو تجاوبي انجلش حتى لو اتنازلت وخلت وحده تجاوب عربي تطلب غيرها تترجم الكلام انجلش .. يعني اسلوبها جدا جدا بايخ
رابع شي .. بخصوص الأسئله كانت جدا سيئه قولولي لييييييييييش؟ لانو جدا محوره يعني مو جمل من المنهج لا تحوييير يعني ايوا من المنهج بس مو مباشرة لا باسلوبها .. حاجتين ما اقدر افيد فيهم البرزنتيشن والمقالي انا انتساب فما عندي برزنتيشن.. والمقالي ما جابت بس في كتابة يعني انصدمت للطالبات الزييرو في الانجلش اكيد ما حفظوا الاسبلنق فاعتقد انو كان شي مو حلو
إن شاء الله استفدتوا من كلامي و كان واضح

[حايسه بدنياي]

يسلمو رهــف .. ماقصرتي كفيتي ووفيتي مع انه انصدمت صراحه وجاني احباط
بس الله يعيييييييين من هالادميه وهالماده الغلسه والله فكرت احذفها واريح راسي بس خفت ترجع تنط لي الترم الجاي وياسلام يسير ولاكني سويت شي غير اني ضيعت وقت ع الفاضي
مشكوره حبيبتي لاخلا ولاعدم ~

[Rahaf_F]

لا يجيكي احباط ولاااا شي سوي الي عليكي والباقي على ربنا انا كرفت في الماده وسويت اللي علي ورغم كل الي قلتو وجبت علامه جدا حلوه ... تفائلي بالخير يا قمر و بالتوفيق ان شااااااء الله :)