ياليت الكل يشارك بالتصويت لنوصل رسالتنا (خطة "أ")

[القيصـــر]

يا اخوان والله اني اجاباتي ما تطمن بس عارفين وربي كلها سهله للي درس واللي ما درس زي حالتي اكيد بتكون صعبه

[alslaemi]

صراحه التحليل الكمي صعب

والله يخارجنا منه

[أم فارس]

مايخافون الله
سحبوا الاوراق في اختبار تحليل الاحصاء وحنا ماانتهينا
وياليت الوقت كافي
ساعة ونص وش نحل فيه؟
طيب سهلو الاسئلة شوي عشان ماتظلمون ولا حنا نظلمكم

[الباطن]

كل المواد فيهن حقهن

وكل وحده تقول الزود عندي

وانا اقولكم ليش

لان الماده نفسها صعبه يعني لو اي واحد وضع الاسئله هي هي الصعوبه
يعني الدكتور يفتر مخه مالقا سؤال سهل ...
فلذلك

المفروض يعيدون النضر في بعض المواد

مثل الانجليزي

انا من وجهة نضري انها إعاقه للطالب لا اكثر ولا اقل

يعني با الله عليكم ها الماده او المادتين اللي ادرسها تبي طلعني مذيع باالقناه الثايه من زود اللغه

احترامي للجميع

وتم التصويت للأنجليزي

[jehad09]

الحمدلله خلصت الاختبارات
والله التحليل الكمي هو الي كان فية صعوبة

[بكالوريوس]

ياشباب التحليل الكمي ، ذاكرته وكان بالمره سهل ، وكنت حاضر الدورة التحضيرية في جدة ، وكاتب كل اللي شرحه الدكتور ، ذاكرته وحفظته صم ، لما شفت الأسئلة يوم الإثنين انصدمت وضاعت كل معلوماتي اللي ذاكرتها ، اساساَ كل اللي ذاكرته وتعبت نفسي مشانه راح في الهواء كذا سؤال حليته معدوده على اصابع اليدين فقط ، يعني والله قهر عن جد قهر على الاقل يقدرون قدومنا لجدة ، او اللي حضر دورة تحضيرية يكون له وضع خاص بكم درجة ، عن جد شاب شعر راسي واقشعر بدني وتغير لون وجهي اثناء تأدية الإختبار وكأني مامر علي في حياتي اسم تحليل كمي او اني شريت كتاب له في يوم من الايام ، حتى القوانين حافظها لكن للأسف التعاون البيسيط من اللي وضع الأسئلة كان بعيد كل البعد , ولا كان اسئلة صح وخطاً أو خيارات بسيطة كان افضل بكثير من التحليل لكل مسألة + الوقت الضيق ، الله يعدينا فيها وللجميع إن شاء الله قولوا آمين ، المادة من جد ماهي هينة حتى اختبار الرياضيات كان صعب لكن التحليل الكمي اكثر صعوبة بمراحل خاصة ان المادة بسماه جديدة علينا يعني ماندري وش الطبخه .

وبالتوفيق للجميع ،،،

[ثامر الظفيري]

التحليل الكمي حطم النسبه القياسيه

[عميد الجامعة]

صباح الخير
انا اصعب ماده مرت علي هي
الثقافة الاسلامية
بصراحة الاسئله كانت تشتت الواحد
وخاصة اذا كان فيه اختيار
( كل ماسبق ) او ( لاشيء مما ذكر )
لانك لو كنت شاك في اجابه وحصلت من الخيارات لاشي مما ذكر ايش راح تسوي

[دربـ وفا ـي]

والله اقرا ردودكم

واقول ياريتني مديرة الجامعه كان الكل 100

لاكن وين بيوصل صوتكم وردودكم هنا


والله يوفقكم جميعــــــا

[enad999]

تعليقي عن قاعات الاختبارات والمراقبين او المشرفين فيها من العالمية ومن الجامعه للاسف (مهزلة )
اسف واعتذر عن اللفظ