خاص بطلاب وطالبات السنه التحضيريه دفعه 11

[القصير]

صح نسيت اقلكم ترى قاعات الجامعه اغلبها بررررررررررررد وماتقدروا توطون التكييف بس ممكن تلبسوا عبايه اما ايام الاختبارات اجباري تفسخوا العبايات وادا المراقبه طيبه ممكن تحن عليكم وتخليكم تلبسون العبايات وعشان كدا انا كنت اخد معايا جكيت ادا برد البسه عشان اركز في الاختبار

[best flower]

انا مو فاهمه شي ف الحياه

اولا المعدل البنات هنا يقولون 3.57 للتحويل بس ف الموقع كاتبين 3 ينفع

تيب شنو يعني السنترا ..

والاختبارات كيف زي بنات الانتظام وحتى موعدها

[القصير]

انا حفهمك كل شي اسمعي ياستي بالنسبه للمعدل طبعا الاولويه للي جايبين 3.75 وفوق بس ممكن يقبلوك ادا جبتي3وكان في مجال بس انت عارفه الاعداد كبيرة يعني احرصي انك تجيبي المعدل المطلوب احنا دفعتنا ماقبلو لان العدد كان مرة كبيرفشدي حيلك

اختباراتكم قبل الانتظام وتكون اسبوع واحد بس كل يوم ماده وينزل لكم جدول الاختبارات حقتكم في الموقع

[القصير]

نظام السنترا يعني محاضراتك تكون بالنت طبعا مدتها 3 اسابيع

[best flower]

شكرا لك يا عسل

تيب يعني يكون زي بنات التعلم عن بعد

<<مو حللللو مرة

[القصير]

لاموزيهم اقلك اش الفرق
التعلم عن بعد بالضبط زي الانتظام بس بالنت وعليهم واجبات وحضور محاضرات عالسنترا يوميا اجباري ودرجات و...
اما الانتساب مش اجباري وكمان المحاضرات تتسجل اول باول واي محاضرة تفوتك تلاقيها عالموقع يعني مدلعينك اااااخر دلع

[bebe ahmad]

مشكوره يالغاليه والله يوفقك
وتدخلي التخصص الي تبغيه

[mamdoh255]

معلومات مفيدة ومشكوره
والله يوفقك
وتدخلي التخصص الي تبغيه

[القصير]

بش رحلكم بالتفصيل وش هو السنترا وكيف يشتغل
اول شي هدا رابط السنترا http://centra.kau.edu.sa/main/users/...l?default=true

اول شي تختاري اللغه حتلاقيها فوق بعدين تدخلي اسم المستخدم هو الرقم الجامعي وكلمة المرور هي رقم السجل المدني بدون اول رقم من اليسار
وحتلاقي جدولك فيه كل المحاضرات
طبعا ماحيشتغل معاك الا ادا حملتي هدي البرامج http://www.skaau.com/vb/showthread.php?t=105841
اقرؤوا هدا الرابط مفيد
وماحيفتح السنترا معاك الا قبل المحاضرات بيوم او يومين او ثلاثه وقبل هدا كله لازم تسجلي في دورة السنترا حيطلعلك رابط التسجيل في الاودس تبعك وتضيفي المواد حقتك وتاكدي من اسم كل ماده وانت تضيفي
بس طبعا هدا كله في حالة انه كانت محاضراتكم سنترا
اتمنى اكون افدتكم

[بروق الشوق]

المشاركة الأصلية كتبت بواسطة القصير بش رحلكم بالتفصيل وش هو السنترا وكيف يشتغل اول شي هدا رابط السنترا http://centra.kau.edu.sa/main/users/...l?default=true اول شي تختاري اللغه حتلاقيها فوق بعدين تدخلي اسم المستخدم هو الرقم الجامعي وكلمة المرور هي رقم السجل المدني بدون اول رقم من اليسار وحتلاقي جدولك فيه كل المحاضرات طبعا ماحيشتغل معاك الا ادا حملتي هدي البرامج برامج مهمه لتشغيل المحاظرات في الـcentra اقرؤوا هدا الرابط مفيد وماحيفتح السنترا معاك الا قبل المحاضرات بيوم او يومين او ثلاثه وقبل هدا كله لازم تسجلي في دورة السنترا حيطلعلك رابط التسجيل في الاودس تبعك وتضيفي المواد حقتك وتاكدي من اسم كل ماده وانت تضيفي بس طبعا هدا كله في حالة انه كانت محاضراتكم سنترا اتمنى اكون افدتكم

يعطيك العافيه شرح وافي

ارق واعذب الامنيات