استعجب لبعض الأعضاء

[مهاميهو]

انا دحين مافكر غير ان الله يحمينا ويحمي جميع اهل جده .. ويرجع كل غايب ومفقود لاهله ...
والاختبارات ادري انها حاجه هم ومسؤوليه’’ وناس عندها حجوزات وظزورف .. بس الي حصل في جده كارثه .. من الضروري اننا ماندعي بالشر على اهل الجامعه .. او نحسبن على الجامعه ونتذمر ليش ؟؟؟؟ السبب لان الجامعه مالها ذنب بالعكس هما في امس الحاجه لينا الان ندعي لهم الله يرجعهم بالسلامه ويسترهم يارب ,, كل شي قضاء ومقدر من رب العالمين واحنا ناس مؤمنين ونؤمن انو دي كارثه جده للمره الثانيه تقريبا .. نحمد الله على رجوع الناس وعقبال باقي الناس ترجع لاهاليهم ويستر خلقه يارب العالمين ’’ والله يجيرنا في مصايبنا ..
حلم الطفوله ,, اشكرك على الموضوع اختي .. وانا من الناس الي اخويه كان غايب ورجع الحمد لله,,
والله يعطيكي الف عافيه على فتحك لمثل هذا الحوار
وتقبلي مروري

[أبوشهد 2]

سلام كليم الصراحة


احييك على الشعور النبيل

[حلم الطفوله]

حياكم الله
اشكر تفاعلكم في الموضوع
واسأل الله ان يحمينا من كل سوء

شذى الحب تسلمين واطمنك هي وصلت فجر يوم الخميس الحمدلله
وان شاء الله تعدي اللازمه اللي شفتيها

[نٌآديةةة]

كلامك ميه ميه شفت الموت انا عشان رحت الجامعه والناس تقول نبي نختبر اظن تقصد نبي نموت !!!
الحمدلله على كل حآآآآآآآآآآل،

[meto595]

الله يحمي المسلمين و المسلمات

وبالنسبه للي تقولين خارج جده ؟؟؟؟ حتى لو انا خارج جده اكيد اني خايف وشايل هم جده واهلها كلنا اخوان ومسلمين

مو عشانك من اهل جده تكونين خايفه عليهم

ثانيا المفروض يعوضون الناس الي برا جده بـــ سكن او اعفاء رسوم اقل شي ترم واحد
ليش اقعد 4 ايام معلق؟؟

لا وبعد المشكله انهم منزلين الجداول وكنسلو الحذف و الاضافه؟؟

يعني في ناس قاعدين اسبوع كامل عشان اخر يوم في الاختبارات

[@العسيري07@]

جزاك الله خير اخت حلم الطفوله من جد كلام ممتاز ويعطيش الف عافية كان من جد نفسي اقول هل الكلام وقبل كل شي
قدر الله وماشاء فعل والحمد لله على كل حال قل مايصيبنا الا ماكتب الله لنا وعساء انت تحبوا شي وهو كره لكم وان تكرهوا شي وهو خير لكم وخيرة

االلهم ثبتنا يوم السوال

[SkAyLaR]

عآآدي .. إنتي في منتدى 80% من الاعضآء لآ يعجبهم العجب !!

شفت اشيآء من هؤلآء الاعضآء غريبه جداً ..!

وآحياناً يطلبو طلبآت غريبه !!

وعجبتني نقطه كتبتيهآ .. (اذا اجلو الاختبار قالو ليش يتأجل نبغى نختبر وإذا ماأجلو الاختبار حيقولو ايش الجامعه دي ماتقدر الظروف إللي احنا فيها ؟)

وانا احلفلك إن فعلاً هذا إللي حيصير .. كل همهم الانتقااااااد ..

وربي منتقدين بشكل مو طبيعي ..

وللأسف هؤلاء طلاب مايشوفو الجانب الايجابي في الجامعه .. يشوفو السلبي فقط !

زي مثلاً إختبار المناطق .. كل يوم نشوف موضوع يطالب فيه بأختبار المناطق !

ويقولو لآ حيآة لمن تنادي ؟ .. الاخ المشرف العام رد على موضوع يطالب بأختبار المناطق رد واضح جداً ..

وقال من المستحيل يعملو اختبار المناطق لأن هذا يرهق اعضاء هيئة التدريس لانهم مرتبطين بالانتظام ..

لكن مين يقدر ؟؟ .. كلهم نفسي نفسي وطزز في الدكاتره !! حتى لو ينحرقو اهم شي نبغى اختبار مناطق !

احياناً احس بعض العالم بلآ عقل .. او انو مايبغى يفكر !!

كفايه انهم ماقصروا والتحضيري صار اختبار مناطق !

بس للأسف والله مهما عملت الجامعه .. الطلاب برضوا حيفضلوا منتقدين ..

ينتقدوا اختبارات
ينتقدوا المراقبين
بنتقدوا مدير الجامعه
ينتقدوا صعوبة الماده
ينتقدوا قرارات الجامعه التي في الغالب تكون صائبه
ينتقدوا ونتقدوا وينتقدوا ... إلخ !!

[أسامة الغامدي]

أحب أذكر كم نقطة للكل وياليت تفهمون وتستوعبون كلامي...

أولاً قضية الأمطار الغزيرة كانت متوقعة ومعروفة لدى الكل.. (وإذا في ناس ما تعرف كيف بيكون الطقس فهذا دليل على الجهل لأن الطلاب والطالبات قدروا يعرفون إنو في منتدى إسمه منتدى طلاب وطالبات جامعة الملك عبد العزيز وماعرفوا إنو في موقع لمعرفة أحوال الطقس؟؟؟)

معليش كل واحد الحين صار عنده لاب توب ونت ما أتوقع في صعوبة إنك قبل ماتوصل جدة تعرف حالة الطقس فيها؟؟
انا واحد أخذت درس من الحياة ما في شي يجي بالساهل عندك لازم تتعب وتحصل عليه أستغرب من الناس تقعد وتحط رجل على رجل وتبي كل شي (أجلو الإختبارا) (لا تؤجلوا الإختبارات مامعنا فلوس) والثاني يقول لا تؤجلون ماعندنا إجازة...

هذا قضاء وقدر..
وانا من الشرقية وقبل ما اجي جدة أدخل بجوالي أو على النت على موقع weather.com

اشوف أحوال الطقس كيف بتكون في جدة وأنا الحمد لله بفضل الله ثم هذا الموقع أو البرنامج قدرت أعرف إيش ممكن يحصل أو إيش أسوء الإحتمالات اللي ممكن تصير في البلد...

ثانياً الجامعة ما تقدر تعمل (إختبارات مناطق) والسبب بسيط جداً وواضح.
الجامعة ماهي مستعده ترسل 5 دكاترة عشان يكونون مشرفين في قاعة إختبار في كل مدينة عشان 10 طلاب بس!!!

تخيل كل تخصص كم العدد فيه يمكن يكون بالالآف لكن لمن تجي في كل مدينة تلقى العدد يوصل للعشرات..
وبصراحة أول جامعة في الدول العربية اللي تسوي إختبار مناطق هي الملك عبد العزيز والإمام
جامعات العالم كلها تقول لك "تعال يا حبيبي أنت وياه وإختبر عندي هنا في الجامعة"

يعني قولوا الحمد لله رب العالمين إنكم تختبرون وتاخذون شهادة غيرك ما قدر يكمل الدراسة لأي سبب أو ظرفٍ كان.

"ومن الطلب العلا سهر اليالي"